Габард го обвинува лично Обама дека „поставил основа за долгогодишен пуч“ преку фабрикување разузнавачки информации што би сугерирале дека Русија настојувала да влијае врз изборите на кои Трамп ја победи демократската противкандидатка Хилари Клинтон.
Претседателот и неговите соработници притоа го користеле досието подготвено од британскиот разузнавачки аналитичар Кристофер Стил, иако знаеле дека тоа не е веродостојно. Разузнавачките проценки направени по изборите беа спротивни на оние направен претходно и укажуваа дека Русија веројатно не се мешала.
Информациите што ги објавуваме сега јасно покажуваат дека имало предавнички заговор во 2016 година спроведен од функционери на највисоко ниво во владата. Нивната цел била да ја променат волјата на американските гласачи и да спроведат долгогодишен пуч, со цел да го узурпираат претседателот да го извршува својот мандат. Без оглед колкава му е моќта, секое лице вклучено во оваа конспирација треба да биде истражено и прогонето според законот, за да се обезбеди ова да не се случи никогаш повеќе, изјави Габард.
Шефицата на разузнавачката заедница изјави дека на Министерството за правда му предала материјални докази што го потврдуваат нејзиното обвинување. Доказите вклучуваат документи од Џејмс Клапер, шефот на разузнавачките агенции во администрацијата на Обама. Габард директно ги обвинува и поранешниот директор на ЦИА, Џон Бренан, државниот секретар Џон Кери, советничката за национална безбедност Сузан Рајс и вториот човек на ФБИ, Ендрју Меккејб.
Во документи од декември 2016 година се наведува дека „функционерите од Длабоката држава во разузнавачката заедница почнуваат да протекуваат очигледно лажни разузнавачки информации до Вашингтон пост... тврдејќи дека Русија користела кибернетски средства за да влијае на „исходот од изборите“. Во друго дозирано протекување информации до Вашингтон пост било наведено дека „ЦИА во тајна проценка заклучила дека Русија интервенирала во изборите за да му помогне на претседателот Трамп“. Утврдено е дека повеќето од овие информации биле во спорното досие на британскиот аналитичар Стил.
Проценката ги потисна претходните предизборни проценки дека Русија немала намера или средства успешно да ги хакира анкетите, се тврди во извештајот на Габард.
Досието на Стил било дел од основата за долгата истрага спроведена од Роберт Милер, кој беше назначен за специјален советник во аферата со Русија. Милер заклучи дека Русија се мешала „на сеопфатен и систематски начин“ во изборната кампања, но „не утврдил дека членовите на кампањата на Трамп се координирале со активностите на руската влада.
