- Српската полиција синоќа приведе десетици лица и спречи напад врз „Пиоинирскиот камп“ на поддржувачи на Александар Вучиќ пред Народното собрание во Белград. Меѓу 37-те приведени лица е и поранешниот кошаркарски репрезентативец Владимир Штимац поради „поттикнување на насилство“.
- Десетици илјади граѓани вчера пристигнаа на платото пред Собранието за да ѝ изразат поддршка на Дијана Хрка, мајката на момче што загина при уривањето на настрешницата на железничката станица во Нови Сад пред една година. Таа почна штрајк со глад, поради тоа што властите избегнуваат одговорност за смртта на нејзиниот син и на уште 15 луѓе при трагедијата.
- Група демонстранти ги нападнале симпатизерите на Вучиќ што кампуваат пред Собранието. Фрлале камења, шишиња и пиротехника и запалиле еден шатор.
- Поранешниот претседател Борис Тадиќ ги повика граѓаните на Србија да ѝ изразат поддршка на мајката што штрајкува со глад и секоја вечер да протестираат во Белград. Оние што не можат да дојдат, ги повика да организираат протести во своите места: „Сите на улица!“. Претседателката на собранието Ана Брнабиќ го обвини Тадиќ дека повикува на насилства и граѓанска војна.
- Википедија статијата за конзервативниот активист Чарли Кирк, оваа година била прочитана 45 милиони пати, особено откако тој беше убиен на 10 септември на отворена сцена во универзитетски кампус.
- Второто место традиционално му припаѓа на списокот на познати лица кои починале во текот на годината а третото место е за Ед Геин, американскот масовен убиец чиј живот е прикажан во третата сезона на true crime антологијата на Нетфликс, Monster.
- Википедија годинава слави 25 години од постоењето. Ја креираат 250.000 волонтери, меѓу кои се и нашите Викимедија МКД.
- Во последно време слободната енциклопедија е честа мета на критики за идеолошка пристрасност (види: Википедија влече накај воукипедија) па Илон Маск како алтернатива ја понуди неговата Грокипедија.
- На хрватскиот дистрибутер на струја ХЕП се приклучени 38.947 кровни соларни елекетрани со кумулативна сила од преку 1,1 гигават.
- Иако само една петтина од нив се на претприемачи (останатите се домаќинства), тие држат речиси 80% од вкупната сила.
- Во последниве четири години, бројот на инсталации се има зголемено над десет пати, особено во жупаниите со развиена локална економија и туризам.
- Ваквиот силен раст веќе станува предизвик за дистрибутивната мрежа. Главните проблеми се зголемувањето на напонот над дозволените граници (особено во области со мала потрошувачка и голем број соларни електрани) и преоптоварувањето на капацитетот во некои трансформаторски станици во време на пиковите, помеѓу 11 часот и 15 часот. Дополнителен проблем е сезонската зависност и просторната нерамномерност, особено по должината на јадранскиот брег.
