- Врз основа на потерница од Интерпол во Москва е уапсен украинско-израелски државјанин обвинет дека тргувал со органи од луѓе оперирани во приватна клиника во Приштина.
- Борис Волфман (40) бил приведен во Турција и бил депортиран во Русија. Претходно бил приведуван во Тирана и во Израел. Во Русија се соочува со максимална казна од 15 години затвор.
- Синџирот за трговија со органи на Волфман се протегал од Костарика до Косово. За клиенти од САД, Канада, Германија и Израел на кои итно им било потребно пресадување бубрег, црн дроб или срце тој им обезбедувал органи од сиромашни луѓе и бегалци од Русија, Белорусија, Казахстан, Киргистан и Молдавија. Им ветувал суми од 15.000 до 17.000, но не им плаќал, а на клиентите им продавал бубрег за 150.000 долари.
- „Осомничениот и неговите соучесници ја злоупотребиле довербата на руски граѓани, убедувајќи ги да ги продадат своите органи. Тие претрпеле тешки телесни повреди како последица на нелегалните процедури во приватна медицинска клиника во Приштина“, изјави Ирина Волк од Министерството за внатрешни работи.
- Википедија статијата за конзервативниот активист Чарли Кирк, оваа година била прочитана 45 милиони пати, особено откако тој беше убиен на 10 септември на отворена сцена во универзитетски кампус.
- Второто место традиционално му припаѓа на списокот на познати лица кои починале во текот на годината а третото место е за Ед Геин, американскот масовен убиец чиј живот е прикажан во третата сезона на true crime антологијата на Нетфликс, Monster.
- Википедија годинава слави 25 години од постоењето. Ја креираат 250.000 волонтери, меѓу кои се и нашите Викимедија МКД.
- Во последно време слободната енциклопедија е честа мета на критики за идеолошка пристрасност (види: Википедија влече накај воукипедија) па Илон Маск како алтернатива ја понуди неговата Грокипедија.
- На хрватскиот дистрибутер на струја ХЕП се приклучени 38.947 кровни соларни елекетрани со кумулативна сила од преку 1,1 гигават.
- Иако само една петтина од нив се на претприемачи (останатите се домаќинства), тие држат речиси 80% од вкупната сила.
- Во последниве четири години, бројот на инсталации се има зголемено над десет пати, особено во жупаниите со развиена локална економија и туризам.
- Ваквиот силен раст веќе станува предизвик за дистрибутивната мрежа. Главните проблеми се зголемувањето на напонот над дозволените граници (особено во области со мала потрошувачка и голем број соларни електрани) и преоптоварувањето на капацитетот во некои трансформаторски станици во време на пиковите, помеѓу 11 часот и 15 часот. Дополнителен проблем е сезонската зависност и просторната нерамномерност, особено по должината на јадранскиот брег.
