Ако не ви се чита понатаму, тогаш зборот е "НЕ". Наше е да ви кажеме дека Вол Стрит инвеститор Џејмс Алтучер има премногу добро образложение зад својот одговор за да останете само на НЕ.

Се што мислевте и за цитатите и за тие што ги објавуваат ви е потврдено во студијата од Универзитетот Ватерло со извонреден наслов "За приемот и детекцијата на псевдо-продлабочени срања."

Американски професор решил врз основа на расположливите податоци да создаде економски модел на Галаксијата од Ѕвездените војни и да му удри една економска анализа. Не е на арно. Дел од заклучоците ќе ви заличат на нешто наше (*), а дел на нешто од Грција (**).

Веста е дека Закерберг и неговата сопруга донираа 45 милијарди долари во добротворни цели. Барем така беше пренесено, и како такво ова не е точно.

Тоа што 20-тите години ги минувате во претерано гледање телевизија (граница која научно е сигурно многу пониска од она што ти мислиш), на 40 години ќе почне да ви се одразува на мозокот.

Сомнежите околу тоа ги пренесовме (види: Париз против конференцијата во Париз), но да пробаме и со нешто позитивно. Чудна работа се случи оваа 2015-та година; за првпат можеме да бидеме оптимисти околу климатските промени. Во некој друг, подобар свет, тоа би била вест на годината, наместо заебанциите и пиздариите низ светов.

Ришард Легутко, европарламентарец од полската партија за Право и праведност, на една неодамнешна седница здружно посетена од Меркел и Оланд им го посвети својот говор на лидерите на двете најголеми држави во Унијата.

Еден поинаков пристап на преговорите во Париз за спасување на човештвото тргнува од тоа: какви се шансите за средување на климатските промени кога очајничкиот последен обид да се направи нешто е спонзориран од енергетски компании и авио-превозници?

Текстот е напишан откако Марлон Џејмс ја добива Мaн Брукер наградата за неговата книга, на што претходеше Нобеловата за литература за Светлана Алексиевич, што се случи некое време откако беа објавени Мекартур стипендиите (или Гениј грантовите).

Три години обично е рокот по кој семејствата во Грција се одлучуваат да ги ексхумираат останките на своите најблиски, кои потоа, со доплаќање, се чуваат во костурница, ако не се фрлаат во дупка.

Во 2010-та кога Бил Гејтс и Ворен Бафет ја објавуваат 'Giving Pledge' иницијативата за раздавање на своето богатство, германскиот милионер Питер Крамер, излезе во Шпигел за да објасни зошто не се приклучил на идејата на двајцата милијардери.

Пред потенцијалното излегување на Британија од ЕУ, кое би се одлучило по референдум во 2017-та, британски Телеграф ја пренесува помалку познатата приказна за формирањето на Унијата и кој е крив за тоа, "гласачите на британскиот референдум мора да разберат дека од прв ден Европската Унија е обид за изградба на федерална супердржава."

Две години откако Girls Gone Wild објавија банкрот, и во истата година кога Плејбој објави дека малку ќе ја смири својата содржина, Џери Спрингер наполни 25 години постојани блесаво високи рејтинзи.

Марк Закерберг и жена му ѝ пишаа писмо на нивната штотуку родена ќерка Макс дека ќе раздадат наоколу 99 посто од нивните акции во Фејсбук. Ние сувопарно ќе ви ги пренесеме фискалните аспекти на сторијата а за човечкиот момент, наш Дарко има еден преубав омаж на темата. 

ИСИС од сред истокот, во едно свое видео му се заканува на Мексико од сред Америка, за тоа што учествувал во коалицијата против нив, оддалеченост и културолошка некомпатибилност која Мексиканците крајно шармантно ја искористија.

Годинава 65% од анкетираните компании изјавиле дека ќе организираат забава за новогодишните празници. Во 2012-та биле 72%, во 1998-ма се дури 83%.

Откако Стоја го обивни својот колега и поранешен дечко дека ја силувал, уште неколку жени од индустријата се приклучија на обвинувањата против Џејмс Дин (James Deen не James Dean).

Без разлика на комплетната разорност и трагичност, француски Ехо проценува дека нападите од 13-ти ноември, најверојатно ќе имаат пократкотраен ефект отколку што се мислеше.

Редовниот пакет на економски санкции и влошување на дипломатските односи кој и следуваше на Турција по соборување на рускиот воен авион, Русија го надополни со создавање нови пријателства на теренот во Сирија.

Официјалното име на конференцијата е "United Nations Framework Convention on Climate Change twenty-first session of the Conference of the Parties and the eleventh session of the Conference of the Parties serving as the meeting of the Parties to the Kyoto Protocol," наслов кој сосема оправдано ги заслужува сите 22.000 илјади официјални претставници кои ќе се соберат во Париз.

Францускиот новинар Ерик Земур по нападите во Париз порачува "наместо да ја бомбардира Рака, Франција треба да го бомбардира Моленбек." Населбата која го достигна врвот на својата неславност по нападите во Париз, веќе со години локално се води како "фабрика за терористи."

Едно од првите (анегдотални) решенија за проблемот со поплаките околу чекање во ред (во случајов пред лифт), доаѓа од 50-те од зграда од Менхетен, каде по сите инженерски обиди нешто да се направи, решението се сведува на поставување одгледала (по висина на цел ѕид) веднаш до лифтовите за луѓето да можат да се гледаат додека чекаат. По ова, поплаките речиси комплетно прекинуваат.

Како дел од Црниот петок (или како дел од некој внатрешен зол социолошки експеримент) Cards Against Humanity, популарната и политички некоректна игра со карти, на својот сајт ја имаше понудата на сезоната: платете ни 5 долари за апсолутно ништо. Кратката верзија на сторијата е - од апсолутно ништо заработија 71.000 долари.