Затоа што бројките околу тоа колку пати е отворена една статија и не кажуваат нешто претерано за нејзиниот квалитет, уредништвото на Тајмс се интересира за една посуптилна мерка - колку часови читање собрала некоја статија. И тоа се мери.

Мажите е поверојатно да бидат прескокнати за компетитивни позиции кои се базираат на индивидуални квалитети - на пример, позиција во продажба - доколку се перципирани како убави, е утехата од новата студија на Лондонската школа за менаџмент.

Казахстан го прави она што одамна е "мрачен предмет на желбите" на многу властодршци. Во шифрираната интернет комуникација меѓу две страни, да се отвори простор и за трета. Погодете која.

Откако наспроти сите здравствени препораки, училиштето дозволи примање на деца кои не се вакцинирани заради сите коректни аргументи и стравови на нивните родители, се случува неочекуван пресврт и невакцинираните деца почнуваат префаќаат имунитет на сипаници од вакцинираните. Нормално дека НЕ!

Со својата последна изјава да им се забрани влез на муслиманите во САД, Трамп успеа да антагонизира уште една важна изборна групација. И ако победи како републикански кандидат и ако на изборите оди како независен кандидат, математиката оди во прилог на Хилари Клинтон. А нејзиниот есап може да го расипе Берни Сандерс.

Приказната за краткото време кое и е потребно на студентката по германски јазик да заврши во брак со фанатик наликува на бројните други приказни за оние кои зачудувачки брзо се трансформирале во следбеници на ИСИС.

Ако Саут Парк беше човек, тој ќе беше доволно возрасен за да гласа, иако веројатно немаше да го стори тоа. Овој бесрамен цртан е централата за анти-активистичката сатира и богохулење уште од 1997-ма, пишува Џејмс Пониевозик во текстот за Њујорк Тајмс.

Во последниве 30 години во Канада има речиси 1.200 убиства или исчезнувања на домородни жени кои воопшто не се решени. За да не остане така, Трудо вети 40 милиони долари (канадски) за решавање на овие случаи, што го најави како "тотално обновување" на врската со староседелците.

Еден од главните аргументи околу пиратеријата што активно беше игнориран од крстоносците против неа, е дека таа им овозможува на луѓето да гледаат што сакаат, кога сакаат и каде сакаат. Токму ова е носечката филозофија зад сите стриминг сервиси, кои (таму кај што ги има) почнаа да ја потиснуваат пиратеријата.

Глобално истражување за тоа колку луѓетo ги познаваат клучните факти за својата земја покажува една разочарувачка вистина: ни степенот на демократија ниту пак развиеноста и слободата на медиумите имаат врска со тоа каде колку 'трупови' има.

За сите баратели на азил во Норвешка важи понудата од Владата доброволно да се вратат од каде и да дошле, а за возврат ќе добијат десетици илјади норвешки круни за среќен пат (1000 круни се 6.500 денари). Во понудата е покриен и патот назад, повторно, до кај и да треба.

Фризерски салон од Велс на своите муштерии им понуди опција да закажат "тивка столица", столица на која ќе седнат и ќе им биде направена фризура без да мора да муабетат со фризерот. До сега, најдобро решение имаше нашиот финансов во Трендоленд.

Гугл Венчурс годинава ќе ја заврши со инвестиции од 2,4 милијарди долари, во компании за кои не ни помислуваш дека би можеле да бидат поврзани со Гугл, како Убер, Медиум или ТјунИн.

За време на изложба во Арт Базел галеријата во Мајами, пред цел народ, жена вади нож и прободува друга жена во раката и во вратот. ТАДАААААААМ.

Номинациите ги објави Алиша Кијс, а наградите ќе се емитуваат во понеделник 15-ти февруари 2016.

Во борбата за одбрана на образот и честа на италијанското маслиново масло, растурена е една од најголемите криминални организации исклучиво фокусирани на фалсификување италијанско маслиново масло, сред Италија.

Под наслов "Гејови што ги почитуваме" уредништвото на руската верзија на магазинот Максим прави листа на славни мажи кои се толку добри во својата работа што им ја "простуваат" нивната сексуална определба.

Претставува морален скандал и национален срам тоа што цивили можат легално да купат оружје создадено да може да убива луѓе со брутална брзина и ефикасност.

Десет африкански држави дадоа ветување ќе обноват 100 милиони хектари изгубена џунгла (за споредба Македонија по површина е околу 2,5 милиони хектари). Надзор и помош им се Светската банка и Германија.

Леснотијата со која ја прифаќаме колективизацијата на "кривицата" на економските мигранти е сигурен знак за кршливоста на либералните темели на денешна Европа.

Сите оние поучни и добронамерни емисии / кампањи во кои како на луѓе ни ја објаснуваат полезноста од јадење домашно зготвена и/или здрава храна и зошто треба здраво да се храниш, немаат претстава дека на тебе во 11 часот наутро на работа ништо не ти изгледа пологично и полесно отколку да извадиш стотка од џеб за бурек, баничка, тост или бургер.

Веќе четири години во Сирија се одвива крвава војна. Она што започна како демократско востание против диктатурата на Башар ал-Асад се претвори во кошница на конфликти, делумно отсликувајќи ја и бруталната борба за регионална доминација меѓу Турција, Иран и Саудиска Арабија. А сега Русија, преку воена интервенција во име на Асад, се обидува да го засили својот статус како глобална сила во однос на Западот.