Над Минхен летаат хеликоптери, јавниот превоз е прекинат, а луѓето се советуваат да не се собираат на јавни места бидејќи во тек е потера по напаѓачите кои убија 8 или 9 луѓе пукајќи кому иде по градот. А со напаѓач избеган на кровот, муабети Југос.

Лошо е што резултатите се од најнови научни анализи и се поддржани од експерти за здравје. Полошо е што важат и за оние што пијат алкохол и малку и умерено. Нуспојава, веројатно и алкохолот ќе добие етикети како цигарите.

Колку време треба за да направиш успех преку ноќ? На Џон Ханке му требаа 20 години за да го создаде Покемон Го, апликацијата која со 10+ милиони симнувања во првата недела го надмина Твитер во активни дневни корисници.

Аплицирајќи ја проверената игнорантност "ако нешто ти е непознато, генерализирај" професорка по политички науки во текст за Вашингтон пост заклучува дека тоа што Меланија го копирала говорот на Мишел, е последица на нејзиното посткомунистичко образование, во кое препишувањето е често, па дури и охрабрено. И ова важи за цела Источна Европа.

Како што во говорот на главната партиска конвенција одби да го поддржи Трамп, така симпатизерите на Круз во салата во Кливленд извикуваа "2020". Процената е дека ако излезе според планираното (Трамп да ги изгуби изборите) Круз ќе биде најверојатниот кандидат на партиските избори 2020.

Потполно бизарен случај, човеков е терапевт, работи со аутистичен пациент, го упуцуваат затоа што некој пријавил ненормално однесување (на пациентот кој е аутистичен).

Постариот брат во март годинава изврши бомбашки напад на аеродромот во Брисел, во кој загинаа 32 цивили а 300 беа повредени. Помалиот како репрезентативец на Белгија се квалификуваше за Олимпијадата во Рио.

Веројатно најисландскиот објект што некогаш може да биде замислен. И за сега е толку, само е замислен како концепт, иако кога би бил изграден ќе биде совршен дом за најголемиот Бонд негативец што некогаш се појавил. Идејата е бетонска зграда на самиот раб на некоја од провалиите на Исланд. Тоа изгледа вака:

Организацијата се вика Витра, а своите училишта ги опишува како "места за среќавање со позитивна и отворена атмосфера," кога на ова ќе додадеш дека се од Шведска, ситуацијата од насловот станува пологична.

Во петокот вечерта, на почетокот од пучот, еден од најблиските соработници на генералот Акар, влегува во неговиот кабинет и со каиш околу врат го киднапира командантот на вооружените сили на Турција.

Во 2011 двајца дечки се наоѓаат на муабет колку непотребно скапи се бричевите на големите компании. И решаваат да ги реметат понудувајќи евтина алтернатива која ја стартуваат со едно ултра ефектно видео. Пет години подоцна, фирмата им ја купуваат за милијарда долари.

На заминувањето од функцијата, поранешниот министер за надворешни работи, Вилијам Хејг, на својот наследник му остави упатство за министри за надворешни работи од 10 точки.

Прво дојде армискиот хеликоптер од кој се истоварија војници кои се обидоа да ја заземат телевизијата. По нив дојде полицијата со панцири и автоматско оружје, која упадна во канцелариите обидувајќи се да ги уапсат војниците. На крај беше толпата од 200 луѓе кои извикувајќи "Господ е голем" упаднаа во телевизијата сакајќи да ги распарчат младите војници, пишува дописникот на Базфид од Турција, Барзу Дарагахи.

Во брутална снимка која се очекува да ги има сите обележја на ИСИС, група бунтовници кои заради својата "умереност" доби поддршка од САД во борбата против Асад и Исламската држава, обезглавува дете заробено во близина на Алепо.

Десетици само што дипломирани студенти на академијата на ФСБ (екс-КГБ) може да се поздрават со дискретна кариера, откако одлучија дипломирањето да го прослават снимајќи спот и позирајќи на фотографии за алкохол. И сето тоа природно да го објават на Јутјуб.

Пред многу години си реков на себе: "Ако има уште еден пуч во земјава, ќе се откажам од новинарство..." Мината вечер ме потсети на ова ветување, пишува во својата колумна поранешниот главен уредник на Хуриет, Ертурул Узкук.

УНЕСКО ги прогласи делата на францускиот архитект Ле Корбизије за светско културно наследство. Бетон, челик и стакло се основните материјали на неговиот модернизам, пуризам и брутализам, правци кои и натаму предизвикуваат спротивставени коментари.

Жителите на Германија по дома во метал и хартија се уште имаат германски марки во вредност од над 12 милијарди или во денешни пари 6,53 милијарди евра.

Дечкото, не можејќи да најде работа во Србија, одлучува да ги спакува куферите и да појде во Приштина. Во текстов објаснува колку животот таму му е добар. Но и колку сознанието дека и по 16 години од војната е полесно да дојде некој од Белград или од друг српски град отколку од северна Митровица за раат да живее во Приштина е поразувачко.

И да не следиш вести 2016 до сега беше преполна со настани што не можат да те одминат, и ова важи дури и ако држиш до некој арогантно висок став на толеранција кон светот дека вест е само нешто што се случува во Западна Европа или САД.

Иронично е што, додека припадниците на војската започнаа државен удар против него, Претседателот Реџеп Таип Ердоган се одлучи на герила медиумски тактики - обраќајќи се преку Фејстајм апликацијата на неговиот мобилен - за да ги повика Турците да се спротивстават на пучистите.

Иако никој од околните факмани одамна се нема пожалено/пофалено дека ја закачил (сега главно се жалат на триглицериди или жгаравица), гонорејата не само што е тука туку станува отпорна на сите можни оружја кои ги имаме против неа.

За Ердоган спасот на политичката кариера (а потенцијално и животот) започна на аеродромот во Истанбул, каде изјави дека обидот за пуч бил дар од бога затоа што сега ќе може да ја исчисти армијата и вети дека пучистите "ќе платат висока цена за ова". Заменикот уредник на Гардијан, сака да верува дека целата работа може и помирољубиво да се разреши.

Има претерано многу аргументи против индустријата за месо, одгледувањето животни за храна предизвикува климатски промени, ја загадува околината, создава болести и бактерии кои се сè поотпорни на антибиотици, фекалии, а колењето животни во одредени случаи би можело да се квалификува како тортура. Едниот аргумент што многу оди во негова корист е што месото е вкусно.