За разлика од многумина кои се занимаваат со проекции на стравот дека роботите ќе ни ги земат работните места, професор Дејвид Гребер порачува дека на тоа опција треба ѝ се радуваме, бидејќи премногу човечки животи се трошат на бесмислени работни места. Гребер предава антропологија на Лондонската школа за економија, еден е од препознатливите гласови на „Окупирај го Вол Стрит’ и човек кому му се припишува слоганот „Ние сме 99%“.

Новиот шпански премиер има еден очигледен и дебел проблем - никој не го гласаше за таму. Санчез на таа функција дојде искористувајќи легални системски решенија но ниедна политичка вештина и смисла за комбинаторики не може да му го даде неопходното политичко чувство и потврда дека претставува нешто што граѓаните го сакаат. Тоа се вика легитимитет, и се добива само на избори.

По последниот училиштен масакр во Тексас, наместо поставување на вистинските прашања, таму повторно се отворија дебатите за дизајнот на американските училишта. Те имале премногу прозорци, премногу влезови, те немало доволно бришан простор за навреме да се пука кон напаѓачот. И стварно, затворине што убаво се смислени.

Падот на шпанскиот премиер и новата коалициона италијанска влада соствена од популисти од двата краја на политичкото миље ја зголемува загриженоста за нова нестабилност на Европа. „Еден фактор е во двата случаи: корупцијата“, пишува Аксиос.

Откако класичната хемотерапија не го сопрела ракот на дојката а тој се пренел и на црниот дроб, врз една жена е применета експериментална имунотерапија која комплетно ја исчистила од канцерогени клетки. Ги одбрале нејзините најсилни чувари, ги размножиле до 80 милијарди и ѝ ги вратиле во организмот да се тепаат со непријателот. 

Тезата од една дисертација е дека не е во прашање содржината на нешто, туку чувството на припаѓање кон некоја група и држење чекор со неа. Затоа се клика на секакви глупоштини.

Дека Џордан Питерсон е опасен, радикален десничар и дека неговите противници се чувари на сè што е добро и правично - не може да биде подалеку од вистината.

Неодамна усвоениот GDPR е малку офтика и малку мачкање очи (вистинските злотвори ги заболе дали сте кликнале за колачиња), но она што следува допрва ќе го уништи ќефот на слободниот интернет.

За 30 години ќе има 85% помалку автомобили отколку што има денес. Ама затоа бројот на часови поминати во автомобил ќе биде 400% поголем. Како тоа? Помислете каде во овој момент се наоѓа вашата кола. Чмае некаде паркирана. Зошто? Затоа што нема кој да ја вози. Тука сме.

Озлобениот и гнасен јазик кој дивее по Твитер и другите социјални мрежи некогаш мамат со мајагери да се влезе во тој гној и баграта да се раздига на клоци. Во Америка симбол на таквиот јазик на баграта е Доналд Трамп кому многумина противници пробуваат да му вратат со иста мерка. Не така, препорачува уредник на Атлантик и човек од првиот круг на Буш помладиот. Обратно. 

Компанијата соопшти дека ја укинува секцијата „трендинг’ во која своевремено полагаа големи надежи. Нивниот потег е признание дека и најсофистицираните алгоритми не се семоќни во одлучувањето што ќе се фати кај луѓето. Трендинг почна сè помалку да се користи а кога се користеше, беше проблем.

Ова ново „да му умре ливчето на комшијата“, не е за негово лошо туку за ваше добро. Доказите се нумерички необориви: блиските комшии на оние што добиле јака премија на лото, бинго и слична игра на среќа, финансиски крахираат со стапка многу поголема од нормалната. Причината за тоа е многу људска.

Данска им се придружи на Франција, Австрија и Белгија и донесе закон во кој се забранува целосно покривање на лицата. Освен кога ептен студи или се носи кацига за мотор.

Собрал извонредни ем разиграни џез музичари од Њујорк (Мери Халворсон на гитара, Томас Фуџивара на тапани...), го викнал прочуениот продуцент Бил Ласвел (Херби Хенкок, Иги Поп, Моторхед) да го измикса нивното палавење во студио и ете го третиот албум наречен The rabbit and the fallen sycamore. Првиот сингл е фасцинантно добар. Жими најмило, жими најдраго, жими Крсте Роџевски.

Јасно е дека самото спомнување на Синан Сакиќ, кај добар дел од свилените 'урбани интелектуалци' ќе предизвика дигање веѓи, згрозување и други манифестации на нелагодност. Ама баш затоа....

Има ќеиф кога сериозни научни ликови, со сиот авторитетен научен багаж зад себе, ве уверуваат дека некои социјални норми треба да се кршат уште од најмали нозе. На пример дека истребувајќи ги пцовките од вашата околина, го сакатите емотивниот арсенал со кој располагаат вашите деца. Прочитајте ја цела вест. Џабе ли ја пишувавме, пичка ли му мајчина!

Хамбургер е без кашкавал. Кога на хамбургер ќе му ставиш кашкавал, тоа е чизбургер. Со тужба од 5 милиони долари, двајца американски фанови на хамбургер (без кашкавал) сакаат на оние од Мекдоналдс да им го утуват во глава овој семантички и суштински факт. 

1. „Нели бе оние Русите лажеа?“ е природната реакција на нормални конзументи на вести кои не можат да се изначуди на дрскоската на Украинците, во желба да ја надитрат Москва, да го излажат цел свет со прецизно испланиран фејк њуз и педантно инсценирање на убиство на новинар.

За глупиот твит поради кој изгуби работа, Розен Бар проба да се оправда дека го пишувала додека била на апчиња за спиење. Производителот на тој лек се јави и кажа дека напад на акутен расизам не е меѓу нус-ефектите на тој производ. 

Многумина познати професионалци со интегритет се бунат против на големо злоупотребуваната моќ на онлајн коментарите поради што куп поштени бизниси се тресат дали некоја будала ќе им даде лоша оценка или ќе им се насере во коментари. Но, тоа знае да го кошта и коментаторот.

Европската комисија предлага забрана на десетина пластични производи за кои вели дека прават 70% од европското ѓубре. Аут оди прибор за јадење, чинии за пикници и родендени, чашки за кафе, цевчиња за сок, чепкалки за уши и слични евтини удопства за еднократна употреба. Ќе растеме нокт на мал прст.

Човекот кој го гледате на сликата сака да се откаже од пушење, но не е тоа веста. Веста е дека тоа го сака на 114 години.

САД изгубиле секаква трага од речиси 1.500 имигрантски деца кои лани биле смесетени во згрижувачки семејства. За само 28 од нив се знае дека намерно избегале од новите домови, за останативе не се знае ама баш ништо