Два канадски телекоми ќе треба да платат 1 милијарда долари за да ја извадат телекомуникациската опремата на Хуавеи што ја имаат инсталирано во нивните 5Г мрежи доколку канадската влада комплетно забрани користење на технологија од кинеската компанија.

Во најсрамните вести од минатата недела, кои едвај и да добија внимание од медиумите, Доктори без граници ја прекина својата операција за спасување мигранти на Медитеранот заради притисокот од европските нации, а посебно Италија.

Тоа што е пензиски фонд не значи дека по должина на цела улица ќе градат дом за старци, ама тоа што е фонд сепак значи дека ќе градат или ќе преградуваат нешто.

Изминатава недела бевме сведоци како огромен дел од американските „либерални“ медиуми речиси го канонизираа рахметли Џорџ Херберт Вокер Буш кој почина на 94 годишна возраст. Државник, визионер, верен слуга на американскиот народ, човек со интегритет и класа, татко за пример, дедо за пример, прадедо за пример.... Притоа се заборави да се каже дека со негова команда, врз Ирак беа истурени 88.000 тони американски бомби. Затоа оние наводници погоре.  

Нормално е да нема ресторан со Мишелин ѕвезда во земја на пилешките прсти и похуваните зденки, земја во која храната се рекламира дека е - на кило. Ни со една, ни со две, а не па со три ѕвезди. Не дека ние без нив не можеме (во Македонија има барем 20-тина места во кои боговски се јаде), ама чисто ларпурлатистички да ја разгледаме темата.

На последниот самит на О.Н. во Париз беа присутни над 20.000 дипломати, научници и лобисти, секој со своја мисија, од кои (најверојатно) никој до таму нема стигнато на точак или ролери, туку изборот најчесто бил комбинација меѓу авион и лимузина. И на цел овој трошок и зијан, не се постигна нешто многу (ако не се сметаат селфињата).

Моменталното расположение во делот од Британија што уште не може да го прежали брегзит е дека само човек треба да дозволи втор референдум и Британија останува во ЕУ. Ова не е многу различно од позицијата од која тргна Дејвид Камерон кога реши да им направи мерак на луѓето од својата партија и да организира референдум за напуштање на Унијата.

И тие се луѓе па мора понекогаш да се промуваат меѓу тезги. Само што во такви случаи, наместо корпа, количка или цегер, Линдеман тегне доброволна  сексуална робинка (со речникот на политичката коректност кој е сличен на речникот на МВР), тоест БДСМ гимп (со речникот на Порнхаб кој е сличен на речникот на Јупорн).

Во средата попладнето Кевин Харт објави дека го избрале да биде водител на Оскарите 2019. Во четвртокот вечерта, беше објавено дека тој се повлекол.

Француската влада со години и децении има промовирано дизел а со нивните последни предлози за покачување на даноци, испаѓа дека најмногу ќе страдаат оние кои ѝ верувале. Не може тоа така.

Истражувачи ваделе желки од три различни океански басени и во дигестивните системи на сите уловени примероци нашле синтетички материјали, вклучително микропластика. Просекот е: во 100 желки - 800 парчиња пластика.

Американскиот претседател одлучи за патувањето од својата канцеларија до гостинската куќа во која беше сместен Џорџ Буш помладиот, дојден во Вашингтон за поменот на татко му, да ја ангажира претседателската лимузина и придружен конвој од седум возила. Па што? Од точка А до точка Б, има нешто околу 230 метри.

Кога Емануел Макрон со огромна разлика е избран за претседател на Франција во 2017, многумина во Европа чувствуваат доаѓање на нова зора. По години минати во кризи, Европа сега има лидер кој ќе може да ја извади од проблеми и превирања.

Или е најпожртвуваниот човек на светот за доброто на своите мамурни браќа и сестри или е некој кој фино ја маскирал својата заљубеност во алкохолот со алиби дека го бара најдобриот лек за мамурлук за да го сподели со другите. Вика го нашол, а ние па имаме и линк.

Американската гимнастичка федерација поднесе барање за банкрот. Им станало јасно дека без рестарт нема да можат да се справат со барањата за отштета за сексуално малтретирање кои кои им се трупаат пред вратило.

Тоа што нешто слабо добива внимание од светските медиуми, никако не значи дека Дутерте нешто ја прекинал својата пракса на делење правда и масовна елиминација на нарко-дилери (докажани или не) на сред улица. Ако некој на Филипините моментално е гласно против претседателот, тогаш тоа е Католичката црква, а на него тоа не му се бендисува многу многу.

Објавениот материјал има околу 250 страници, дел од кој обележан како „доверливо“, и меѓу другото содржи и интерни мејлови меѓу Закерберг и неговите вработени. Забелешката на Фејсбук е дека објавувањето било нефер и дека муабетите се извадени од контекст.

Избегнување вечери со колешки, избегнување седење до колешки на службени летови, задолжително резервирање хотелски соби на различни спратови, и избегнување службени состаноци еден на еден, се дел од новиот премолчен бон-тон што почнува да се практикува на Вол стрит во паниката од #MeToo.

Во зачетокот на хистерија околу апокалипсата наречена Трамп, изборот на Макрон за претседател на Франција беше доживеано како зрак надеж за спас на планетава. И од таму сè тргна во минус за Макрон.

Откако по итна постапка ги прогласија за јавен проблем, градските власти на Мадрид побараа уште поитно чистење на електричните скутери од нивните улици.

Постојано слушам дека во САД навика е на запчаникот што ќе зашкрипи да му се става масло, и изгледа навистина е така. Еден од неодамнешните инциденти во Силициумската долина околу Кина (Ние сме вработени на Гугл, и Гугл мора да се откаже од Драгонфлај) предизвика судир меѓу Гугл и вработените на Гугл, додека истовремено во целата работа недостасува глас од Кина, третата страна во сето ова.

Се што е криминалец во земјата што нема дански пасош ќе заврши на напуштен остров и таму ќе чека да биде депортиран, предвидува новата иницијатива на данската влада.

Во јануари 1956-та група од пет американски мисионери решаваат да контактираат домородно племе во источен Еквадор со цел да ги преобратат во христијанство. По само неколку дена од првиот контакт тие се убиени со копја на една затскриена плажа. САД се вџашени од веста, а Лајф магазинот објавува сторија на 10 страници за нив. И за неодамнешната смрт на Џон Ален Чау се крена огромна галама, ама ни приближно позитивна.

Содржините за возрасни ќе бидат трајно забранети на платформата како дел од напорите на Тамблр да го одоброволи Епл и да дозволи враќање на нивната апликација во Ап стор.