Американците планираат оформување на "Вселенски сили" кои би биле посебна, 6-та, гранка на вооружените сили на земјата.

На 15-ти јуни Лидл ги отвори своите први маркети во САД. Независната анализа на потрошувачка кошничка со 20 продукти покажа дека Лидл е 9% поевтин од Волмарт, најголемиот ланец супермаркети во земјата. Компанијата тврди дека на одредени производи има и до 50% поевтини цени од конкуренцијата.

Во целата гужва по изборот на Трамп, и кој сè им е крив на Демократите за неговата победа, во американските медиумите се појави Франсоаз Арди, француска пејачка од крајот на 1960-те, која ни крива ни должна беше претставена како следниот чекор во еволуцијата на тоа како сè Велешани можат да и наштетат на американската империја.

Таман ќе помислиш дека дефинитивно е параноичен со неговите верглања дека големите медиуми се намерачени да го распнат по секоја цена и за која било тема, информативен тешкаш како Вашингтон пост ничим изазван излегува со текст со кој се критикува како човекот јаде.

Шефот на Европската комисија деновиве визионерски предвиде дека иднината на човештвото е дигитална. Нешто подоцна, Жан Клод Јункер призна дека никогаш во животот немал смартфон.

Не беше толку одамна кога изгореноста од првите денови на летниот одмор се сметаше за речиси неизбежна цена на убавината (гориш, се лупиш и после имаш добра основа за тен). Денеска сонцето значи брчки, дамки на дробот, рак на кожата. За среќа, постојат оние чуда за мачкање кои можат многу да помогнат, ама па, комплицирани скроз.

Американските универзитетски кампови до толку се станати легла на напнати политички коректни младинци што некои стенд-ап комичари престанаа да настапуваат во нив за да не мора со новите комсомолци за секоја заебанција или виц да се објаснуваат дали е хејтспич, дискриминација или расизам. Сега имаат и апликација за давање согласност за интимни односи. Стискаш на копче и му даваш на знаење на црепот дека може да те фати за цицка.  

Во 2016 човештвото, барем делот со мобилни, има потрошено 1600 милијарди часови на користење мобилни апликации, и за некоја година ова ќе биде многу повеќе.

Расипан телефон низата по која доаѓа информацијата е Москва > европско разузнавање > американски експерти > американски медиуми, а исходот е: Дејли бист пренесува дека американски експерт им пренел тврдење од европски функционери дека Москва очекува нивниот лидер да истресе купишта доверливи информации од Трамп.

Алекс Џонс, прототип за сеопфатна човечка мизерија, кој би да сее беда и мрак сè додека сите не почнат да се чувствуваат мизерно барем колку него, пред некое време во својата емисија имаше гости што тврдат дека НАСА на Марс има колонија со киднапирани деца робови. И сега НАСА ни крива ни должна, заради тинтрање на јавноста, губи време на демантирање.

Претставничкиот дом на филипинскиот парламент одобри закон според кој химната не само што мора да се пее, туку тоа мора да се прави со ентузијазам. Објаснување за оние што се прават Шошони: се мисли на државната химна на Филипини, а не на некоја соседна држава, која некои пратеници ги дира во срце.

Кој ќе тргне на твојот претседател и на твоето оружје со протести, ти дочекај го со пушка во рака, отприлика е повикот од новата реклама на американското здружение на сопственици на оружје (и индустрија за продажба на оружје), НРА.

Жената што како светски лидер е препознатива по својата смиреност изгледа како да ги потрошила и последните резерви разбирање за „одметнатите“.

Откако на Тур Д Франс му посветија и сингл во 1983 и албум во 2003, Крафтверк решија дополнително да ја продлабочат врската со нивниот аналоген фетиш. Цената е боли глава. Ако решите да го купите, на точакот долго време ќе му пеете „Ја твој слуга, ја твој работник“.

Да не биде дека "чеканот во сè гледа шајка" ама длабоко упатени католици видоа ерес во фиџет спинерот и неговото поврзување со Светото Тројство.

Договорено е дека германскиот канцелар Хелмут Кол ќе биде испратен во ковчег покриен со знамето на ЕУ на голема европска комеморација која ќе почне во Стразбур, и на која говори ќе држат Меркел, Макрон и Јункер. За малку ништо од ова немаше да се случи, и наместо овие говор ќе држеше Орбан.

Во минатогодишниот масакар во геј-клуб во Орландо беа убиени 49 луѓе а 60 беа ранети. По ова, од онлајн донации, две организации собраа речиси 32 милиони долари. А кај се двајца, таму е и поделбата.

Адвокатскиот тим на Мартин Шкрели се соочува со консеквенците од она на кое тој своевремено беше многу горд: сите да го познаваат како ѓубре од човек.

Многумина веруваа дека заради прочуената англиска самобендисаност (кога има магла на Ла Манш, островјаните викаат: Континентот е отсечен од нас), нивното заминување ќе значи похармонично европско семејство. Но, што Европјаните навистина мислат за ЕУ?

Петок после работа се договараш на пијачка и 40 часа подоцна, во недела пред пладне, ги даваш првите знаци на свесност, сфаќаш дека ти го контролираш движењето на екстремитетите и почнуваш свесно да размислуваш. И како што и тебе ти станува јасно во тој момент на освестување, ова е скроз погрешно.

86-годишен сопственик на 75,6 милијарди долари, деновиве изјави дека иако во САД има изобилие пари, преовладувачки масовен дел од тие пари се во рацете на мал број богаташи, што е причина зошто голем број луѓе едвај преживуваат.

Тие што некогаш имале сериозна болка во грб или половина, знаат дека во тие моменти не ти е дојдено да правиш компаративна анализа на иљачи или да читаш ривјуа кој појас или кој доктор стварно помагаат за болката. Едноставно, се што ќе ти речат дека помага, земаш и чекаш само да те пушти. И на таа цака се базира целата индустрија за борба против болка во грбот.

Големите и етаблирани американски медиуми одамна толку упорно и систематски не се брукале како со повеќемесечната хистерија околу наводите за руско хакирање на американските избори. За да биде резилот поголем, последната епизода им ја раскурца про-рускиот Спутњик њуз, кој генерално служи за подсмевање и пример за пропаганда. И после велешани биле проблемот.

Две предлог идеи од авионскиот превоз: едни сакаат да воведат стоење, други планираат човек да може да плати местото до него да биде празно, за да не те свруќува тој до тебе, кога ќе заспие па ќе рашири тоа бедрата.