Стотина московјани беа прилично шокирани кога го видоа фронтменот на Рамштајн, Тил Линдеман, како со себе носи гимп и се пробива меѓу рафтови за да дојде до закажаното место за потпишување на неговата книга.
Гимпот беше прописно облечен и се понашаше сходно своите стандарди за понашање. Тоа се оние луѓе кои имаат сексуален фетиш да бидат доминирани до ниво да се деперсонализираат и сведат на анимална послушност. Обично облекуваат гњурачко или кожно исцело, со патенти, нитни и тракатанци, и се разбира, за комплетно уживање неопходен им е стопан.
Гимпот едно време се заборави па фати да позира за насобраните луѓе и репортери ама потоа ја цимнаа што беше јасна команда да си дојде на себе и да се врати во филмот.
Рамштајн одамна и смело си играат со сексуалните слободи, башка што се и махери за маркетинг: нивниот шести албум „Liebe ist für alle da“ го понудија и во специјална едиција, пакет во кој албумот доаѓаше заедно со шест дилда.
А за робувањето, пред локалните нарикачи да фатат да се згрозуваат, и самите Рамштајн се ставија во таква улога, за спотот на песната „Mein Teil“, базирана на озлогласениот Армин Мајвес кој своите жртви ги убиваше и ги јадеше. Жртвите ги наоѓаше на интернет и социјалните мрежи, онаму каде што Македонците најчесто го задоволуваат својот главен сексуален фетиш, да се кавгаат за вмро и сдсм.
