Медиуми од Бразил, Германија и Австралија успеаа да добијат договор со агрегаторот на вести на Гугл, да почне да им плаќа за вестите што се реобјавуваат (линкаат) на сервисот.

Ние малите народи имаме два непријатела. Едниот е Запад кој нè доживува само како дивјаци и робови способни единствено да ги чистат нивните гомна. Другиот непријател ни е многу поголем, политичарите кои со децении систематски нè убиваат со глад, лаги, безчувствителност, крадење, ширење омраза. Па ти избери. Или остани овде и цркни. Или оди некаде далеку и пцовисај.

Стратегот зад шведската ковид-19 стратегија, државниот епидемиолог Андерс Тегнел, е подготвен да ја ревидира употребата на маски, откако претходно беше изричито против нив.

Како мерка против ширење на епидемијата гласањето во Русија ќе трае 7 дена, а со него треба да се комплетира проектот за продолжување на владеењето на Владимир Путин и отворање пат за тој да остане на власт до 2036. Во 2036 Путин ќе има 83 години.

Еве ни уште еден шокантен пресврт и тоа во нешто што го мислевме за интуитивно разбирливо и сосема неконтроверзно поправање на штетата која човекот ја прави на планетата: да садиме што повеќе дрвја. Тоа може да донесе повеќе зијан отколку ќар, предупредуваат новите сознанија.

Откако не успеа да предизвика апокалипса со претходниот, ЦЕРН сега планира да гради речиси четири пати поголем супер-колајдер кој треба уште нешто да дообјасни околу Хигс Босон честичката.

Парчето јаже откриено во гаражата на НАСКАР возачот Баба Волис, кое беше протолкувано како закана за негово линчување и потоа беше основа за наплив на (оправдани) осуди и поддршка, всушност служи за кревање на вратата на гаражата и таму е уште од лани.

Агенцијата за кастинг ангажирана за серијата Господар на прстените, пушти оглас во кој бара луѓе со долги и костести екстремитети, големи клемпави уши, лузни од бубуљици, костесто лице, големи очи, вилици што се преклопуваат и недостаток на коски.

Секој фатен како се обидува да собори статуа или споменик ќе биде уапсен, и за тоа би можел да лежи до 10 години затвор, a затоа што ова само по себе не е доволно трамповски потег, американскиот претседател најави дека наредбата ќе важи и „ретроактивно“.

Дел од Сиетл веќе некое време се води како зона без полиција окупирана од вооружени демонстранти, и ова до сега главно беше дозволено по линија на „нека им пројде меракот“. Викендов во зоната беа застрелани три лица, а со тоа и зоната почна ситно да брои.

Една посериозна 'рчка со Кина подоцна и индиските власти инстантно се вратија на вршење притисок за што поскора испорака на рускиот С-400 одбранбен систем, кој до сега не го брза од атер на САД и Трамп.

Веста гласи дека Вашингтон е разочаран што Кинезите не се појавија на разговорите за нуклеарно разоружување во Виена па ќе мора светов да се спасува само со нив и Русија. А и столчиња им обезбедиле и знаменца им ставиле. Кинезот вика, чекај малку.

Активистот Шаун Кинг, еден од највлијателните лица во движењето Блек Лајвс Метер, даде „зелено светло“ за рушење на статуи на Исус Христос со објаснување дека начинот на кој тој е претставен е дел од идеологијата на белата супремација.

Таман пофаќавме некоја логика и се израдувавме од бројните вести дека заради пандемијата и генералното стишување на човекот, загадувањето е битно намалено и природата се враќа во нормала, ете ти вест дека Арктикот забалежува рекордно високи температури.

Слично како тестовите за бременост, главно ако некој тест за ковид-19 е позитивен тогаш сигурно значи дека си заразен, меѓутоа ако е негативен не е баш сигурно дека си негативен.

Идејата е тотално нетипична а звучи возбудливо: со помош на мамци да се прелаже коронавирусот и да му се одвлече вниманието од неговата главна цел,  да стигне во белите дробови.

Мери Л. Трамп му е внука на Доналд од постариот брат Фред, и Мери многу сака на цел свет да му каже какво ѓубре е чичко и, само што веројатно нема да може затоа што од тоа се откажала уште пред 20 години.

Во досега најголемата студија фокусирана на истражување на анти-тела за коронавирус, истражувачите дошле до неколку неочекувани резултати.

Откако ниту поддршката на една дипломатска величина како Никола Димитров не помогна во етаблирање и зацврстување на позицијата Хуан Гуаидо како лидер на Венецуела, Трамп одлучи дека би можел да се сретне и со избраниот лидер на земјата, Николас Мадуро.

Прашање кое стандардно треба да се поставува за сите политички движења е - кој ќарува од тоа? За БЛМ допрва ќе се види колку бенефит ќе имаат оние во чие име се прави побуната. Но затоа, уште сега е јасно кој сигурно профитира - оној кому профитот му е во суштината на неговото постоење - капитализмот.

Во Куршевел, еден од најлуксузните ски-центри на француските Алпи, има идентично луксузна вила (од дрво) во вредност од 31,7 милиони евра, и сопственик тајкун кој не може да докаже дека е негова.

Иако не е ни блиску до титулата „лек против корона“ што од очај му беше инстантно доделена, дексаметазонот за сега е најдоброто нешто кое фармацевтската индустрија (и општо глобалната медицина) има да им го понуди на најсериозно заболените од ковид-19.

Кога ќе се случи некоја беља која нè погодува сите, многумина се надеваат дека тоа може да биде пресвртен момент за човештвото да ги среди своите приоритети и да го преиспита своето однесување. „Ништо веќе нема да биде исто!,“ ќе мора да се подвикне од копно за да слушнат оние кои ни мавтаат од палубите на луксузните крузери. 

На здравствените авторитети кои носеа или предлагаа препораки и упатства, уште на почетокот им било јасно дека маските помагаат и се корисни за општата популација. Ама, ете, им било страв да не ги потрошиме брзо.