На здравствените авторитети кои носеа или предлагаа препораки и упатства, уште на почетокот им било јасно дека маските помагаат и се корисни за општата популација. Ама, ете, им било страв да не ги потрошиме брзо.

Продавниците се отвораат, а луѓето го игнорираат социјалното дистанцирање. Ова ги исполнува попретпазливите, како мене, со длабока вознемиреност.

САД и понатаму се дават во новозаболени од коронавирус, и понатаму се на првиот бран без абер за стишување, меѓутоа овие бројки не се поврзани со протестите на БЛМ, и три недели по нивното започнување.

Тепачката меѓу индиските и кинеските војници вклучувала пендреци обвиени со бодликава жица и неколку индиски војници турнати во планинските бездни на Хималаите.

Двајцата водечки балкански епидемиолози тврдат дека вирусот е ослабнат. Други дека во меѓиувреме ја зајакнал својата заразна моќ. Првите се Заев и Цеца, другиве се некои аматери од институтот за биомедицински истражувања Скрипс.

По зборовите на главниот епидемиолог во земјата, Шведска има направено далеку помалку напредок од очекуваното во постигнување на групен имунитет на коронавирусот.

Проминентен православен свештеник на кого му беше забрането да проповеда заради негирањето на коронавирусот (и се по ред), го стави под опсада матичниот манастир од кој беше прогонет.

54 американски научници дале отказ или биле отпуштени од работа по масовната истрага во Националниот институт за здравство затоа што не ги пријавиле своите финансиски аранжмани со странски влади. Кај 93% од овие случаи, се работи за тајно финансирање од кинеска институција.

Социјалната мрежа ќе им овозможи на Американците комплетно да ги мјутнат рекламите на тема политика за претстојните избори во ноември. Твитер уште минатиот октомври забрани политичко рекламирање.

Светската здравствена организација се израдува на „големата вест“ за дејството на евтиниот и достапен декасаметазон во намалување на смртноста на тешко заболените од ковид-19 и најави промен и во упатствата за треман на болеста.

Групен имунитет е опасна фантазија и толку далечно враќање во историјата во времето пред постоењето антибиотици, во Средниот век, што треба да се избрише и од речник и од размислување, е ставот на американскиот професор и доктор Вилијам Хаселтин, кој своевремено ја поставува стратегијата за развивање на терапија за ХИВ/СИДА.

Веста ја објавија две здруженија на њујоршки полицајци според кои тројца нивни колеги завршиле со труење откако во понеделникот пиеле милк-шејкови од Шејк шак ланецот за брза храна во Менхетен. Според полицијата, шејковите најверојатно биле затруени со варикина.

Целосно намерно и планирано, Северна Кореја ја крена во воздух заедничката канцеларија за врски со Јужна Кореја, која се наоѓа во близина на пограничниот град Каесонг.

Точно е дека Ганди своевремено имал расистички изјави, но тоа не е она што го дефинира неговото наследство.

Обидот на австралискиот медиумски еснаф да го натера Фејсбук со нив да ги подели парите што ги зема од реклами, заврши со контра-понуда од Фејсбук - ние можеме без вас, вие без нас?

Еден ден по спроведување на 75.000 тестови во 20-милионскиот Пекинг пријавени се 36 нови инфекции, што е најсериозниот раст на бројот инфекции во Кина во последните неколку месеци.

Како на САД да не им доволна беља што на пол позиција го имаат опасниот кловн Доналд Трамп, спротивниот табор се чини дека има тотално полудено со диктатурата на политичката коректност: редакциите се полнат со денунцијанти, луѓе губат работа само ако на твитер бидат означени како расисти, а во страв да не им се замерат на антифа-мантифа, медиуми одат со наслови за кои ќе помислите дека се од Тhe Onion. На пример, „Во мирните демонстрации беа повредени 22 полицајци.“

Корпоративни штакори во BBC пред некој ден решија да скинат од репертоар епизода од познатата хумористична серија „Фаличниот пансион“ оценувајќи дека има расистички навреди. Откако нејзиниот автор, монтипајтоновецот Џон Клиз ги направи пуздер, решија да ја вратат епизодата. 

Премиерот Џузепе Конте, министерот за здравство и министерката за внатрешни работи на Италија ќе бидат сослушувани од јавниот обвинител на земјата за начинот на кој владата реагираше и се справи со пандемијата.

По зборовите на луѓе од американската полиција, американската полиција застрелува помалку Афро-Американци отколку што треба би требало.

Кога ќе видиш дека луѓе се борат за рамноправност и фер живот, знаеш дека тоа е твојата страна. Но, кога ќе видиш дека на истиот тој бран настрадуваат и Мики Маус или „Одвеано во виорот“, тогаш не ти е баш најјасно што се случува и како дојде до ова. Неколку цртички од актуелноста кои „makes you go hmmm.“

Токио 2020, што ќе се одржи во јули 2021, ќе биде „упростена“ Олимпијада најави првиот човек на организацискиот комитет.

Автобуси полни со крајно-десничарски демонстранти наводно планираат за викендов да пристигнат во Лондон каде имаат закажано „одбрана“ на спомениците во градот, а ќе ги бранат од демонстрантите на БЛМ (Black Lives Matter) кои веќе имаат неколку соборени статуи.

Автобуси полни со крајно-десничарски демонстранти наводно планираат за викендов да пристигнат во Лондон каде имаат закажано „одбрана“ на спомениците во градот, а ќе ги бранат од демонстрантите на БЛМ (Black Lives Matter) кои веќе имаат неколку соборени статуи.