„Да, мислам дека статуите на оној бел, европеизиран Исус треба да бидат срушени. Тоа е и отсекогаш била форма на белата надмоќ,“ напиша Кинг.
Како аргумент на своето гледање на работите тој потсети дека кога семејството на Исус требало да се крие и да се вклопи во околината, тоа не го направило во Данска туку во Египет.
„Рушете ги!“ повика тој, мислејќи не само на статуите туку и на витражните стакла и другите форми на христијанската иконографија во која Исус е претставен така како што е претставен.
Тој ја сподели и сликата на темномурест Исус која се појави во 2002 година во магазинот Популарна механика, за која се верува дека е неговиот најприближен одраз и рече дека оние белци кои го спроведувале ропството не би се помириле дека овој човек е во центарот на нивната религија.
Кога адвокатката на Трамп, Џена Алис, после ова твитна дека не би била изненадена ако пробаат да го укинат и христијанството, Шаун Кинг рече дека таа не ја брани верата туку својата „белина“.
