Пред 7 недели Јужна Кореја и САД имаат ист број на смртни случаи од ковид-19. Денес, Јужна Кореја (на 52 милиона луѓе) има вкупно околу 300 смртни случаи од вирусот, САД имаат над 70.000 смртни случаи од вирусот.

Ли Џае-Јонг стави крај на династијата што три генерации управуваше со глобалниот конгломерат, и ова не му е некој изблик на незадоволство, туку одамна го мислел ова како правилен потег.

Флоријан Шнајдер почина на 73 годишна возраст по кратко боледување од рак. Тој беше најенигматичниот член на Крафтверк, таков останува и по смртта. Веста за неговото заминување светот најверојатно ја дознава една недела откако е погребан.

Поранешната вработена во американскиот сенат Тара Рид (не таа Тара Рид), уште пролетта 2019 истапи како една од неколкуте жени што го обвини Бајден за недолично допирање, меѓутоа дури на 25 март годинава таа го дополни обвинувањето со тоа дека тој сексуално ја нападнал кога работела во неговиот кабинет.

Некои од најзакрчените сообраќјани артерии на Париз ќе бидат пренаменети за велосипедисти со цел да се намали гужвата во јавниот превоз во престолнината кога Франција следната недела ќе ги олабави мерките за изолација.

Наспроти тоа што од тука изгледаат како да се од друга планета и живеат во 2100-та година, секоја јапонска болница за време на ковид-19 со закон е обврзана по факс да испраќа рачно напишани извештаи и документи околу дневната состојба со пандемијата до здравствените центри во државата.

Ова нема врска со коронавирусот, има врска со збирот на сите гревови што колективно ги имаме кон планетава во децениите претходно.

По само неколку месеци паника околу коронавирус и нарушување на глобалното снабдување, сигурноста на производството стана поважна отколку ефикасноста на производството, односно на никого не му вреди што нешто е поевтино и побрзо произведено во Кина, ако тоа не може да го донесе дома.

Најмалку 10 лица од кои двајца се Американци се уапсени по обидот за заробување на претседателот на Венецуела Николас Мадуро и правење преврат во земјата во корист на Хуан Гуаидо.

Јутјуб соопшти дека ќе ги кине сите видеа кои не се во склад со ЦК на СЗО. Истата СЗО која пренесе дека коронавирусот не се шири од човек на човек. Истата СЗО која го збрза светот во карантин за отпосле да каже дека шведскиот модел бил добар и дека тој ќе се применува во идни слични ситуации.

Тае Јонг Хо и Џи Сеонг Хо се двајцата севернокорејци во Сеул од кои почна целиот муабет дека Џонг Ун е мртов или кај и да е дека ќе умира. Ким во саботата се појави во јавност, стандардно окезен, па сега на нив дојде ред да ги објаснуваат своите изјави.

Болничар кој се пожалил дека е присилен да работи и покрај тоа што е заразен со коронавирус, е во критична состојба откако викендов паднал од прозорец од болница во западна Русија.

Некако поверувавме дека науката е толку егзактна што ќе ни даде објективни и недвосмислени насоки и упатства, па ние нема да требаме да се мачиме со морални дилеми, филозофски нијанси, погледи на свет и други субјективности. А еве нè денес во ситуaција да треба да бираме меѓу епидемиолози, како да бираме меѓу Битлси и Стонси.

Таман луѓе навикнаа ветерници за производство на струја да се дел од пејсажот на многу места на светов, ако успеат едни Холанѓани, наскоро ќе треба да навикнуваат на дронови. 

Ветувањето е дека тестот, преку крв, може да утврди присуство на вирусот на 24 часа по заразувањето, период во кој луѓето се уште не покажуваат симптоми и неколку дена пред носителот да може да го шири вирусот на други луѓе.

Со помош на најдобриот пријател на човечкиот нос, казанчето, милиони луѓе секојдневно го исфрлаат вишокот од својот ценет организам во аналогните одводи на човечката цивилизација (дигиталните се викаат социјални мрежи). Меѓутоа, топтан со тоа јабана одат драгоцени информации за денес најголемиот глобален непријател на човекот - коронавирусот.  Поглед одблиску во тој вишок (хмм) би можел да ни каже до каде сме и дали и кога опасноста поминала.

Тримесечјето составено од јануари, февруари и март 2020, на Амазон му донесе приходи од 75 милијарди долари. Како се заработуваат 75 милијарди долари за 3 месеци? Макотрпно, со по 33 милиони долари на час, и така секој ден, три месеци.

Шведскиот град Лунд планира да го прекрие локалниот парк со измет од кокошки за да ги пишмани своите жители да се собираат во него.

Интернет порно престолнината која многу повеќе помогна во истрпување на мерките за израмнување на кривата отколку која било влада или светски лидер, сега има нов проект чија цел е да „останете чисти дури и кога сте валкани“.

Мерките и целата ситуација околу коронавирусот значително го подобрија квалитетот на воздухот во Европа, што пак ја подобри здравствената состојба на сите што страдаат од редовно загадениот воздух.

Таман кога светот помислил дека куртулил од првиот бран, доаѓа втор, со мутирана и многу посмртоносна верзија на вирусот. А врвната медицина и наука од тоа време, цело време бараат лек за бактерија. Кои се наравоученијата?

Моментално Гардијан има 821.000 читатели кои секој месец му донираат пари на медиумот, и тоа е околу 200.000 повеќе од март минатата година.

Градови низ Америка почнаа да ги забрануваат маските со вентил, да не ги сметаат како носење маска, по основа не дека се штетни за тебе, туку се опасни за тие околу тебе.

Дури и пред проблемите со коронавирусот, во Либан вриеше заради проблеми со пари. Ноќеска прекипе и демонстрантите запалија десетина банки откако вредноста на националната валута дополнително девалвираше.