Европската Унија не може да го договори својот 21-ви пакет санкции против Русија, бидејќи владите на повеќе членки одбиваат да поддржат мерки од кои поголема штета имаат домашните компании отколку руските. Грција, Франција, Италија, Германија, Австрија и Португалија – побараа исклучоци или целосно ги блокираа предложените мерки.

САД и Иран повторно заглавија во ќорсокак на престрелки во кои никој не може да воспостави контрола врз Ормускиот проток. Техеран практично нема други опции, а Трамп е соочен со непријатен избор: или да прифати иранската хегемонија над теснецот, или да ја ескалира војната со сценарија што водат кон уште поголема катастрофа. 

Во чувствително време кога Украинците протестираат поради разрешувањето на популарниот министер за одбрана, откриен е нов голем корупциски скандал. Братот на првиот човек на Државното биро за истраги купувал десетици станови и имоти по цена на мобилен телефон. Не за квадрат, за цел стан. Суд им забрани на медиумите да пишуваат за случајот.

Администрацијата на Трамп планира да додели низа грантови во Европа и пошироко за поддршка на иницијативи блиски до неговото движењето МАГА. Главната цел е зајакнување на слободата на говорот. Наменети се 2 милиони долари за групи од Источна Европа и Балканот кои се спротивставуваат на обидите за поткопување на западните цивилизациски норми.

Главните играчи на пазарот на нафта не чекаат да видат како ќе заврши војната помеѓу САД и Иран и кој ќе ја преземе контролата врз Ормускиот теснец. Кој и да победи, ќе сака да наплаќа патарина, а секоја нова искра може повторно да ги блокира танкерите. Арапските земји и нафтените компании забрзано бараат начини трајно да го заобиколат овој воден пат.

Вештачката интелигенција пристигна како порачана за криминалците и измамниците. Хакерите имаат моќни алатки да пробиваат дигитални заштити и да крадат чувствителни податоци. Фалсификатори полесно копираат уметнички и генерираат лажни потврди за автентичност. Неизбежно беше ботовите да им помагаат на терористи и на бомбаши.

Варшава мора да плати отштета од 1,3 милијарди долари за десетици милиони вакцини против ковид од Фајзер кои ниту сакала да ги прими ниту биле произведени, туку само биле нарачани преку шемата на Урсула фон дер Лајен. ЕУ застана во улога на извршител за американската компанија. Во спорот ни крива ни должна настрада полската контрола на летови.

Исхраната богата со овошје, зеленчук и интегрални житарки долго време се смета за темел на одржувањето на здравјето и намалувањето на ризикот од болести, вклучително и рак. Сепак, ново истражување покажува дека млади Американци кои здраво се хранат и не пушат имаат натпросечна веројатност да развијат рак на белите дробови.

Европската комисија ги разлабави строгите мерки кои ги принудуваа компаниите да плаќаат за секој тој јаглеродни гасови што ги испуштаат од фабричките оџаци. Брисел не отстапува целосно од својата Зелена агенда, но признава дека амбициите биле избрзани, нереалистични, прескапи и придонеле за намалување на глобалната конкурентност на европската индустрија.

Разузнавачите и воените планери во Вашингтон имале јасни податоци дека иранската „воена база“ во Минаб всушност е основно училиште, но сепак одобриле да бидат лансирани два брана проектили, кои убија најмалку 120 деца и 36 цивили. Скај њуз со помош од форензички експерти ја состави целата приказна за злосторството во Минаб, од лошите проценки до прикривањето.

Трамп го претстави Одборот за мир во Газа како глобално тело што ќе им парира на ОН. Неговиот зет Кушнер објави дека инфраструктурата ќе биде обновена за 100 дена и дека енклавата ќе прерасне во монденски центар на Медитеранот. Половина година подоцна, присуството на Одборот за мир на теренот се сведува на неколку косовски офицери, а и тие не се во Газа.

Во досега најсериозен обид да прикаже дека му била украдена победата на изборите во 2020 година, претседателот Трамп ја обвини Кина за мешање во изборниот процес. Но, главната одговорност за ударот врз демократскиот систем ја префрли врз американските разузнавачки служби, кои ги прикривале извештаите за странски мешања и за 278.000 „фантомски“ гласови.

Европскиот радиодифузен сојуз (EBU) објави ново упатство за преноси од атлетски натпревари. Камерите повеќе не треба да ги ловат атлетичарките од агли за кои смета дека го сексуализираат женското тело. Фокусот буквално треба да се префрли на спортските постигнувања. Критичарите реагираат: Спортот така ја губи улогата на величање на убавината на човековото тело.

Ирански функционери се пожалиле кај Венс дека Џаред Кушнер и Стив Виткоф ја злоупотребуваат позицијата на преговарачи. Наместо да работат за договор, тие собираат податоци за Мосад и повеќе се интересираат за инсајдерски информации од кои може лично да профитираат. Доколку се потврди, ова е еден од најзначајните финансиски скандали во модерната дипломатија.

Автономен дрон кој со стопроцентна гаранција ги уништува комарците може да биде решавачкото оружје во вечната борба против инсектите што пренесуваат маларија и разни други заразни болести. Важи за поефикасен од разните запрашувања, спрејови, светилки и механички тепалки, а воедно не претставува ризик за околината, дури ни за другите инсекти.

Комбинирајќи теренски и сателитски информации, научниците процениле дека на планетава постoјат околу 3,04 билиони дрвја. Тоа се 390 дрвја по човек. Не звучи лошо ако се занемари фактот дека од почетокот на цивилизацијата имаме изгубено 46 проценти од шумскиот покривач. А годишно и натаму губиме по околу 15 милијарди стебла.

Зеленски потврди дека во неговиот кабинет нема место за луѓе што не се вклопуваат во мрежата на корумпирани генерали и олигарси кои профитираат од војната. Особено ако веднаш станат популарни, како Михајло Федоров, кој е заслужен за развојот на стратегијата „Армија на дронови“ и реши да го среди хаосот во Министерството за одбрана.

Министерот за одбрана на САД нареди задолжителна проверка на нивото на тестостерон кај сите војници постари од 30 години. Ако немаат доволно, ќе добијат терапија со суплементи. Таквата политика треба да создаде армија воини физички спремни за битки, но и да придонесе за здравјето на мажите и кога ќе ја напуштат војската. Хегсет не спомна ништо за жените.

Претседателот Трамп со месеци се обидува на сила да го принуди Иран да го отвори Ормускиот теснец, - со бомбардирања и поморски блокади и со закани за уништување на „цела цивилизација“. Но, за да го врати слободниот премин на бродовите во состојба каква што беше пред војната, потребна му е многу поголема сила од армада воени бродови.

После цели 23 години, и последната американска воена чизма ќе го напушти Ирак. При врвот на воените операции, Ирак беше окупиран од над 170.000 американски војници. Она заради кое тврдеа дека мора да влезат, наводното хемиско оружје на Садам Хусеин, никогаш не беше најдено. Садам одамна е мртов ама ирачката нафта е жива.

Американскиот државен секретар ја префрли топката на терен на Меѓународниот кривичен суд не затоа што има некоја најава дека по налог на судот би можел да настрада некој нивен во странство. Марко Рубио се закани дека ќе го размонтира судот бидејќи е тоа многу полесно отколку да го размонтира теократскикот режим во Иран.   

Европската Унија го обвинува Пекинг дека со продавањето нафта и индустриска опрема на Русија ја поддржува војната во Украина. Брисел сега му дозволи на Киев со европските пари да купува кинески делови за воените дронови, кои се одговорни за 80% од сите руски жртви на фронтот. Тоа не го смета за поддржување на војната, сè додека гинат непријателски војници.

Милиони луѓе се префрлаат на растителни замени на месото и на млечните производи за да се хранат „поздраво“. Нова студија открива дека алтернативите се полни со гуми, емулгатори и стабилизатори за да го имитираат вкусот и текстурата на месото и млекото што треба да ги заменат. Не се нужно штетни за здравјето, но немаат никаква предност во однос на природните.

ЕУ сега има 450 милиони жители и по 2029 година ќе почне да губи население и ќе старее, покажува нов демографски извештај. Падот на наталитетот и зголемувањето на просечниот животен век ќе го продлабочува јазот помеѓу работоспособните и пензионерите и ќе предизвика внатрешна миграција на младите од источните региони кон урбаните центри на запад и север.