САД, Канада, Австралија и Обединетото кралство одбија да го потпишат Договорот за меѓународни комуникации, со што целата идеја за контрола на интернетот, барем сега за сега, е ставена на пауза. Македонија немаше право да бира дали ќе потпишува или не, бидејќи или не си го платила членството во МТУ или имала проблем со документите.

Официјалната приказна е: дисидент бега од Северна Кореја и со себе го носи документарецот Пропаганда, направен од властите во Пјонгјанг кои во него (прилично точно) го прикажуваат животот на Западот. Документарецот му го предава на студент во Сеул, кој потоа го објавува на ЈуТјуб и се натаму е историја. Вистинската приказна е: документарецот го снима Хрват во Нов Зеланд.

Во натпревар кој не изгледаше дека воопшто се води, Западот успеа да ја победи Африка и сега наспроти целата иронија на ситуацијата и официјално прејадувањето прерасна во поголем светски проблем отколку гладот.

Да, точно е дека денес луѓето живеат повеќе отколку пред 20 години. Само што во тие бонус години не уживаат во своето здравје.

Објавувајќи ја новата верзија на Гугл Мапи и Гмаил за iOS, Гугл помогна Ајфон да стане најдобриот мобилен телефон на планетата. Зошто?

Ако има еден гостин што Џон Стујарт нема намера повторно да го види во своето шоу, тоа е - Хју Грант. Истото генерално важи и за Комеди Централ.

Иако генералниот став е: "Ако можеа Маите да предвидуваат крај на цивилизацијата, што не го предвидоа својот," сепак многумина уште се уверени во апокалиптичноста на 21-ви декември. Доволно луѓе за НАСА да се вмеша во целата работа.

Постои универзален тест за тоа колку долго ќе живеете, во кој треба да се соочите со гравитацијата и вашиот задник. Се што треба да направите е да седнете на патос и да пробате да станете без никаква помош (ниту раце, ниту колена, ниту ништо). Воопшто не е лесно како што звучи.

Во конкуренција од 200 пријавени македонски веб сајтови, нашево галениче off.net.mk e прогласен за сајт на годината. Нема да се потресуваме околу наградата но, убаво е. Особено што доаѓа во година во која решивме дека не е страшно да пробаме одново да ја започнеме нашата веб приказна. Наградата им ја посветуваме на сите кои не се плашат да направат нешто од почеток.

2012-та беше сериозно голема година за спортот и автомобилите. Речиси сите 20 реклами имаат некоја спортска ѕвезда или автомобил. Изборот е направен чисто по бројот на прегледувања што ги има видеото. Тема на најгледаната реклама за 2012-та на светско ниво - фудбал.

Ако ја читате статијава на работа тоа на ниту еден начин не значи дека сте мрзливи, само дека концентрацијата ви е на ниво на златна рипка. Без гајле, до работата е и не сте само вие.

За прв пат во 180-годишната историја гардата на Бакингемската палата има член кој нема да носи една од оние надградените шубари.

За прв пат во 180-годишната историја гардата на Бакингемската палата има член кој нема да носи една од оние надградените шубари.

Американските ученици редовно потфрлаат на државните испити со кои се утврдува богатството на нивниот речник и способностите за читање/ разбирање. Корените на проблемот се во најраната возраст а објаснувањето марксистичко: кој колку зборови има во себе зависи многу од примањата на родителите.

Од работничката униформа на Мао, преку крајно формалните костуми на претходната гарнитура, најновите владетели на Кина воведоа и нов официјален стил на облекување - директор на "афтер ворк" забава.

Во изминатите 30 години никој не го контролираше интернетот, и за луѓето кои ја создадоа мрежата тоа не е баг, туку е функционалност. Неделава околу 2.000 луѓе се собраа на конференција во Дубаи, со цел да го променат ова.

Првиот човек на Бритиш Ервејс: кај и да е, ќе го купат Вирџин Атлантик и тоа најверојатно ќе биде крај на овој бренд. Ричард Брансон: ај јас и ти по милион фунти да ставиме, а?

Додека машкиот оргазам е прилично неопходен за продолжување на човековиот род, женскиот не е задолжителен по ниту една основа (на страна од мир во куќа и сл.).

Точно на време за претстојниот десант на слики од снег и кондури во снег, Твитер ги пушти своите "инстаграм" филтри за фотографии.

Папокот на светот, според Артур Кларк е во Србија, едно 200 км југоисточно од Белград. Оние што веруваат во календарот на Маите се надеваат дека тоа место ќе биде единственото на кое ќе може да се преживее Апокалипсата.

Лондон ќе ја проширува својата мрежа на бесплатен ВиФи интернет, претворајќи ги градските таксија (оние црните) во подвижен ВиФи хотспот.

Компанијата е основана пред само 3 години, вие немате чуено за нејзе, вреди 4 милијарди долари и фановите во Кина ја сакаат доволно за да бегаат од часови и работа за да го купат најновиот производ на денот на премиерата.

Во Саутемптон се укотви најголемиот брод за контејнери во светот, 396 метри долгиот Марко Поло, до врв наполнет со кинески производи кои треба да завршат како подароци за Божиќ.

Комбинирајќи ја желбата да ги научат луѓето нешто за хемија, со најпопуларното место на кое што денес луѓето учат се и сешто, Универзитетот во Нотингем прави Периодична табела на видеа, со неповторливо добар главен лик, инаку професор на Универзитетот.