Сетови, костими, продукција, нови ликови, локации и сè останато од најновата сезона на Игра на тронови што треба да ве држи до 6-ти април. И Бриен од Тарт.

Пред неколку дена Принстон објави студија во која растот на Фејсбук го споредија со ширењето на инфективни болести и дека во основа социјалната мрежа е на добар пат да ја снема во следните неколку години. Одговорот на Фејсбук (исто така базиран на наука) на кратко е: А вие што?

На НФЛ како непрофитна организација која во текот на оваа година ќе заработи 10 милијарди долари, повторно ќе и биде простен данокот кон државата.

Во Америка треба да имаш богат татко што цело време ќе ти попушта, за да можеш да живееш како што живее просечен шведски работник, порачува кампањата за промоција на Шведска.

Во 2013-та, низ обезбедувањето на аеродромите во САД минале 638,7 милиони патници, или 1,7 милиони патници на ден (што на дневна основа е околу 1,1 милион повеќе отколку во 2012-та). И покрај тоа што ТСА постои од 2001-ва, уште на некои не им е јасно што можат да носат со себе во авион.

Човекот што малку се опушти за време на гостувањето во Северна Кореја, па почна да збори на телевизија што треба и што не треба, за после да се вади на алкохол, сега на грб си го навлече ФБИ, кои започнаа истрага дали неговите луксузни роденденски подароци за Ким Јонг Ун ги прекршуваат меѓународните санкции.

Главната мантра на Андроид е дека Гугл го дава бесплатно и дека е опен сорс. Главниот проблем со ова е што не е баш најточно.

Не дека западниот свет длабоко и искрено и везден не го боли душа за човековите права во Северна Кореја, но, постои уште еден детал кој може да ја објасни заинтересираноста за оваа земја: две третини од сите светски залихи на ретки хемиски елементи случајно се наоѓаат баш таму.

Оваа година ќе го прославеше 55-тиот роденден, а замина нечујно, скромно. Таква беше и на кафанската маса, затскриена меѓу „вињакот", „препеченицата", црногорската „лоза" и „виљамовката". Никогаш наметлива, секогаш присутна. Како цироза на црн дроб, би додале злобните апологети на прохибицијата.

Најголемиот производител на ГМО и генерално на семенски материјал, Монсанто, од годинава има нова тема на интерес - што се случува на нивите на земјоделците. Ама сакаат сè да знаат, до последен детаљ. На Американската федерација на фармери, ова не ѝ изгледа баш најпаметно.

Најголемите експерти за порно (секој ќе го препознае својот адут) седнаа да направат видео упатство за тоа како изгледа да се работи во нивниот еснаф.

Повеќе групи работници задолжени за најразлични логистички задачи во Пентагон, денеска ги напуштија своите работни места и започнаа штрајк во седиштето на американското Министерство за Одбрана заради ниските плати.

Ако си писмен, имаш пристап до интернет, можеш да си дозволиш да наполниш некаков вид на смартфон / таблет што е твој и имаш доволно време за читање, тогаш ти си доволно богат за да им помогнеш на сиромашните во светот.

САД ги олабавуваат правилата за униформа на американската војска и ќе дозволат религиозни додатоци како што се бради, капи, турбани и тетоважи.

Масовната бежанија од Фејсбук ќе започне следната година а до 2017-та, најпопуларната социјална мрежа на светот ќе изгуби 80 проценти од корисниците, покажува епидемиолошка студија од Универзитетот Принстон.

Истата новинарска мрежа која минатата година собра 2,5 милиони документи со податоци за светски офшор компании, сметки и фондови, деновиве го објави својот извештај на тема Кина и офшор сметки на кинески функционери, на број - 22.000 клиенти.

Американските интерконтинентални ракети се уште насочени во ист правец како што беа и за време на Студената војна, кон Русија. Американците имаат 450 вакви ракети и заради географски ограничувања, секоја од нив може да ја нападне Русија.

Смртни случаи, дрога и запоставување се само дел од проблемите на животните кои се појавуваат во реалните шоуа на Анимал Планет.

Фондацијата на Мелинда и Бил Гејтс им понудила 40 милиони на сиромашките школи во Питсбург доколку изградат систем по кој наставниците ќе бидат одговорни за успехот на учениците. Наставничката федерација одговорила отприлика: Не, фала, вака ни е подобро.

Истражување меѓу жените на британскиот остров покажало дека во животот на една жена има двојно повеќе диети отколку љубовници. Не навлегуваме во причините на овој тажен сексуален скор, но факт е дека брзо се откажуваат, од диетата.

Најмалку 50 години, добриот природен путер се тепа со разно-разни негови алтернативи кои ветуваа дека се подобри и поздрави од него. Неговиот главен непријател, маргаринот, потпиша капитулација. 

Откако за околу Нова година се смирија некако демонстрациите и немирите во Украина, во неделата повторно пукна во земјата заради новиот закон со кој се забрануваат протестите. Денес (вторник) вака изгледа ситуацијата во Киев.

Во 1830-та, швајцарски банкар го помага почетокот на новоформираната грчка нација, основана на странски кредит кој никогаш нема да може да го отплати. Човекот е Жан-Габриел Ејнард, првиот кредитор на Грција.

Во последната година на Вол Стрит мојот бонус беше 3,6 милиони долари - и бев гневен бидејќи не беше доволно голем. Имав 30 години, немав деца за растење, немав долгови за плаќање, ниту некакви филантропски цели на ум. Сакав повеќе пари од иста причина зошто алкохоличар сака уште еден чашка: бев зависен. Вака го почнува својот текст во Њујорк Тајмс поранешниот брокер на Волстрит, Сам Полк.