Шведската трговска организација TCO, која е конфедерација на синдикати, ја нарача "Like a Swede" рекламата која во основа преставува 3-минутна ода на бенефициите на шведските работници.
Главен лик во рекламата е жител на Беверли Хилс, кој работи кај татко му и успеал од него да добие 6 неделен годишен одмор, плус 6 месеци трудничко "како Швеѓанец."
Како што објаснува спотот, сите бенефити (што се прикажани во рекламата и други) на шведските работници се должат на шведскиот модел на преговори меѓу синдикатите и работодавците.
"Целта (на рекламата) е шведскиот модел да биде виден и на друг начин. Луѓето често многу малку знаат за него, заради што за синдикатите е потешко да го оправдаат своето постоење. Шведскиот модел значи дека двете страни можат да зборуваат за она што е потребно во некоја конкретна индустрија, и да бидат флексибилни, наместо да имаат ригидно законодавство кое не веруваме дека е добро за шведската економија," објаснил портпаролот на TCO.
