Прелиминарна проценка на американската војска вели дека во нивните воздушни напади во Сирија загинале најмалку 188 цивили. Не им се прокнижени уште неколку напади но и заедно со тие жртви, пописот им е нашминкан, велат независни извори.

Неколку минути пред првата пауза за ручек во првиот работен ден од годинава, топ 100-те најплатени канадски ЦЕО веќе заработија повеќе пари во 2017 отколку што просечниот работник ќе заработи во текот на целата година. Просечната канадска плата е околу 35.000 евра (49.510 канадски долари).

Она што ние го водиме како "после Нова година не пијам" (па виртуозно го одлагаме во етапи после Бадник, Стара Нова, Св. Јован, Св. Трифун), Американците го имаат професионализирано на ниво на предизвик наречен - Сув јануари. И тоа не чини.

Пораката на Бордејн е до "привилегираните либерали од Истокот како и јас самиот" чија арогантност кон сите што не се на исто мислење со нив, е причина за распадот на цивилизацијата што го гледаме.

Инспириран од тоа во што сè веруваат луѓе, од Пицагејт до "Трамп нуди бесплатни авионски карти во еден правец до Африка и Мексико за сите што сакаат да ја напуштат Америка", новинарот на магазинот Политико, Сајмон ван Зилен-Вуд, отвора Твитер сметка на туѓо име и се става на 2-неделна диета на лажни вести.

Ако идниот претседател на САД одлучи да затвори "свиркач" за тоа што зборел со новинар, или да ги натера ФБИ да шпионираат новинари, "имаме само еден човек на кој можеме да му заблагодариме за тоа што во наследство му оставил такви обемни моќи: Барак Обама," пишува Џејмс Рајзен во Њујорк тајмс.

Фотографијата на која комплетно вооружен германски полицаец стои пред детски карусел за да им обезбеди на најмладите "безгрижно" детство зборува сè за тоа со каков багаж влегува Европа во новата година. 

Приказна за една босанска пензионерка која секој ден, точно во исто време излегува од дома и го чисти градот од ѓубрето кое го фрлат нејзините сограѓани.

Иако на крај од своето претседателствување реши да демонстрира глобална правдољубивост па во Советот за безбедност дозволи резолуција со која се осудува и израелскиот максимализам, факт е дека Барак Обама беше далеку попопустлив кон омилениот американски сојузник отколку републиканските претседатели на САД.

Сред аферата со можната руска вмешаност во американските избори, Вашингтон Пост пушта многу посериозна вест: не само изборите, Русите успеале да ја хакираат цела електрична мрежа во САД! По сите параметри, вест која на угледниот медиум би можела да му донесе уште еден Пулицер. Само што, нема везе.

Додека на еден не му се стемни, на друг не му се разденува. На тема на смогот и урбаното загадување тоа значи дека кога во градовите не се дише, ете добра прилика за - селскиот туризам.

Од 1-ви јануари француските работници имаат "право да се дисконектираат" односно повеќе не мораат да проверуваат меил попладне по крајот на работното време.

Економист од Јеил последнава деценија студира како користењето на разумни аргументи влијае на гневот и фанатичните уверувања. Заклучува дека влијае. На тој начин што помага гневот секогаш да победи.

Во последното издание од "ова е најофицијалната потврда дека Русите ги хакирале американските избори" ФБИ го објави својот аналитички извештај околу инцидентот. Дел од него е и списокот на хакерските групи што наводно го извеле нападот.

Полското министерство за култура плати 100 милиони евра за една од најважните приватни уметнички колекции во светот, која вклучува слики од Ребрант, Реноар и Да Винчи.

Гледаме дека заглупувањето е глобален бренд, а тоа што ние оглупевме преку музика пред остатокот од планетата оди во прилог на тоа дека барем во нешто сме први.

По математиките на политичкиот аналитичар Ричард Мајлс ова е многу поверојатно отколку што мислите.

Центарот треба да биде поставен и да почне со работа пред претстојните избори во Чешка, а главна причина за неговото основање е стравот од мешање на онлајн-пропаганда поврзана со Русија во чешките избори.

Веќе една година Хрватска овозможува да се прогласи личен банкрот, доколку човек нема начин да ги врати долговите а тие му достигнуваат 4.000 евра.  Хрватски лекар кој се решил на ваков чекор топло препорачува. Леле овде кога ќе тргне карта.

Годинава кулминацијата во ЕУ се случи на 23 јуни, кога британските гласачи одлучија дека сепак сакаат обидот за обединување на Европа да го пројдат на трибините. Не дека пред и после тоа Унијата не беше растурена со удари од сите страни.

Кога ќе одекне вест за неочекувана смрт на некоја позната личност, социјалните мрежи инстантно се претвораат во книги на ужалени, а луѓето со статуси и твитови брзаат да му се приклучат на оплакувачкото глобално семејство. Во брзината страдаат невини лица што некогаш мора да се правдаат дека сепак се живи.

Индиски доктор, Нихил Дурандар, кој работи на луѓе со проблеми со тежината е прилично разочаран што работата не му оди според неговите очекувања. Тој успева да ги ослабе пациентите ама не и трајно да им ги реши проблемите.

Отстапувањето пред руското влијание во Сирија е „ретко јавно понижување“ за Ердоган и неговите амбиции да ја направи Турција светска дипломатска сила.

Колку и смртта да нè прави попустливи, за нас најубавата не е онаа од Џорџ Мајкл. Ова е приказната зад неповторливо тажната "Њујоршка бајка" на Поугс. Антидот на вообичаените празнични тралалајки, химна за оние со скршени соништа и неисполнети копнежи, која комбинира разуздана музика со заебани и мрачни стихови. А таквите највеќе ги сакаме.