Во Америка мора само да се плати данок и да се умре. Во Британија исто, освен кај една фамилија чии членови мораат само ова второто. Кралот Чарлс ќе плати нула данок за наследството кое го доби. Да добиеше толкаво наследство човек надвор од таа фамилија, ќе мораше на државата да ѝ се опрси 200 милиони фунти.

Медицинската експертка и аналитичарка на CNN, доктор Леана Вен, две и нешто години беше една од најгласните поборници за носење маски, особено во училиштата. Сега признава дека принудувањето на нејзиното дете да носи маска му наштетило на неговиот развој.

„Проширувањето на НАТО беше историски успех.“ Читам и не ми се верува. Единица мерка за овој “историски успех“ е војната во Украина, од каде вестите и не се вести, туку еднострани литании. Сум известувал од разни боишта и никогаш не сум видел толку гола пропаганда.

Најмоќната и навлијателна компанија во светов во последно време има ангажирано дузина долгогодишни поранешни агенти и офицери на ЦИА, сите високо позиционирани и ангажирани на чувствителни полиња, онаму каде што се решава што треба да се види а што не.

Една од најнезгодните сегменти во несреќната војна во Украина е нуклеарната електрана Запорожје и нејзините шест ВВЕР реактори околу кои се води позициона, пропагандна и повремено вистинска борба. Засега сето тоа таму е под контрола, но никој не може да биде сигурен што може да направат војници кои се борат за живот.

Животот на Чарлс, до сега, се состоел од создавање смисла од неговото седумдецениско чекање. Пријателите му се восхитуваат како на интелигентен, грижлив и одговорен, но веројатно неправично, смртта на кралицата е ден од којшто многумина стравуваат.

Калифорнија станува жртва на своите ресурси, слично како што жртви на нивните ресурси се Саудиска Арабија или Венецуела. Во случајот со најбогатата американска држава тоа е технолошкиот сектор и неговото богатство, како и елитата на која ѝ треба идеолошка рамка за тој систем да функционира, смета милијардерот.

Лидерот на Антиква и Барбуда сака новиот британски крал да знае дека не е ништо лично, ама дека на неговите луѓе можеби им е доста од монархија. Ако победи, премиерот Гастон Браун планира да распише референдум на таа тема. 

Еден од тројца Американци верува дека е подобро да се има силен лидер макар тој не бил избран на најдемократски начин, отколку слаб а прописно избран кандидат. И не, скептиците не се само Трамписти како што верува Бајден.

Во последното истражување на Галуп, негативните емоции во кои спаѓаат стресот, тагата, гневот, секирациите и физичката болка достигнаа историски рекорд. Од секирации глава не можат да дигнат Авганистан и Либан а мува не ги лази во Казахстан. Скриената пандемија од која страдаме се вика осаменост.

На почетокот на годинава, протече еден внатрешен документ на Фејсбук дека компанијата нема точна идеја каде сè одат податоците за корисниците и што сè се прави со нив. Сега отворени стенограми од едно сведочење на нивни долгогодишни инженери го потврдуваат тој проблем.

Будалестата ритуалност на британскиот монархизам оди во толку бизарни детали што постои протокол дури и за кралскиот пчелар во случај на смрт на монархот: треба да оди од кошница до кошница, да им ја соопшти тажната вест на пчелите и притоа да им каже да не се секираат.

Заштитните шлемови за глава се речиси исти какви што биле кога биле измислени пред многу децении. Сега добиваат еден битен апдејт во дизајнот благодарејќи на кој човекот треба да е заштитен не само од директен удар туку и од страничен нокаут. 

Рецензирана италијанска студија покажала дека 94% од луѓето кои имале несакани ефекти по примањето мРНК вакцина имале невообичаена крвна слика и туѓи материи во крвта, еден месец по вакцинацијата. „Креаторите на вакцините треба да разјаснат што е тоа што го гледаме на микроскоп и зошто е тоа таму“, велат авторите.

Ние сме горди републиканци но таа аргументација ја оставане за другпат. Сега е време да се подигне чашата во чест на долгото и стоичко владеење на кралицата Елизабета. Иако беше на врвот на една анахрона институција, таа успеа не само да го трансформира нејзиниот имиџ туку и да емитува вредности кои денес се презрени од новите елити.

Церемонија за доделување канадско државјанство на голема група луѓе било одложено бидејќи официјалните лица не биле сигурно кому треба да му биде упатена заклетвата, на штотуку починатата кралица Елизабета Втора или на следниот човек на тронот, кралот Чарлс Трети.

Швајцарија размислува дали да предвиди и затворски казни за оние кои нема да ги почитуваат вонредните енергетски правила за штедење. Паричните се подготвени. На полиција не ѝ е ќеиф ако треба да оди од врата до врата. Ќе се кодошат ли пак луѓе, како во време на пандемијата?

Се очекува американската Агенција за храна и лекови неделава да одобри нови бустери за ковид-19 пред тие да бидат тестирана на луѓе. „Непријатно ми е кога ќе помислам дека на луѓе ќе им дадеме десетици милиони вакцини за кои ќе имаме само податоци за глувци“, вели еден експерт.

Во контекст на енергетската криза и сеопштата потрага по алтернативни извори на енергија за да се обезбеди топла зима, главниот град на Полска ќе ја разгледува можноста да се извлекува топлина од канализациониот систем. Зошто да се фрла?

Најновите крстосувачки ракети и хеликоптери на руската армија се полни со децении стара технологија од старите модели на истото оружје, покажува истрагата на остатоците од руското вооружување собрани во Украина.

Сметките за енергија (струја + гас) на европските домаќинства во својот пик на почетокот од 2023 ќе бидат повисоки за вкупно 2000 милијарди евра.

Русија би можела да се соочи со подолготрајна и подлабока рецесија како што се шири влијанието на американските и европските санкции, погодувајќи сектори на кои државата со години се потпира за функционирање на економијата, се тврди во внатрешен извештај подготвен за руската влада.

Администрацијата на Бајден понуди бришење на дел од студентските долгови на Американците кои изнесуваат фрапантни 1,6 трилиони долари.  Но, тоа не е сè што државата има да го каже на таа тема.

Минатото лето француските и германските едногодишни договори за струја се тргуваа за околу 100 евра за мегават час. Неодамна тие се кренаа на над 1.000 евра. Првиот човек на Шел предупреди дека кризата може да трае повеќе од една зима.