„Невакцинираните знаеја и не направија ништо за да нè предупредат. Многу наша крв има на нивни раце“, пишува во текстот за кој сакаме да нагласиме дека е сатиричен. Но се работи за една брутална сатира која ја опишува онаа тивка јанѕа која по малку ја чувствуваат многумина од нас кои го направија „тоа што треба“.

Резултатот на тоа далечно, заборавено српско курчење беа пет милиони бегалци и сто пеесет илјади убиени, од кои триесет и пет илјади токму Срби. Зошто тогаш „некои други народи можат да имаат една држава за еден народ, а Србите не?“ Ќе се обидам да објаснам што е можно поедноставно: затоа.  

Стотици високи офицери на унгарската армија периодов се инстантно предвремено пензионирани на инсистирање на владата на Орбан. Според Владата се работи за подмладување и модернизација на армијата, според опозицијата се работи за чистка на про-НАТО офицери.

Чарлс Мекгониал додека се уште бил на плата и под значка на ФБИ земал 225.000 долари во кеш од албански разузнавач, а откако се пензионирал од ФБИ почнал да работи и за рускиот олигарх Олег Дерипаска.

Од почетокот на годинава, во САД имало повеќе масовни убиства одошто денови. За 25 дена колку што досега трае 2023-та, регистрирани се дури 39 масовни пукања и погибии. А за оние  што повредени сепак преживуваат вакви инциденти, маките не се завршени бидејќи треба и болница да се плати.

Американската агенција за храна и лекови предлага нова регулатива со која драстично ќе се намали дозволената количина олово во бебешката храна. Кое се најало, се најало.

Рачно нацртана мапа со црвени ознаки, кои наводно покажуваат каде се наоѓа богатство закопано од нацистите инспирирала навала ловци на богатство во холандското село Омерен. Властите го забраниле ловот едно заради мир на тамошните жители, друго затоа што како поранешен дел од фронтот околу селото има закопани и неексплодирани мини и гранати.

Проектот чинеше 35 милијарди долари и требаше од Австралија да направи лидер во производството на зелена енергија. Ништо од тоа, бидејќи главните инвеститори се спукале. Но, можеби е тоа добра вест за милиони краби околу Индонезија.

Чатботот ГПТ-3 успеал да го мине завршниот испит на магистерските студии по бизнис администрација на Вортон школата, и секако дека тоа е проблем.

На најбогатиот човек на светот, Џеф Безос, му се смачи да се мафта со тој еден медиум што го има, Вашингтон пост, и реши да го продава. Парите му требаат за поинтересни работи кај што нема да треба да си ја лупа главата со новинари, ќе купува НФЛ клуб.

Германски Шпигел ја пренесува дојавата од германската Федерална разузнавачка служба, БНД, дека тие веќе се алармирани од големите загуби што Украина ги трпи во одбраната на Бахмут.

Европскиот југ важи за непоправливо корумпирана средина. Меѓутоа, онаа корупција која постои на северот е атомска физика во однос на базичната корупција од југот. Јужната корупција е рудиментарна, импулсивна, со ситни играчи. На северот сето тоа е систематски дизајнирано и високо софистицирано.  

Фајненшл тајмс решава сценарио во кое 300 руски нуклеарни ракети се лансирани кон САД. Најверојатно се работи за превентивен напад кој треба да ги уништи сите американски копнени силоси со интерконтинентални ракети. Американското ПВО не може да ги уништи сите, па на крај сепак загинуваат околу 2 милиона Американци.

Иако минаа месеци откако украинската армија го врати Купјанск под своја контрола голем дел од локалното население како да се чувствува под окупација, од Украинците.

26-годишната Даниела Леис мртва пијана била исфрлена од концерт на Мерлин Менсон. Таква влегла во кола да вози и по пат удрила во куќа, оштетувајќи цефка за гас, што предизвикало експлозија која оштетила четири други куќи и повредила седум луѓе. Леис ништо не негира од ова освен дека таа не е виновникот.

Освен Квинси Џонс, веројатно нема поголем продуцентски ѕвер од Рик Рубин. 9 Греми награди, работење со тешкаши како Ред Хот Чили Пеперс, Металика и Џони Кеш. Сите се убедени дека многу знае музика. Тој одговорно тврди дека не е така.

За оваа една година војна во Украина, Германија и понатаму останува зависна од увоз на енергенси, но тоа веќе не се руски туку се купени на меѓународен пазар, изјавува германскиот министер за енергетика, Кристијан Линдер.

Соочени со сериозна криза на менталното здравје, американските власти станаа сè поотворени кон истражување на лековитите својства на опојките. Први во редот психоделици што „чекаат“ дозвола за медицинска употреба се псилоцибинот и МДМА. 

Се што требаше за крахот на вештачкото месо, промовирано како револуција која целосно ќе го промени светот и начинот на кој се храниме, е луѓето навлечени на маркетинг галамата да го вкусат производот и да прочитаат како всушност се добива месо од лабораторија без животни, за со трчање да се вратат на старомодното вистинско месо.

Откако беше одблокиран од Твитер, Доналд Трамп сака да си го врати и својот Фејсбук профил. Неговите 4,8 милиони следачи на Truth Social, платформата што самиот ја направи, изгледа нема да бидат доволни за победа на претстојните избори. 

Една година и нешто откако Економист пишуваше дека глобалното производство за храна ја задушува планетава и ги исцрпува нејзините реруси а еден од проблемите е што западните луѓе се премногу гадливи на поинаква храна, во листата на дозволена храна, ЕУ ги додаде штурците.

За еден посериозен дел од цената на Твитер, Маск, иако на хартија ги има парите, зема кредит од банка во износ од 13 милијарди долари и некаде кон крајот на јануари ќе треба да ја плати првата рата од кредитот, што на овие пари изнесува 1,5 милијарди долари.

Човек кој живее на автопилот следејќи го она што го пишува во медиуми, може да се убеди дека сите препораки за исхраната и здравјето се резултат на чиста наука и напредокот во сознанијата. ОК. Знаете ли дека човекот кој го измисли „лесниот оброк со житарици“ е истиот човек кој веруваше дека најголемо зло е мастурбирањето? 

Западни корпоративни медиуми преплаваат со вести за руската инвазија во Украина, меѓутоа малкумина знаат дека Зеленски последниве месеци има забрането десетина политички партии (вклучувајќи го и главниот опозициски блок), ги укина синдикатите и ги забрани рускиот јазик, музика и култура. После тоа, отиде на Запад и порача дека земјата е отворена за бизнис.