Др. Клаузер е еден од водечките светски авторитети за квантна механика, проучување на материјата и светлината на субатомско и атомско ниво. Во 2010 година ја доби наградата Волф за физика, втора најпрестижна награда за физика по Нобеловата награда. Неговите коментари ќе помогнат да се фрли дополнително сомневање врз и онака неточното но распространето тврдење дека 99% од научниците се согласни дека луѓето се главен фактор за климатски промени.
Клаузер смета дека климатската псевдонаука станала и жртвено јагне и компензација за широк спектар на други неповрзани проблеми. Таа беше промовирана и проширена од маркетинг агенции, политичари, новинари, владини агенции и екологисти.
„Според мене, не постои вистинска климатска криза. Меѓутоа, постои многу реален проблем со обезбедување пристоен животен стандард за мнозинството луѓе и со тоа поврзаната енергетска криза. Последново непотребно се влошува со погрешна климатска наука“, додава тој.
Тој не е првиот добитник на Нобеловата награда за физика што го оспорува „прифатениот“ научен и политички наратив за климатските промени. „Светската декларација за климата“ беше потпишана од околу 300 професори за клима и порачува : „Нема климатски вонредна состојба“. Главен потписник е нобеловецот професор Ивар Гиавер.
За климатските модели се вели дека „ни оддалекува не се веродостојни како алатки за глобална политика“. Тие го преувеличуваат ефектот на стакленички гасови како што е јаглерод диоксидот и го игнорираат секој корисен ефект. Науката за климата се дегенерира во дискусија заснована на верувања, а не на здрава самокритична наука, се вели во декларацијара.
Во 2019 година, исклучително наградуваниот професор Антонио Зичини предводеше група од 48 италијански научници кои заклучија дека човечката одговорност за климатските промени е „неоправдано претерана и дека катастрофалните предвидувања не се реални“. Според нивното научно гледиште, „природните варијации објаснувааат значителен дел од глобалното затоплување кое се забалежува од 1850 година“.
Неодамна, четворица италијански научници, вклучително и тројца професори по физика, направија голем преглед на историските климатски трендови и заклучија дека прогласувањето „климатска вонредна состојба“ не е поддржано од податоците.
Но затоа се избираат податоци кои му одговараат на наративот (тн cherry-picking) кој ја убедува јавноста дека мора глобално да се деиндустријализираме. Таканаречениот „климатски индустриски комплекс“ успеа некако да убеди многумина дека јаглерод диоксидот, гас неопходен за живот на Земјата што се издишува во секој здив, е еколошки отров.
Минатиот септември, водечкиот нуклеарен физичар Валас Манхајмер предупреди дека фамозниот „Нет Зеро“ќе стави крај на модерната цивилизација. Тој тврди дека ветерната и сончевата инфраструктура ќе пропадне, тоа ќе чини трилиони и ќе им наштети на огромни делови од животната средина.
Постои една интересна групација наречена „Коалицијата за CO2“ со седиште во Вирџинија која е составена од околу 120 научници и истражувачи од широк спектар науки за климата. Неодамна, во нејзиниот одбор влезе нобеловецот Клаузер.
