Масивните сончеви ерупции од крајот на минатата година го нарушиле сателитскиот систем за глобално позиционирање, кој почнал да промашува прецизна локација за неколку метри. Тоа можеби се чини како мало отстапување, но може да направи големи бељи кај автономните возила и земјоделските машини кои користат сателитска навигација. 

Шест месеци по почетокот на војната во Иран и блокадата на Ормускиот теснец, стратешките резерви на нафта за итни случаи низ светот се речиси потрошени. Ослободувањето ја одигра својата улога – да спречи скок на цената на барелот, но нафтата ќе мора да се врати, и тоа со камата. Единствените резерви што растат се оние на Иран, кој го запре извозот поради војната.

Има луѓе што фрлаат хард диск со илјадници биткоини на депонија и потоа молат да копаат по неа како археолози на сопствената глупавост. Има луѓе што си ja заборавиле лозинката и сега имаат само уште две утки пред богатството да им исчезне како Кајзер Созе. Ама, го има и Крис. Човек ќе се израдува и да си најде стотка во џеб од старо капутче, не па преку ноќ да стане милионер откако 12 години немал пристап до своите биткоини.

Дваесет и пет години по 11 септември, Белата куќа сè уште го злоупотребува овластувањето за воена сила што го доби за да се пресмета со џихадистите што реално ги загрозуваа САД. Трамп го користи за да бомбардира бродови во Карибите за кои Пентагон нема ни докази дека се на нарко-банди. Единствено Конгресот има моќ да го укине застареното овластување од 2001 година. 

САД сосема неочекувано го поканија рускиот министер за финансии на министерскиот состанок на групата 20 најразвиени земји во Северна Каролина. Европејците беа очигледно изненадени. Ова е прво учество на Русија на Г20 по инвазијата врз Украина во 2022 година. САД, сепак, нема да обезбеди економска помош за Русија сè додека не заврши војната во Украина.

Оваа недела беше покрената голема нова иницијатива за спасување на Европа од економска пропаст. Се нарекува Рајнска група - и можеби е најзначајниот предизвик за статус квото на ЕУ после Брегзит. Мисија им е да ја разбудат Европа зашто се убедени дека во спротивно, нема да ја биде. Но, тешко да разбудиш некого кој се преправа дека спие.  

Историјата не е поларизирачка тема само на Балканот. И во една бивша империјална сила како што е Велика Британија, нејзината историја се предава како упростена приказна. Како што Бугарите си се лажат: дојде Тито и ги измисли Македонците. Или како што ние си се лажеме за некои епизоди од нашата историја. Но, ако учениците не можат да се справат со противречностите од минатото, како ќе се справат со противречностите од сегашноста?  

Александар Пушкин го опишуваше распуштениот живот на младиот Онегин во Санкт Петербург, човек кој речиси го заменил денот со ноќ а ноќта со ден. Ноќта била резервирана за балови, театри и задоволства, а денот бил време за спиење. Два века подоцна, можеби и ние ќе треба така, не поради луксузот на ноќниот живот, туку поради луксузот од неколку степени помалку.

Американските внатрешни работи соопштија дека Мајло Јанопулос е депортиран во Велика Британија, еден ден откако на аеродромот во Њу Орлеанс беше упасен од службите за спроведување на имигрантските политики (ICE). Десничарскиот провокатор со години апелираше САД да депортираат милиони илегалци од земјата. И види сега.

Седумнаесет години откако прерано почина на 50 годишна возраст, Мајкл Џексон останува неприкосновен крал на поп музиката, но дополнително објавени и анализирани детали од неговата обдукција откриваат дека тоа не бил баш во секој поглед живот со кој би се менувал некој на негова возраст. Вчера (29-ти август) ќе полнеше 68 години.

Пред есенските избори, Доналд Трамп е под сè поголем притисок поради неуспехот да го скрши Техеран и да го отвори Ормускиот теснец поради што цените на бензинот во САД станаа сериозен проблем. Пробаа со трошење на резервите но и тие почнаа да се тенчат, па на Трамп му текна дека во комшии има еден, веќе скршен „сојузник.“

Москва нема за цел да ја тестира отпорноста на НАТО, туку да ѝ наметне трошоци на Европа, онака како што оваа прокси војна во Украина ја чини неа. Многумина во Европа гледаат на дијалогот со Москва како награда. Но, ниту Европа ниту Русија не можат да си дозволат повеќе војна во моментов.

Одлуката на Мета да се согласи на спогодба вредна 18 милијарди долари ги изненади и правните експерти и технолошката индустрија. Се очекуваше долга судска конфронтација меѓу 29 американски федерални држави и еден од најмоќните технолошки гиганти во светот, но Закерберг реши да се фати за џеб, само неколку дена пред да треба да сведочи.

Само два најавени центри за податоци во Велика Британија, во атмосферата ќе испуштаат повеќе емисии јаглерод диоксид отколку ЕксонМобил и нивните фосилни горива. На ред за приклучување во мрежата чекаат 315 центри но нема струја која ќе може да ги задоволи бидејќи бараат дупло повеќе од целата зимска потрошувачка на Велика Британија. И во Америка луѓето се против. 

Стратегијата е вештина на избирање приоритети, но Трамп изгледа како тоа да го прави со фрлање петка-глава. Кинезите доминираат во светското производство, лидери се во електроника и автомобилска индустрија, ги држат ретките минерали... ама Трамп реши да се скара со Канада. Oколу иверката. А и кај иверката, доминира  - Кина. 

Националниот долг на САД надмина рекордни 40 билиони долари. Ова е дно во историјата на фискалното здравје на државата. Должничкиот товар на Америка расте побрзо од проценките пред само неколку години. Но, можеби ќе решат да го враќаат со по една милијарда секој ден. Ако е така, еден век ќе им биде малку.  

Еден бауч кружи над Соединетите Американски Држави. Баучот на експлозивната дијареа. Се работи за епидемија со рекордни размери кои сè уште не се прецизно дефинирани но виновникот е циклопора, паразит што се шири преку човечки измет а на трпезата најчесто стигнува преку зелената салата. А кога ќе се види нејзиниот состав, испаѓа дека таа главно е средство да се префрли вода, од нива до маса.

Иако продолжува со реториката за потребата од создавање услови за пад на Исламската Република, во момент на ретка скромност Бенјамин Нетанјаху призна дека тоа „нема да се случи во еден ден“. Неговиот највреден адут, таинствениот Мосад кој досега важеше за семоќен, утна толку со Иран што ниедно предвидување на агенцијата не се оствари.  

Тоа не само што не досадно туку и е проблем, како за луѓето и нивната исхрана, така и за шареноликоста односно биодиверзитетот на растенијата што се јадат. Масовното земјоделско производство форсира многу мал број култури додека други се соочуваат со исчезнување. Јадеме пет, шест, седум зеленчуци, додека во светот постојат речиси 1.500. 

Денес се зборува за демократијата на речиси ист начин како што средновековните теолози зборувале за природниот поредок на светот. Како отсекогаш да постоела и како да ќе постои засекогаш. Но, што Фукујама предвреме прогласи фајронт на историјата? Што ако либералната демократија е беше политички одговор на свет кој веќе не постои? 

После серија брутални силувања и сексуални напади извршени од страна на баратели на азил, британското министерство за внатрешни работи процени дека е корисно на тие луѓе да им се испечати упатство за однесување во кое се наведува дека жени не треба да се силуваат, да им се ш'цка и да им се праќаат кисчиња. Овие сега ќе седнат, ќе ги прочитаат тие упатства и островот повторно ќе живее мирен и спокоен живот.  

„Трансформацијата на Грција во израелски сателит се одвива со вртоглава брзина. Ова е лош знак за повеќето Грци, за мирот во нашиот регион и за Европа и Западна Азија пошироко. Мора да се спротивставиме на тоа“, напиша Јанис Варуфакис. Освен мирот и безбедноста, Грците ги секира и тоа што кириите се качуваат затоа што Израелци масовно купуваат имот во нивната земја.

Исончан, потемен тен кој често се перцепира како знак на здравје и привлечност а солариумот долго време се третираше како брз, контролиран и практичен начин да се стигне до тоа, или пак да се подготви кожата за летото. Но, потемниот тен е само знак дека кожата веќе претрпела отшетување. На тој начин кожата се брани и ништо друго. 

На 101 година, од старост, почина човекот со најголем затворенички стаж во американската историја. Последен пат побарал да му биде простена доживотната казна кога имал 95 години. А доживотната казна затвор ја дочекал со олеснување, бидејќи претходно во многу наврати му викале дека јаде за последен пат.