Вести › Набрзинка

6.00 уби 600

1 September 2025

Во моментов се регистрирани 622 загинати и преку 1.500 повредени (последно: 800 мртви и 2817 повредени) )од земјотресот кој со јачина од 6 степени по Рихтер го погоди источен Авганистан.
Погодена е областа Кунар а епицентарот бил на 27 километри од градот Џалалабад кој е оддалечен 119 километри од главниот град Кабул.
Земјотресот тресел згради од Кабул до Исламабад во Пакистан.

Авганистан е подложен на смртоносни земјотреси, особено во планинскиот венец Хиндукуш, каде што се среќаваат индиската и евроазиската тектонска плоча.

извор

Дежуловиќ: Ова не потсетува на 20-тите, ова СЕ 20-тите

1 September 2025

„Дваесеттите години се само подготовка за она што доаѓа. А кога ќе дојдат триесеттите, ќе биде предоцна. Дека ова се случувало пред сто години може да го толкуваме како чиста досетка или како прецизно адресирано предупредување.
„Сто години слепило. Времето, политичките околности, односите и процесите, исто како луѓето и нивните реченици, се застрашувачки исти. Сите општи места на нашето секојдневие – пропадната Европа, изолационистичка Америка, мигранти, Евреи, Палестина, Крим, Украина и новата голема Русија, понижената Германија, технолошкиот напредок и пропаднатата работничка класа која ентузијастички го прифаќа фашизмот, воените ветерани и возбудената младина наредени во Фрајкорпс за да ја нападнат „дегенерираната уметност“ – сè е тука, во Вајмарска Германија, во денешна Вајмарска Америка, Вајмарска Европа или во малата, влажна Вајмарска Хрватска“, вели Борис Дежуловиќ во интервју за Лупига.
Има нова книга, се вика „Кој е тој човек?“.

извор

Урсула фон дер Лајен: Бугарија не ја брани само Украина туку и цела Европа

1 September 2025

„Една третина од оружјето испорачано на Украина од почетокот на војната доаѓа од Бугарија. Ви благодарам за вашата поддршка за одбраната на Украина“, напиша фон дер Лајен на Икс.
Таа ја посети најголемата државна компанија за производство на оружје во Бугарија во придружба на бугарскиот премиер Росен Жељазков.

Посетата доаѓа по објавата на германската компанија за производство на оружје „Рајнметал“ дека ќе изгради две нови фабрики во Бугарија и ќе ја прошири фабриката во Сопот.

извор