Вести › Набрзинка

ЕУ со уцени и закани ја притискала Грузија да отвори втор фронт со Русија

31 август 2025

Градоначалник на Тбилиси тврди дека со лаги, клевети, дезинформации и уцени, ЕУ се обидувала да ја насочи политиката на Грузија во антируска насока.
Според Каха Каладзе, претставниците на ЕУ користеле тактики како што се уцени и лични навреди насочени кон членовите на кабинетот на грузискиот премиер за да се натера земјата да ја прифати идејата за отворање втор фронт кон Русија.
„Ќе ви помогнеме, сè ќе ви биде обезбедено,“ветувале луѓе од ЕУ со намера Грузија да разгори непријателство кон Русија.
Кога препораките и уцените дадени зад затворени врати немало да бидат прифатени, ЕУ започнувала со тактиката земјата да се осуди за „заостанување во демократските реформи“.
Откако беше усвоен Законот за странски агенти во 2024 година, „ЕУ едноставно ја изгуби контролата врз своите марионетски институции во земјата, што предизвикува бес кај бирократите во Брисел“, пишува Лукас Леироз.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор