Три лица кои претрпеле непоправливи здравствени последици од нивното учество во испитувањата за вакцини против ковид ги тужат производителите на вакцините. Пациентите тврдат дека компаниите ги негираат нивните повреди и одбиваат да ги покријат медицинските трошоци, и покрај тоа што според договорот, обврзани се на тоа.
Над 200.000 волонтери се имаат пријавено да учествуваат во клиничките испитувања во 2020 година со кои се тестираше безбедноста и ефикасноста на ковид вакцините.
Повеќето учесници ги поминаа испитувањата без или со мали несакани ефекти како замор, главоболки и болка во раката. Но, неколкумина тврдат дека испитувањата им оставиле трајни повреди што им го смениле животот, а производителите на вакцини не ги признаваат и не ги пријавуваат нивните несакани ефекти.
Една од нив е тогаш 39 годишната Бријан Дресен, мајка на две деца, која обожавала скијање, пливање и качување по карпи. После примање единечна доза „АстраЗенека“ во 2020 година, за еден час почнало трнење во раката кое потоа се селело на другата рака, нозете и главата. Наскоро симптомите се влошиле и не можела да оди, а во следните четири месеци не можела да толерира светлина, звук или допир. Дури и прегратките или разговорите со нејзините деца биле болни.
Во 12-те месеци по пробната вакцинација, Дресен имала 60 лекарски прегледи, четири посети на одделот за итни случаи и еден прием во болница. Медицинските сметки почнале да се зголемуваат, чинејќи стотици илјади долари а таа била во постојана агонија, размислувајќи и за самоубиство.
Денес цели дека страда од 20 различни симптоми, вклучувајќи автоимуно оштетување на нервите.
