По налог од истанбулскиот обвинител поради „јавно навредување на религиозните вредности“, полицијата уапсила уредник, графички дизајнер, директор и карикатурист од сатиричното списание Леман.
Карикатурата или која било форма на визуелно претставување на нашиот пророк не само што им штети на нашите религиозни вредности, туку и на општествениот мир. Неопходните правни чекори ќе бидат преземени без одлагање, забележа министерот за правда на секуларна Турција, Јилмаз Тунч.
Министерот за внатрешни работи Али Јерликаја ја опиша карикатурата како „бесрамна“ и „злонамерна“.
Peygamber Efendimizin (S.A.V) karikatürünü yaparak nifak tohumları ekmeye çalışanları bir kez daha lanetliyorum.
— Ali Yerlikaya (@AliYerlikaya) June 30, 2025
Bu alçak çizimi yapan D.P. adlı şahıs yakalanarak gözaltına alınmıştır.
Bir kez daha yineliyorum:
Bu hayasızlar hukuk önünde hesap verecektir. pic.twitter.com/7xYe94B65d
Специјални полициски одреди за сузбивање нереди употребиле солзавец и гумени куршуми за да ја разбијат толпата од околу 250 луѓе која притиснала врз кордоните пред редакцијата на Леман и извикувала „Око за око!“ и „Крв за крв“.
ŞEREFSİZ LEMAN DERGİSİNİN ÖNÜNDE PROTESTO EDİYORUZ. BAZI ABİLERİMİZ KARDEŞLERİMİZİ ABLUKAYA ALDILAR. SES ÇIKARALIM pic.twitter.com/85UHc1Yv5H
— mehmet (@kemalisnt) June 30, 2025
На спорната карикатура се прикажани два лика со ангелски крилја како лебдат над град врз кој паѓаат бомби. Едниот лик вели: „Мир на тебе, јас сум Мухамед“, а другиот одговара „Мир на тебе, јас сум Муса“.
görmeyen veya denk gelmeyenler için karikatür buymuş. karikatür dediğimiz şey bir kişi, olay ya da durumu abartılı, çoğu zaman mizahi ve eleştirel bir şekilde resmeden çizimdir, ben bu karikatürün herhangi bir alay veya hakaret amacı taşımadığını düşünüyorum. pic.twitter.com/QR701R7gZ7
— oipandadorio (@dusandorio) June 30, 2025
Главниот уредник Тунџај Акгун им се извини на „сите добронамерни читатели што се чувствуваат повредени“, но го брани објавувањето на карикатурата и ги отфрла заклучоците дека на неа е прикажан пророкот.
Карикатуристот имаше намера да ја прикаже праведноста на угнетениот муслимански народ, прикажувајќи муслиман убиен од Израел. Тој никогаш немаше намера да ги навреди религиозните вредности. Не ја прифаќаме дамката што ни е фрлена, зашто не е прикажан нашиот пророк. Мора да бидете многу злонамерни за да ја толкувате карикатурата на овој начин. Леман никогаш не би презел таков ризик. Мухамед е фиктивно име на муслиман што бил убиен при израелското бомбардирање. Повеќе од 200 милиони луѓе во исламскиот свет се викаат Мухамед, додаде Акгун.
Реакцијата на карикатурата тој ја оцени како загрижувачка и ја спореди со онаа во Париз пред десет години, кога терористи упаднаа во просториите на сатиричниот весник Шарли Ебдо и убија 12 новинари и карикатуристи поради приказ на пророкот Мухамед.
Леман, формиран во 1991 година, се наметна со остра политичка сатира и поради тоа често пати е на удар на конзервативците во Турција.
******
Види и:
Француските медиуми го поддржаа Шарли Ебдо во реобјавувањето на карикатурите на Мухамед
