Најголемата автомобилска асоцијација во Германија и Европа ADAC (имаат 21 милион членови) последниве години тестирала преку 700 различни типови автомобили „без клуч“ а резултатите се поразителни. Таквиот систем за отклучување и палење на колата многу го олеснува секојдневието на возачите. Но и на лоповите.

Како животот да не е доволно напорен па новиот британски премиер реши на човек да му се ускрати да се олабави со чаша пиво и цигара во отворените делови на пабовите. Семоќната и сеприсутна држава ќе казнува ако се запали цигара и на терасите на рестораните и тоа го прави кога на нејзините млади им се пробува нешто пркосно, спротивно од она што им се наметнува.

Познато е дека на планетава нè има безмалку осум милијарди. Но, интересно е кога ќе се зумира по континенти. Visual Capitalist малку се занимавал со бројот на родени по континенти во текот на годините и се добиваат некои очекувани а некои изненадувачки обриси и тенденции. Дека Европа паѓа тоа е јасно, ама тој пад не е ни приближно остар како оној во Азија.

До неодамна долготрајните и рекордно високи температури на океаните и морињата повлекуваа драматични предупредувања и наслови дека е можен колапс на виталните глобални струи кои го прават трансферот на топли-ладни води и го одржуваат живиот свет и еко-системот во рамнотежа. Наспроти очекувањата дека затоплувањето ќе продолжи, температурите во Атлантикот сега паѓаат.  

Со децении западната наука и медицина препорачуваа да се избегнува сонце кога е јако или пак задолжително да се користат креми со заштитни филтри. Сега науката доставува доста поинаков амандман: штетните УВ зраци знаат да ги намалат шансите да се умре од рак или кардиоваскуларни болести.  Оди па биди паметен што да правиш.

Јапонец кој сака да постигне целосна финансиска слобода (да не работи ништо, а да има пари), последниве 20 и кусур години јаде само ориз и живее во фирмата во која работи, само за да се пензионира пред 50 години.

Кандидат за градоначалник во Вајоминг ветува дека ако биде избран за прв човек на градот Шајен, ќе дозволи ЧатГПТ бот што тој го изработил да управува со тамошната локална власт.

Меѓу сите егзистенцијални проблеми со кои се справува Пакистан, пример е на раб од економски колапс и некои посебно уникатни за него, експлозија на популацијата на магариња, земјата се сврте кон чистење на својот парламент од глувци.

Од денешната млада и кревка генерација која знае беспоговорно да слуша авторитети, особено во врска со здравјето, најмалку се очекуваше да се фати за цигара. Нема место за паника, бидејќи оние кои пушеле многу повеќе од нив, создале патишта, железници, книги и филмови кои уште се користат и во кои уште се ужива. Дали пушењето можеби е првиот знак на независност на „снегулките“ од естаблишментот? 

Деновиве објавивме цена на еспресо во ресторан во Италија и штом го асоциравме со цените во Охрид, беше јасно дека ќе се добијат коментари од типот „Одете таму, ако не ви чини“. Еден дури тврдеше дека внесуваме раздор меѓу луѓето, хихи. Но, да видиме на што се должи ниската цена на еспресото во Италија. Главно на неколку работи: регулатива, традиција и култура. 

Учениците во почетните одделенија во просек губат по една третина од времето за учење затоа што наставниците своето време го користат за да им помогнат на децата кои не се подготвени за на училиште, пример, уште се во пелени.

„Екстремофили“ се организми кои можат да преживеат, па дури и да напредуваат, во најсурови средини, вклучително во вжарените хидротермални отвори, мразот на Антарктикот и огромни притисоци на Земјината кора. Сега се откриени во многу подомаќински амбиент: микробрановите печки.

Најмалку една четвртина од луѓето кои имаат тешки повреди на мозокот и не можат физички да одговорат на команди се всушност свесни, обелоденува првата меѓународна студија од ваков вид. Иако овие луѓе не можат, на пример, да кренат палец за да потврдат нешто, тие постојано покажувале мозочна активност кога бивале замолени да замислат како се движат или вежбаат.

Во мртвата трка кој ќе биде најголемото човечко дно што некогаш било ангажирано пред камерите на Би-би-си се вклучи поранешниот зоолог на Би-би-си Адам Бритон кој се снимал себе си како силува и измачува кучиња, за што доби 10 години затвор.

Носењето паметни часовници и слични уреди кои постојано го следат вашето здравје, со константните апдејти за твојата состојба во крајна линија знаат да ве направат многу поанксиозни околу сопственото здравје, што пак е штетно за истото.

„Познатиот пропаганден аутлет на Балканот, кој директно е надгледуван од британската владина агенција која Ројтерс еднаш ја означи како „проширување на меката моќ на надворешната политика на Обединетото Кралство“, се чини дека е на работ на колапс по големиот раскол меѓу членовите на персоналот и лидерство“, пишува Грејзон на основа на протечени внатрешни меилови на БИРН.

Пишувањето пораки на мобилен додека се вози предизвикува илјадници смртни случаи секоја година. И покрај тоа што возачите ги знаат опасностите, голем дел од нив упорно ги користат своите телефони додека се зад волан. Едукативните програми имаат ограничен ефект, ама затоа врши работа една друга цака.

Социјалните медиуми многу помогнаа во зголемување на видливоста на научните истражувања и резултати но тоа доаѓа со цена која ја плаќа кредибилитетот на авторите. Тие што често се бават или коментираат политички теми (а се бават и коментираат почесто од останатите), на публиката им се чинат како помалку веродостојни научници.

За почеток е тест проект и со него се опфатени само дел од државните работници, ама затоа тие што се опфатени не само што ќе работат по 4 дена туку и во тие денови ќе работат по само 7 часа.

Манчестер, фудбал, пабови, пиво. Во таква еко-средина дечко од Манчестер помислил дека има победничка идеја за нешто ново - да отвори безалкохолен паб. Ене го, затвора дуќан. Во иднина ќе држел безалкохолни поп-ап шанкови по венчавки. Немој некој да го излажал дека на наши венчавки пари би намлатил со таа идеја. 

Меркур е најмалата (откако го дисквалификуваа кутар Плутон) и најблиската планета до Сонцето во нашиот планетарен систем, но преку ноќ стана интересен откако научници сугерираа дека под неговата површина има огромен, повеќекилометарски слој дијаманти. Ок, не дека е баш блиску до нас (77 милиони километри) и не е дека е баш пријатно место за копање (430 целзиусови степени).

Жените што учествуваат на Олимпијадата во Париз се „елитни спортисти“ кои камерманите треба да ги кадрираат на ист начин како и мажите, порачал директорот на комплетниот пренос од ОИ 2024.

Само 13% од испитаниците изјавиле дека се подготвени редовно да јадат оброци со инсекти, кои во последно време се натураат како еден од столбовите за спас од глобалното затоплување. И тоа мора да се поправи во име на климатските промени, не инсектите, туку вашето гадење од нив.

Забраната за блокатори на пубертет воведена од претходната британска влада со помош на вонредни овластувања е законска, одлучи британскиот Висок суд, со што речиси ја запечати важноста на забраната.