Се работи за водечкиот извозник на фентанил во САД, кој по наредба на Чапитос групата (предводена од четворицата синови на Ел Чапо) во иднина не смее ниту да произведува ниту да шверцува од крајно смртоносната дрога.

Да треба да одбереш тројца најдобри гитаристи на сите времиња, изборот сигурно ќе наиде на мрчење на други, пошто си пропуштил некој од нивните фаворити. Исто би било и со пет или десет, дури и сам ќе ти биде криво што пропушташ некого. Ама да направиш листа од 250 ликови и пак толку дебело да утнеш? 

Препорачаната доза на канабидиол досега беше 70 милиграми на ден. Англичаните сега решија да ја намалат за дури седум пати. За да бидат сигурни, експертите прво мерат на глувци, потоа множат со човечки килограми ама удираат и дополнителен сатар за 400 пати. За на крај да останат само четири капки од најтенкиот CBD. За THC-то немаме нови лоши вести.

Луѓето во Газа се практично без интернет затоа што бомбардирањата на Израел ја уништија инфраструктурата, но затоа Европа има интернет. А во Европа еден од најголемите агрегатори на вести е германскиот Апдеј чии надлежни дале упаства да се форсира про-изралескиот поглед на состојбата во Газа и да се минимизираат вестите со цивилните палестински жртви.  

Заради нешто што модерно коректно се нарекува „креативни разлики и загриженост околу конкретните теми“, а по старо се викаше само „цензура“, Епл ТВ одлучи да го прекине шоуто на Џон Стујарт и целосната соработка со него.

Македонската комисија за заразни болести пред некое време призна дека го нема набавено антивирусниот лек паксловид, ама ќе го набавеле во иднина, ако требало и ако се зголемел бројот на ковид случаи (по што епидемилогот Даниловски пристојно и сосема на место ги праша „Дали сте нормални?“). Е па, дунстери, кажете драгичка.

Двајца научници решиле да го мапираат целиот универзум и да прикажат како стојат работите. Го направиле тоа а резултатите од нивната табела водат кон прилично зачудувачки прашања за црните дупки. Дали универзумот во кој живееме може да биде една голема црна дупка?

Ја памтите ли 2016-та и Сирија, кога се дигна светска врева за Сирија и страдањата на луѓето под режимот на Башр Ал Асад? Сте чуле нешто за Сирија и тие луѓе откако Запад сфати дека Башар не паѓа така лесно па дигна раце од тоа? За среќа, постојат независни новинари како Канаѓанката Ева Бартлет, кои ги деконструираа медиумските шашми дека се работи за цивили, за емпатија. 

Том Морело, Нињо Бетенкорт, Скот Иан и Бред Пеисли, пред 4 години ја отсвиреа темата од „Game of Thrones,“ на чичка новки тематски Фендер гитари. Видеото стана апла вирално и нема кој го немаше видено. Откако ја завршиле работата, скаперниците од Фендер само им пишале: „Баш ви фала што ни се најдовте“. Еве ги сега, мрчат.

Во едно примитивно племе во Амазон живеат три илјади жени и само седум мажи. Вториве се ослободени од сите обврски и работи, освен од онаа која е незаменлива: размножувањето. Бидејќи три илјади на седум е сериозно неповолен однос на силите, за да ги избегнат жените, мажите често бегаат на дрвја.  

Од сите стресови кои со себе ги носи возењето кола (од идиоти кои сакаат да се пикнат во твоја лента, до идиоти кои не ти даваат да им се пикнеш во нивна лента), се чини организмот најмногу го вознемирува паралелното паркирање. Им мереле пулс на луѓе кои паркираат паралелно. Срцето забрзувало речиси 60 проценти.

Цената на пивото (барем во Британија) веќе е порасната за 13% од пандемијата, а не само што ќе продолжи да расте туку и пивото ќе стане погрдо од тоа што е сега, е предупредувањето за тоа како глобалното затоплување ќе влијае на пивото.

На конференција на Ториевците, премиерот Риши Сунак се откажа од проектот за брзи пруги па затоа мораше да понуди нешто друго „големо.“ Понуди ригорозна политика против пушењето. „Ова е потсетување како недостатокот на политичка визија, технократи како Сунак го компензираат со тривијален авторитаризам,“ пишува во текстот „Англија без цигари е неслободна Англија.“

Во денешниот медиумски пејсаж нема ни сенка од дрскоста и провокативноста на еден Хантер Томпсон или ПЈ О' Рурк кому му беше објавен текст: „Како да возите брзо додека сте на дроги и ви го стискаат „стојко,“ а да не  ја истурите пијачката?“ Денес никој не преминува линии и не поместува граници. Денес медиумите мајчински ве учат како да живеете.

Истата личност која до сега активно работеше на тоа дебелите да добијат гратис дополнително седиште во авион, сега е со нова и уште поважна мисија - да ги натера хотелите низ светот да почнат да ги шират ходниците за подобро да можат да угостат пошироки гости.

Во Сингапур не можеш да купиш кола ако не поседуваш сертификат, систем со кој државата се обидува да го регулира бројот на возила кои циркулираат по ограничената островска сообраќајна мрежа. Треба да се преброиш дали за почеток имаш 100К долари па дури потоа да гледаш што семејна кола сакаш да купиш.   

Што е тоа што најсреќните работници на светот ги прави среќни? Тоа што пред себе го гледаат плодот на својата работа. А кои се? Градежници.

Иако неговите многубројни непријатели од другата страна на политичкиот спектар со одушевеност го поздравија заминувањето на Мардок од врвот на неговата медиумска империја, во суштина работите стојат обратно: кој сега на квази-либералниот иквази-левичарски естаблишмент ќе му биде крив за сите негови неуспеси?

По барање на производителот Ново Нордиск а одобрено од американската Агенција за храна и лекови, популарниот лек за шеќер/слабеење Оземпик во иднина ќе доаѓа со уште едно предупредување за несакана појава: блокада на цревата. Судбината на Елвис Присли предупредува дека тоа не е банална работа.

Маријана Спринг од BBC има јако звање, специјална дописничка за дезинформации. Во суштина, работа и е оние кои се сомневаат во официјалните наративи, да ги прогласи за теоретичари на заговори. Кога експертката за дезинформации ја фатија дека ширела дезинформации и во своето CV, одговори дека не мислела дека е тоа голема работа.

Индискиот Чандрајан-3 минатиот месец стана прво летало кое слетало во близина на крајно посакуваниот Јужен пол на Месечината и со тоа да го сруши кинескиот рекорд за најјужно слетување. Кинезите сега тврдат дека Индијците лажат.

Право време е Мик Џегер своите деца да ги потсети на песната „You can’t always get what you want“. Во интервју за Волстрит Журнал, 80 годишниот фронтмен на Ролинг Стонси рече дека на неговите деца не им требаат 500 милиони долари за да живеат па богатството најверојатно ќе го даде за добротворни цели.

Оние љубители на теории на заговор кои 'ние паметните' редовно ги шлакаме, пак ќе испаднат во право.  Регулаторите ширум светот повторуваа дека не постои начин новиот тип вакцини кои се користеа за ковид, таканаречените мРНК вакцини, да прават шашми со човечката ДНК. И глеј сега.

Лего се откажува од напорите да ги произведува своите прочуени коцки од рециклирани пластични шишиња.  Данската компанија вели дека компликациите со материјалите, на крајот би довеле до повисоки вкупни емисии на јаглерод. Тестирале стотици и стотици материјали, ништо. Нафта си е нафта.