По 32 месеца ровоски судски битки, американскиот Епл и тајванскиот производител на смартфони ХТЦ склучија 10 годишен пакт за ненапаѓање.

 Дури и во моментов да немате 140 квоциент на интелигенција колку што бара македонското министерство за здравство, потребно е само време за да го исполните условот. Дали знаете дека на секои 10 години, просечниот IQ се покачува за 3 поени?

Брачен кревет во Велика Британија просечно трае една деценија. И во тој десетгодишен живот гледа повеќе Фејсбук и Твитер отколку секс.

Со децении германскиот фолк состав Kastelruther Spatzen е убер позната фолк група која редовно жнее награди и прави тиражи за кои поп ѕвездите од земјата можат само да сонуваат. Нивниот некогашен продуцент сега тврди дека сето тоа е фејк.

Холандија има 17 милиони луѓе. И тоа не е никаков проблем. Проблем е што тие 17 милиони луѓе имаат 18 милиони велосипеди.

Во историјата заминува кражбата на автомобили, која, благодарејќи на филмовите, ја замислуваме како стандардна. Лопужите во меѓувреме се досетиле дека автомобил најлесно се пали со - клуч.

Бугарите отсекогаш во историјата имале чудна смисла за политичка проценка. Незадоволни од економската ситуација во својата земја, селаните од две бугарски села сакаат да се припојат кон - Грција. Алал вера како го убодеа решението. На Фејсбук ни пишаа: Македонци земаат бугарски пасоши, Бугари се прават Грци а Грците мислат дека се Македонци :)

Од "го земам презимето", преку "ќе го додадам неговото" и "ќе го задржам само моето," сега стигнавме до - "ќе ги смешаме двете презимиња".

Појасите на авионските седишта се бескорисни а и онака нема да ги спасат патниците во случај на несреќа, порачал првиот човек на Рајан ер, кој се обидува да ги воведе летовите на стоење.

Невролозите открија дека човековиот мозок може да донесе брзи одлуки и прецизни одлуки, само не во исто време.

Во Авганистан повторно ќе се руши еден будистички храм (над 2.000 години стар), само овој пат не од Талибанци туку од Кинези. И тоа за 100 милијарди долари.

Аналитичарите деновиве на ангро мозгаат што беше пресуден фактор за победата на Обама: прецизната демографска стратегија, тајмингот на Сенди, бизнис профилот на Ромни.... Имаме два збора за нив: Нурсултан Назарбаев.

Мажите архетипски се ловци, постојано подготвени за предизвик и опасност. Но, бидејќи одамна се припитомени, им останува сосема мал простор да ја покажат оваа органска дивина. Всушност, тој мал простор се сведува на глуждовите на нозете.

Официјално, објаснувањето зошто еден лондонски брокер потрошил 40.000 фунти (свои пари, ништо спорно) во еден бар во Лондон е - да го импресионира Бенисио Дел Торо. Неофицијално - никој не може да има објаснување за сметка до 40.000 фунти.

На 7-ми ноември 1941-ва, додека Нацистите се на само 30 километри од Москва, во градот во исто време руската армија одржува парада пред да се упати кон фронтот. Ова се смета за моментот кога Германија ја губи војната во Советскиот сојуз, а со тоа и во остатокот од светот. Годинава беше 71-годишнината од парадата. Русите не заборавија.

Додека во Америка продолжи владеењето на Обама, во Кина се случува најголемата промена на власт во изминатите десетина година. Целиот настан е концентриран во Пекинг, и во основа изгледа како Олимпијада на Комунистичката партија.

Ако се земе во предвид платата што ја "гарантира," факултетот е се помалку исплатлива инвестиција. Отприлика една петина помалку од пред 10 години.

Продавници, казина, берберници, мртовечници, дури и приватни домови. Ѕирнете на кои сè места Американците имаат можност да гласаат.

Микрософт одлучи дека е време да се збогува со Месинџер сервисот на Виндоус, но сепак ќе ги задржи над 100-те милиони корисници. Сега, сите се обединуваат во Скајп.

Без конкуренција ова беа најскапите избори во историјата на САД. Ниту еден од двајцата кандидати не прифати финансирање од државата, заради што можеа да собираат пари од донатори и PAC (Political Action Committee). Собраа како никогаш досега.

На снимање пред да и покаже било што на Стоја, порно актерот Џејмс Дин (James Deen) прво го вади својот мобилен на кој во меил од лабораторијата има потврда дека тој е негативен за ХИВ, сифилис, кламидија и гонореја. Потоа, таа го покажува својот извештај.

Затоа што луѓето повеќе не ги чекаат весниците за да ги добијат новите информации, печатените медиуми решија да ја подобрат својата актуелност, па на Твитер објавија фотографии од насловната страна на денешниот број, додека тој се уште беше во печат.

Охајо повторно се покажа пресудно за американската претседателска трка. Барак Обама го добива вториот мандат благодарејќи на ефикасна кампања темелена на испробана техника - оцрнување (метафорично де) на противникот.

Покрај сите штети што ги направи Сенди, полицијата на Њујорк успеа да излезе и со неколку позитивни нуспојави на ураганот.