Откако Клиз превзема сериозни мерки за собирање пари, како стенд-ап турнејата "Alimony Tour," сега започна и на ситно со продавање на предмети од неговите филмови, како шлемот што го носеше во Монти Пајтон и Светиот Грал, кој е понуден за 999 долари.
Меѓу предметите се и седум фотографии од најразличните филмови и серии во кои настапувал Клиз. Целата продажба се врши преку сајтот на Original Memorabilia Company, а меѓу понудените предмети е и неговото Бентли од 1987-ма.
Тој се сложи и да оди на ручек со тој што ќе го купи Бентлито.
Клиз во 2008-ма се разведе од неговата сопруга, а лани се ожени со четвртата жена, 31 година помладата Џенифер Вејд.
За да подмири дел од трошоците за третиот развод, тој мораше да ја продаде својата куќа во Калифорнија од 6 милиони фунти. Клиз од САД се пресели во Монако, за да избегне плаќање на високи даноци за неговиот развод.
