Вести › Набрзинка

Путин прифаќа преговори со Украина и САД

22 октомври 2026

Претседателот Владимир Путин се согласил да ги обнови мировните преговори со Украина, по средбата со американскиот мировен пратеник Стив Виткоф во Царската палата во Санкт Петербург.
Првата средба на делегации од Русија, Украина и САД би можела да се одржи веќе на 10 ноември во Абу Даби.
Володимир Зеленски, кој претходниот ден се сретна со Виткоф во Осло, изјави дека би прифатил мировен договор со кој Украина и Русија би се разграничиле по сегашната линија на фронтот.
Кремљ забележа дека предлозите од Украина и од Европа утврдени во Осло „имаат малку суштина“ и дека Москва инсистира на преговорите да се решат и долгорочните прашања.
„Ова е најблиску што сме биле до завршување на војната во Украина“, оцени Доналд Трамп.
Државниот секретар Марко Рубио изјави дека и Русија и Украина ќе мораат да се откажат од некои свои барања ако сакаат да заврши војната. Истакна дека Русија е поканета на самитот на Г-20 во Мајами, на кој би можел да учествува шефот на дипломатијата Сергеј Лавров, па дури и Путин.

извор

25 години од смртоносната заседа за македонските бранители

11 ноември 2026

На 11 ноември 2001 година во 19 часот во атарот на тетовското село Требош, се случува последниот смртоносен настан во војната од 2001 година кога загинуваат тројца припадици на Лавовите.
Тројцата убиени со останатите припадници на безбедносните сили се упатија кон Џепчиште и требало да извршат физичко обезбедување на гробницата за каде што постоеја сознанија дека се закопани шестмина од киднапираните и убиени Македонци. Заседата терористите ја поставиле од двете страни на патот а конвојот бил нападнат со минофрлачи и зољи. По престрелката, го фрлиле оружјето и побегнале.
Гинат Драго Маневски (35) од с. Марино, скопско, татко на две малолетни ќерки, Бобан Трпков (33) од Драчево, татко на две малолетни ќерки и младиот кумановец Оливер Петрушевски (23).
Албанска национална армија (АНА) ја презеде одговорноста за убиството на тројцата македонски полицајци како и за киднапирањето на македонски цивили во тетовскиот регион.

извор

Киев го отфрли планот на Трамп за прекројување на Донбас

11 ноември 2026

Украинската делегација го отфрлила предлогот на САД за прекројување на границите на регионите Доњецк и Луханск за да се обезбеди основа за крај на војната.
Американските посредници Стив Виткоф и Џаред Кушнер предложија компромисно решение, според кое Украина би ги променила административните граници на териториите Доњецк и Луханск и да ги прилагоди на актуелната линија на фронтот.
Москва така би добила можност да објави дека ја исполнила својата цел да го контролира Донбас во целост, а Киев би ја задржал контролата врз преостанатите 5.000 квадратни километри од овие региони.
Пред да почнат разговорите во Абу Даби во вторникот, Трамп навести дека повоена Украина би имала „поинаков облик“. Американски претставници укажаа дека украински функционери во приватни разговори покажале флексибилност за територијалните отстапки.
По првиот ден од разговорите, украинскиот претседател Володимир Зеленски забележа дека тие биле „конструктивни и прилично суштински“.

извор