Програмерот бил откриен дека целата своја работа ја имал аутсорсирано на кинеска програмерска компанија, а слободното време го користел за сурфање на интернет.
40-годишниот маж, идентификуван само како Боб, без да биде наведено во која компанија работи, дури и бил пофален од неговите шефови дека "бил најдобар програмер во зградата," и дека неговиот код секогаш бил "чист, добро напишан и предаден на време."
Работниот ден на програмерот се развивал на следниот начин:
- 09:00 - Пристигнување на работа и сурфање на Реддит
- 11:30 - Ручек
- 13:00 - Сурфање на Ибеј
- 14:00 - Сурфање на Фејсбук и ЛинкдИн
- 16:30 - Извештај за сработеното во текот на денот до менаџментот
- 17:00 - Одење дома
Платата што ја добивал програмерот изнесува неколку стотици илјади долари годишно, додека тој на кинеската компанија и плаќал приближно 50.000 долари.
Програмерот бил откриен откако неговата компанија го контактирала Веризон, затоа што во интернет извештаите се појавувал неочекуван сообраќај од Кина, во траење од 8 часа дневно.
