Велт објаснува три методи со кои до сега државите решавале вакви проблеми - руски, американски и германски. Според нив, Германија треба да се држи до германскиот метод. Ама што и да се прави треба да се прави веднаш.

На британските плажи се закопани над 30 златни шипки, а нивната локација единствено ја знае еден германски уметник кој и ги закопал таму. Кој си ги најде негови се.

Заради користење сила при апсењe, користење солзавец и гумени куршуми, и сето тоа непотребно и со претерување, полицијата на Фергусон доби тужба од 41,5 милиони долари за прекршување на човековите права.

На Твитер нема доволно место да кажеш што сакаш, на Фејсбук е многу веројатно дека пријателите ќе почнат да те откачуваат ако фатиш да ги труеш со политика. Ова пак создава проблем и кога си офлајн.

Едно човекот не сака премногу да се слика кога не мора (освен ако не е за кампања), друго, пола светски лидери му се лути или не се во добри односи со него. Ништо од ова не ја олеснува работата.

Фелата во себе е поделена на две страни кои заработуваат од овој бизнис - терористи и пирати кои киднапираат луѓе, и експерти за менаџмент на ризик и преговарачи кои се обидуваат овие луѓе да ги вратат живи. Жртвите им плаќаат на двете страни.

Корисниците на Виндоус и Мекинтош се конкретни околу порното и бараат по име и презиме. За разлика од нив, Линукс корисниците повеќе одбираат порно по категорија. На крај, сепак сите ја сакаат Лиса Ан.

Темата ја разговараат научници и режисери, едните врз основа на макотрпни експерименти и анализи, другите врз основа на интуиција и искуство. Примерот им е сцената со формула од Ајронмен 2.

Иако насловот е подготвен за распалување со некоја тирада на тема новинарство и како не сме среќни од него, сепак се работи за многу покорпоративна тема - на новинари во редакција им пуштаат звуци од стара машина за пишување за подобро да работат.

За разлика од Фоли кој беше убиен откако ИСИС побара откуп од 100 милиони евра, викендов е ослободен Питер Куртис, кој пред 2 години беше киднапиран во Турција. За Куртис не беше платена ни пара.

Харолд Хам е 13-то дете во сиромашно земјоделско семејство. Неполни 70 години подоцна тој денес поседува повеќе нафта од кој било човек на светов (што не е крал или диктатор). Проценет е на 17 милијарди долари, сума која инстантно ќе се намали ако работите излезат по ќеиф на сопругата која од лани сака да го разведе.

Прво во март им се случи мистеријата со летот МХ370, која се уште не е разрешена, за минатиот месец летот МХ17 да настрада во украинско-рускиот судир. Сега компанијата не може да натера човек да и влезе во авион.

Весникот вчера објавува профил за 18-годишниот Мајкл Браун. Обидувајќи се да направи понијансирана слика за него, Тајмс успева само да го навлече гневот на сите, откако опишува дека момчето "не било ангел," формулација што низ историјата ја имаат неколку пати искористено. На пример за Ромел.

Се базира на предизвикот за АЛС, ама наместо мраз се користат руини и крш (по можност) од бомбардирана куќа на Палестинци, а целта е да се собере поддршка за Газа.

Микрософт кон американската влада има сличен однос како другар што ти должи пари и секој пат кога ќе налетате еден на друг те поздравува, те гушка, и не ти ги ни спомнува парите, ама прашува како сте по дома. Само што во ова другарство Микрософт должи околу 30 милијарди долари.

Не можејќи да поверува во тоа што го видел во живо, ирачки водител се расплакува сред емисија, велејќи: "Нашата држава е роза, а нејзините латици се христијаните, Арапите, Курдите, Сабијаните, Шабак народот..."

Кога би ја прескокнале нечовечката заљубеност во уништување се' што не е нивно или не е по нивно, еве како би изгледал ревизорскиот извештај на групата.

Дебатата околу испраќање деца и тинејџерки на избори за Мис ќе ја оставиме за луѓе со подлабоки познавања од родителска психологија и остварување сопствени амбиции преку детето, сега би ја започнале дебатата за давање пантличара на ќерка ти за да ослабе.

Преку глава од тоа што локални (норвешки) и меѓународни (пред се ИСИС) радикали доминираат на тема Ислам, регуларните муслимани од Норвешка подготвуваат демонстрации против екстремизмот - и нам ни е страв, како и вам.

Под претпоставка дека цената за интернет без банери би била пониска од претплатата за кабелска телевизија, од 1.400 испитаници речиси нула се подготвени да платат за тоа. Прашањето е поставено во Британија, не тука.

Гневен на уште еден до бога глуп испад на Баптистичката црква на Вестбороу (сектата најави протести на погребот на Робин Вилијамс), австралиски тв водител и понуди на црквата бесплатен превоз и сместување во Ирак, за таму да го бранат христијанството и да им протестираат на ИСИС. Овие изгледа прифатија.

Официјално ова е една од најтешките суши во историјата на Калифорнија, заради што властите мораат да црпат вода од вештачките езера со кои ја покриваат дневната потрошувачка (луѓе, индустрија земјоделие). Сликите за споредба се направени во 2011-та.

На 12. август родителите на Џејмс Фоли добиваат меил од ИСИС, во кој групата најавува дека тој ќе биде егзекутиран. Последен пат тие биле контактирани од ИСИС во ноември минатата година, кога за Фоли бил побаран откуп од 100 милиони евра. Глобал Пост го објавува целиот меил со дозвола од родителите, верувајќи дека "тој дава увид во мотивацијата и тактиките на Исламската држава."

Проблемите со пари создаваат проблеми во планирањето на време за вежбање и здрави оброци. Овој проблем се решава со неефикасни стратегии за слабеење, кои на крај не решаваат ништо.