Дивеењето за време на викенд може да збрише цела недела вежбање. Еве неколку финти, со помош на кои ќе можете да забавувате како рок ѕвезда, а да се чувствувате здраво во понеделник.

Цели 107 часа Португалија имаше нула емисии на штетни гасови, откако целата побарувачка за електрична енергија во овие 4 и нешто дена ја покри од обновливи извори: ветер, сонце и вода.

Реакцијата на Сноуден се однесува на вчерашната вест дека ЦИА по грешка го уништила единствениот примерок од деталниот извештајот на Сенатот од 6.700 страни за "напредните" техники за испрашување.

Сите членови на Рејџ Агенст Д Машин освен Зак де ла Роча, плус Чак Ди од Паблик Енеми и Би-Риал од Сајпрес Хил, се собираат и формираат нова супергрупа.

По цели 25 години од завршувањето на Студената војна, германската армија ќе ги проширува своите вооружени сили. Бегалците, Сирија, Украина... си повлеквит.

75-годишниот адвокат Мишел Темер е новиот претседател на Бразил. Кратката рецензија на неговиот нов кабинет е: првиот избор за министер за наука му беше креационист, а за министер за земјоделие избра земјоделски тајкун кој до сега е одговорен за дефорестација на огромни парчиња од Амазон. По пат, Темер е првиот претседател во изминатите децении што нема жени во својот кабинет.

Тазе венчана двојка од Кина ја минале нивната прва брачна ноќ препишувајќи го уставот на нивната држава. Word count: 17.000 зборови. Цел: да ја помогнат националната кампања за подигнување на свеста за вредностите на кинескиот систем. 

Новата граница на климатски ужас со кој треба да живееме (барем до крај на месецов) е дека годинешниов април не само што беше најтоплиот април во последните 137 години, туку тој беше и 12-от последователен месец што го постави овој рекорд.

Американците сакаат да се лидери во многу работи, особено во големите прашања какви што се енергетските проблеми на оваа планета. Па сепак, тие како 5% од светското население трошат 20% од глобалните енерго ресурси. Политичката цена на тоа в лице да им се каже дека треба да олабават е висока. Прашајте го Џими Картер.

Додека другите мереа гласови, гео-стратешки поделби и кој на кого му е брат по Евровизија, Порнхаб за време на финалето 61-та Евровизија мереше кој колку го посетувал нивниот сајт.

Холандија сместува бегалци од сириската криза во своите затвори. Но, кочете малку со тој цинизам на прва топка.

Заради потребата од финансиска диета и желбата да се врати на својот стар карактер, Би Би Си реши да го ослаби веб сајтот. Меѓу другото, од таму ќе бидат тргнати 11.000 бесплатни онлајн рецепти за храна.

Македонската политичка криза го роди Пржино, украинската го изнедри договорот од Минск. Практично и двата договора се во колапс но таму се 'понапред' од нас па веќе звецкаат со оружје.

Унијата ќе заработи два пати повеќе пари од бегалците отколку што ќе потроши на нив, односно моментално растечкиот јавен долг ќе биде надоместен со уште поголем раст на БДП-то, покажа веројатно првата суштинска анализа на темата.

Додека кај нас е заглавен во фолдерот Боросани, последниве години Борово на Запад се претвори во еден најголемите хипстерски брендови препознатлив по дизајнот со еднорози.

Талентот е само 10% од успехот. Сè останато е кирија, струја, брашно, шеќер, зејтин.... -од омотот на плочата на групата Булдожер.

Тоа што директорите на финската компанија Суперсел, авторите на Клеш оф Кланс, одлучуваат да покажат највисокото ниво на корпоративна благодарност кон државата и наместо да бегаат по офшор адреси да платат данок во Финска, ги зголеми финските приходи од данок на капитална добивка за една петина.

Речиси половина од населението во 8 големи ЕУ земји сакаат и кај нив да се одржи референдум за останување или заминување од Унијата, онаков каков што Британците ќе имаат наредниот месец.

По една поразлична методологија за мерење планини од стандардизираната, врвот Чимборазо во Еквадор е највисокиот врв на светот, а не Еверест.

Комплетно збунет од "психологијата зад трендот" бербер од Британија започна постапка за воведување данок на секој што носи брада.

Кинезите се најголемиот странски купувач на американски недвижнини. Во последните 5 години во тој сектор вбризгале 110 милијарди долари а во наредните 5, таа цифра ќе ја дуплираат.

Идејата дека ќе го решите проблемот со тоа што ќе ги вратите бегалците кои ќе ви дојдат на граница никогаш нема да успее, затоа што не е така едноставно, порачува високиот комесар на УНХЦР.

Дневно во САД во просек умираат 13 луѓе од повреди здобиени на работа. Во рок од 8 часа секој од овие случаи мора да биде пријавена до Департманот за труд. Според нив, во изминатите 40 години над 14.000 работници годишно загинуваат на работно место.

Со карактеристично Дата ниво на социјална интелигенција, германската влада ја пушти веб страната со технички упатства за дојденците од Блискиот исток за тоа што е дозволено, а што не во сексот во германската култура.