Една ретка заедничка особина на диетите што ги познаваме (значи, сме читале за нив и сме си се излажале дека некогаш ќе ги пробаме) е дека кај сите се исклучени сирењата, кашкавалите, кајмаците и слични млечни оргазми. Е, па, драгичка. 

Раскинување со Нексус и нов Гугл телефон под брендот Пиксел (и ќе има 3,5 милиметарски влез за слушалки), конечно унапредена и надградена верзија на Хромкаст и Гугл Асистент кој во рецензиите е претставен како паметна верзија на Сири, се дел од работите од годинешниот Гугл настан.

И покрај непроценливиот ПР кој со правеше дизниевиот Џери, не успеавме да ги засакаме. Нема некој кој повеќе ги потепал од нас, а и ние кумулативно немаме загинато повеќе од друг цицач. Се проценува дека се ближи крај на милениумската војна и војната ние ја добиваме. Но, оваа проценка е направена од луѓе. Втората страна се нема изјаснето. 

Боинг е компанијата која му помогна на САД да го победи Советскиот Сојуз во испраќање човек на Месечината. И покрај неколкудецениската предност Боинг моментално каска зад Спејсикс на Елон Маск во истражувањето на вселената.

Сето она што до сега беше фикс во држењето диети, јади месо и салата и ич да не му ја мислиш, излезе дека е сосема погрешно, требало да се јадат јаглехидрати.

Постигнувањето спогодбата со американската влада за исплата на казна од 14 милијарди долари за учеството во хипотекарната криза, ја симна вредноста на акциите на Дојче банк на историски ниско ниво.

Референдумот требаше, и сите очекуваа, глатко да стави крај на 52 годишната војна меѓу колумбиската влада и Револуционерните вооружени сили на Колумбија. Првите ќе добиеа мир и контрола на целата земја, најголемиот дел од вторите ќе добиеа помилување.

Излегувањето на државата од медиумите во Србија требаше, според новинарските надежи и предвидувања, конечно да осигури предуслови за развивање на квалитетно новинарство и одржливи медиуми. Но наивната верба во пазарната меритократија, по којзнае кој пат, се насука на гребенот на капиталистичката реалност, пишува Саша Драгољо за Билтен.

Во 1930 Кејнс предвидува дека до крајот на векот технологијата ќе биде доволно напредна за земји како САД и Велика Британија да можат да си дозволат 15-часовна работна недела. Иако технолошки сме сосема способни да го направиме ова, сепак предвидувањето на Кејнс не се остварува.

Со оглед на тоа за каква земја се работи, импозантна е бројката од 14.500 жени кои ја потпишаа петицијата државата да ги олабави од мажите и од нивната задолжителна присутност во женскиот живот.

Британец во јули започна проект за собирање пари под работно име #BrexitJustice чија цел беа 100.000 фунти за финансирање на адвокатски тим кој ќе поднесе тужби против сите политичари кои во кампањата за одделување од ЕУ лажеа околу брегзит. Човекот собра 145.000 фунти.

На Виктор Орбан не му пречат ни кога се од истокот ни кога се муслимани. Му пречат кога немаат пари. За тие што имаат, Унгарија е прилично великодушна.

Вдовицата на Робин Вилијамс, кој си го одзема животот во 2014, детално ја раскажува одисејата низ која таа и нејзиниот сопруг поминале при крајот на неговиот живот. Нејзината цел - да им порача на докторите да не се откажуваат од потрага по причината за неговата болест. и по можниот лек.

И покрај тоа што од уредник на еден од најеминентните магазини во 30-те години, е опишан како "полу-нормален бељаџија," "патетичен ќутук," "будала" и "галамџија", Адолф Хитлер успева да дојде на власт во "земјата на Гете и Бетовен." Прашањето е што убедило милиони Германци да го прифатат Хитлер и неговата доктрина базирана на омраза.

Иако звучи како виц, во 1958 тогашниот господар на Кина, Мао Це Тунг, заклучувајќи дека на земјата не и требаат штетници, нареди убивање на сите врапци по основа дека јадат премногу житарки и со тоа го попречуваат економскиот развој на Народна република Кина.

Амстердамските ченгии покренаа бордел кои самите ќе го управуваат и менаџираат. Ваквото ОЗТ е помогнато од градската управа и една од најголемите холандски банки.

Повеќето пати не доаѓал на родителските средби кај своите деца, а кога дошол на една, посакал селфи со класната. Утредента добил меил од школото.

Амазон.ком е регистриран ноември 1994, а следната година компанијата добива инвестиција од 1 милион долари за подобрување на бизнисот. Во тоа време Безос има две предвидувања за до 2000-та, ако работите одат умерено добро треба да има продажба од 74 милиони долари, ако работите одат екстремно добро ќе имаат продажба од 144 милиони долари. До 2000-та имаат продажба од 1,6 милијарди долари.

На локални избори во Германија на повеќе места крајната десница ја победува Меркел. Во САД, Трамп е изборот на републиканците. Британија го избра брегзит. Италијанците за градоначалници на Рим и Торино избираат членови на партијата предводена од комичар. Следната година Французите најверојатно ќе ја истуркаат Ле Пен во втор круг на претседателски избори. Сумирано секоја западна сила од Г8 е на чекор од збогување со своите традиционални елити.

На секој иборен циклус, кога ќе забревтаат изборните машинерии а страстите ќе почнат да вријат, нормален човек добива чувство дека се допира дното и дека "никогаш вака на било". А било. Не е од вчера констатацијата дека политиката е иста како правењето кобасици.

Зукерберг неодамна даде збор дека редовно ќе апдејтува околу најнапредните технологии што Фејсбук ги користи низ светот. Почна со фотографии од дата-центарот во шведскиот град Лулеа, на самата граница до арктичкиот круг, со површина од 27.000 метри квадратни.

Велес можеби го заборави ама Индија не. Таму Тито со децении е едно од најпопуларните странски имиња кои им се даваат на деца. "Свесен сум за Титовата големина, се надевам дека еден ден ќе бидам достоен на името кое го носам", вели музичарот Тито Гуха.

Кој знаел што и кога, се прашањата кои и два месеца по задушениот пуч никако да бидат одговорени, пишува Ајдин Енгин во текстот за Џумхуриет.

Првиот човек на Лигата на социјал демократи на Војводина, Ненад Чанак повикува жителите на покраината да се изјаснат на референдумското прашање "Дали граѓаните ја прифаќаат срамната одлука на Уставниот суд на Србија за укинување на статутот на Војводина и дека Нови Сад не може да биде наш главен град."