Кога Англија и британската империја беа силни и самоуверени, глупо и непотребно било да се мафта со знамиња кои ja симболизираат културата, идентитетот и суверенитетот. Но луѓето таму чувствуваат дека тие работи сега се под закана. „Бевме сигурни кои сме и што сме и немаше потреба да се виткаме во знамиња“. Со масовната миграција што му се случува на островот, веќе не се сигурни дека тоа е истата Англија.   

Кон крајот на 50-тите години од минатиот век, кинески научник визионер замислувал дека еден ден ќе има ветерници за производство на електрична енергија кои ќе лебдат во воздухот. Денешните истражувачи од неговата земја се на пат тоа да го претворат во реалност - лебдечки ветерници кои ќе бидат незаменливи во оддалечени подрачја или онаму каде што се случила некоја голема несреќа.   

Само 54% ​​од Американците на возраст легална за пиење алкохол денес консумираат алкохол, покажува скорешна анкета на Галуп, што е најнизок процент откако ваква анкета почна да се прави во 1939 година. Дури и оние кои пијат, пијат помалку, за речиси половина. Решение за паднатите приходи производителите гледаат во безалкохолните пива. 

Сигурно сте забележале дека во последната година Државна лотарија општествената одговорност ја потврдува како срцевина на своето дејствување.  

Дури и животните што знаат да прибегнат кон консумирање измет - свињи, слонови, тапири, вепри - го прават тоа за некаква хранлива вредност во ексремно тешки околности. Спротивно на тоа, луѓето се чини дека се среќни да консумираат интелектуален отпад без никаква корист. Детоксицирајте се. Во заглупен свет, најбунтовно е да размислуваш.

 Нема па нема па по интернет ќе се појави некој бомбастичен наслов за чудесно откритие поврзано со лечење рак. Те нешто во јогуртот ги убива канцерогените клетки, те истото го прави супстанца од магарешки трн. Таквата вест разбирливо ќе предизвика огромна надеж но години ќе поминат и нема ништо да излезе од тоа. На дифолтно сомничавите им е најлесно тоа да го објаснат: фарма- мафијата не дозволува лекот да види бела виделина. А не (секогаш) е така. 

30 години од нивните први два албума и после 16 години во кои браќата Лијам и Ноел не само што не сакаа да се видат туку и си порачуваа дека ќе си ги ископаат очите ако се сретнат, Оезис се повторно на - спектакуларна - турнеја.  Од Сао Паоло до Сиднеј. Најјако секогаш е на домашен терен. Ако Клеш требаше да се гледаат во некој андеграунд клуб а Том Веитс на шанк во некој ноќен клуб, Оезис се баш за на стадион. Таа енергија и дрскост не ја собира на помало место. 

Израелското уништување на Газа не е само етничко чистење. Тоа е бришење на еден народ, една култура и една историја, што ги разоткрива лагите за оправдување на израелската држава. Израел зборува за окупирање. Ова е трик. Газа не треба да биде окупирана. Треба да биде уништена. Избришана од лицето на земјата. Нема да остане ништо освен тони шут што макотрпно ќе бидат однесени.

Властите на јапонскиот град Тојоаке ги повикаа сите корисници на смартфони да го ограничат на два часа времето што го поминуваат пред ептен малите екрани, откако ќе им завршат секојдневните работни обврски или наставата за учениците. Мерката не е обврзувачка и не се предвидени казни за прекршителите. Младите Јапонци реагираат дека денес тоа е невозможно да се спроведе.

Ленгли со децении управувал со широка мрежа од тајни веб-страници - навидум безопасни блогови и новински портали, а всушност терминали за информатори. Со 885 страници шпионирал и непријатели и сојузници. Многу од овие страници биле откриени. Владата на САД денес за оваа цел спонзорира илјадници новинари ширум светот и строго ги контролира содржините на Фејсбук и Гугл.

Џефри Епстин не водел таен список со клиенти што ги вовлекол во својата мрежа за детска проституција, тврди неговата долгогодишна партнерка во сведочењето од затвор пред јавен обвинител. Гислејн Максвел е убедена дека Епстин не се самоубил во својата затворска ќелија. Поучена од своето искуство зад решетки, објаснува: „Таму може да те скинат за 25 долари“.

Поранешен припадник на специјалните сили САС ќе биде првиот австралиски војник на кој ќе му се суди за воено злосторство извршено додека служел во Авганистан. Оливер Шулц е обвинет дека во 2012 година намерно застрелал невооружен земјоделец на нива. Убиството тогаш било оправдано како „легално“, но видео-снимка потврдува дека убиениот маж не претставувал опасност.

Руските власти наредија на сите мобилни телефони низ земјата да биде исталирана апликацијата за пораки Макс, поддржана и одобрена од државата. Во исто време ги исфрла странските сервиси и домашниот Телеграм. Критичарите протестираат дека Кремљ ја копира политиката на кинеските власти за да го прошири дигиталниот надзор на граѓаните и да ја засили контролата врз нивните активности. 

Владимир Путин бара Украина да се откаже од целиот регион Донбас, од амбициите за влез во НАТО, да остане неутрална и да не стапнат западни трупи во земјата, изјавиле за Ројтерс три извори запознаени со ставовите на Кремљ. Отстапката што Путин ја прифатил на средбата со Трамп било откажување од териториите на Херсон и Запорожје што сега не се под руска окупација.

Меѓународното тело на ОН одговорно за надгледување на ситуацијата во светот официјално прогласи глад во Газа. Од два милиони жители, гладуваат половина милион. ИПЦ предупреди дека ситуацијата уште повеќе ќе се влоши ако Израел ја спроведе најавената операција за окупирање на градот Газа, што ќе значи прогон на уште 1 милиони жители и изгладнување на уште стотина илјади. 

Администрацијата на Трамп продолжува да игра пресинг со имиграцијата. Првично се фокусираше на нелегалната, но сега се проширува и на легалната миграција, оние кои се таму со туристичка, работна или студентска виза. Ги има вкупно 55 милиони и сите нивни случаи ќе бидат прочешлани, вклучувајќи и тоа што објавуваат и споделуваат по социјални мрежи. 

Озлогласен германски неонацист ги искористи законските дупки за да може да отслужи казна во женски затвор. Екстремистот што ги нарекуваше трансџендерите „паразити на општеството“, пред судот се претстави како жена, со лакирани нокти, накит и со нападен кармин под густите мустаќи „до грло“. Не му требало операција, едноставно пополнил формулар за промена на името. 

Шест години по повлекувањето од функцијата претседател на Европската комисија, Жан-Клод Јункер сè уште се среќава со лобисти и странски дипломати во седиштето на ЕК. Десетици гости го посетиле за да го искористат неговото влијание кај наследничката. Јункер вели дека е „имун“ на лобирања, но мора да му се верува на „чесен збор“. Нема никакви записи што разговара со гостите.

Само три месеци пред да биде домаќин на глобалниот самит за климата КОП-30 среде Амазонија, Бразил го суспендираше еден од клучните договори што ги заштитуваше дождовните шуми. Попушти пред моќното земјоделско лоби и дозволи да се одгледува соја на површина колку Португалија. Толку од Лула да Силва, која дојде на власт со ветување дека ќе ги спаси амазонските шуми.

Со години слушаме дека топењето на глечерите на Гренлад води кон апокалиптично сценарио – кревање на нивото на морето и катастрофални поплави. Ново истражување поддржано од НАСА и МИТ укажува дека топењето всушност е благослов за морскиот живот и за планетата воопшто. Мешањето на водите природно ги ѓубри океаните, ослободува повеќе кислород и цица ЦО2.

Свежите работни сили на САД, млади а возрасни лица, со бебешки чекори влегуваат во корпоративниот свет на Америка. А штом чекорите се бебешки, тука се мама и тато да ги фатат ако паднат. Неверојатни 77 проценти од Генерацијата З признале дека, за да им го држат стравот, носеле родител на интервју за работа. А тоа не е сè што прават хеликоптер родителите.

Австриски граѓански и секуларен суд во контроверзна одлука пресуди дека исламскиот шеријатски закон може да се примени во арбитражни спорови во земјата, под услов сите страни во договорот да се согласат со тоа. Тажен ден за секуларната уставна држава, коментираше опозициски пратеник. Европскиот суд за човекови права во 2003 година пресуди дека шеријатот е забранет во Европа.

Со типично американскиот збор џеримандеринг Американците го нарекуваат прекројувањето на изборните мапи на окружно и државно ниво на начин што би ѝ дале некој конгресмен плус на партијата што има мнозинство. Републиканците во Тексас го направија првиот чекор спроти парцијалните избори во 2026 година. Демократите возвраќаат со прекројување во Калифорнија.

Садик Кан не ги премолчи критиките од Доналд Трамп за муслиманите и разновидноста на  Лондон. Градоначалникот смета дека претседателот на САД „не е сила на доброто“, бидејќи со своите изјави ги радикализира луѓето. Верува дека тоа го прави ненамерно и го предупредува дека како најмоќен човек во светот треба да знае дека сè што ќе каже носи сериозни последици во заедниците.