Водејќи се по социјалните мрежи САД е поделен на два кампа, еден речиси исклучиво бел и машки, и еден млад, најверојатно женски, доминантно црн, кафеав или азијски, и овие два кампа не се согласуваат речиси околу ништо. Водејќи се по реалноста најголемиот дел од Американците не припаѓа во ниту еден од овие кампови и имаат далеку повеќе работи околу кои се согласуваат отколку што тоа изгледа - на пример, аверзија кон културата на политичка коректност.

Ирачката влада прибегнала кон онаа ПР финта кога се сака да се долови впечаток на инклузивност, непартијност, мериторност, отвореност на каналите за вертикална промоција итн: објавила јавен конкурс за министри. Едвај ги преброиле апликантите. 

Новинарска истрага во Либерија открива дека во тамошно училиште раководено од американска НВО со години се случува систематско силување на девојчиња.

Тоа што речиси 50-годишниот претседател на САД имал врска со 22-годишна приправничка во Белата куќа не е злоупотреба на моќ, барем не според жената која во тоа време беше Прва дама на САД.

Како што во САД веќе преминува во навика да се бара рушење на воспоставени институции кога тие одеднаш не се по мерак на големи групи луѓе кои споделуваат заедничко чувство на непогрешива правичност (пример изборниот колеџ), така дел од американската јавност, онаа навредената од изборот на Брет Кавано за Врховен судија, почна да ја преиспитува потребата од постоење на Врховен суд.

Затоа што статусот на кој било обид за ограничување на правото на поседување оружје во САД е безнадежен, дел од училиштата во обидите да спречат училишни масакри тргнаа по друг пат: опремување со најразлична анти-масакр опрема, и тоа повторно потпомогнати од лобито на индустријата за оружје.

Откако ќе ја изберат, или добијат, метата, само е прашање колку ќе бидат упорни припадниците на ГРУ за да ја хакнат својата жртва која, како што покажа неодамнешниот случај во Холандија, сама нема нешто многу што може да направи околу тоа.

Тазе осоколена од официјалниот (иако не и вистински) крај на финансискиот „пакет за спас“ на земјата, и апсурдно лесни победи во однос на околниот ситнеж, на Грција почна да и станува тешко да ги заузда своите амбиции дури и кога е во прашање Германија, дури и кога се во прашање работи што веќе се затворени со секаков можен тип на договори.

Четири години пред да го издаде својот прв епохалеn албум, Дејвид Боу пробува со свој бенд да се пробие на талент шоу на BBC за да се чуе негова песна на радио. Судиите го масакрираат.

Околу 160.000 луѓе излегоа на демонстрации низ Франција на повик на тамошните синдикати против реформите што Макрон се обидува да ги воведе во социјалната заштита и правата на работниците.

За феноменот наречен „manspreading“ пишувавме уште во 2015 година, кога едни машки краци во метро невкусно го повредуваа приватниот простор на оскаровката Хелен Мирен. Но, тоа беа наивни цивилни времиња. Сега таков случај, ако го објават Руси, автоматски се означува како инсценирана пропаганда од Кремљ, за да се тензијаши по интернет.

Со месеци ќутенката играле за еден баг кој го откриле во незгодно време, кога заради Кембриџ аналитика, Фејсбук и другите социјални мрежи беа под силна критика колку и како ги чуваат нашите податоци.

Кога ќе чуеш дека главниот на Интерпол, организацијата задолжена за пронаоѓање луѓе, исчезнал и со денови никаде го нема прво ти доаѓа да провериш веста да не е кромид. Потоа следува соопштение од кинеските власи па работите почнуваат да се разбиструваат.

1.700 луѓе се мртви, 70.000 се раселени и живеат со ограничени резерви вода, и покрај тоа веројатно ова е прв пат што слушате за цунамито кое минатата недела ја погоди Индонезија.

Бугарката Викторија Маринова чие тело беше најдено во парк во Русе е трет новинар од земја членка на ЕУ кој последниве 12 месеци е убиен додека истражувал корупција во ЕУ и проневера на ЕУ фондови.

Системот е апгрејд на С-300, и без пропуст доаѓа со даунгрејд на односите со САД и НАТО и закани од санкции или влошени односи со комшиите. Сред ваква констелација Русите имаат редица од сериозни клиенти за системот.

Додека мексиканските војници и полиција секојдневно гинат по улици во крвавите пресметки со нарко-картелите, министерот за одбрана ја нафрли идејата дека со легализација на опиумот можеи би се ставил крај на повеќедецениските крвопролевања.

Тензиите меѓу Полска и Германија моментално се на неизбежното „должите уште пари од војната“ ниво.

Еден хотел ја повлече рекламата за себе објавена во еден викенд магазин откако пуританскитте крстоносци на Твитер и другите мрежи се воспалија и ја прогласија за сексистичка.

Се работи за луѓе кои се дојдени во Европа повеќе години пред бранот мигранти од 2015, и кои цело ова време работат, живеат и трошат во Европа, а притоа ниту една влада ги нема ни заведено, ни знае дека постојат.

40-годишниот претседател на Франција кој досегашниот дел од мандатот го мина во жалење те од Трамп, те од Русите, те од Марин Ле Пен, те од сè што не му е по мерак, на пензионерите на својата земја им порача малку да се стегнат и да престанат да кенкаат за тривијални работи како кратење на пензијата.

Рускиот заменик јавен обвинител Саак Карапетјан загина откако неговиот хеликоптер се срушил во шума на северо-исток од Москва. Карапетјан се смета за човекот со кого директно соработува Наталија Веселницкаја, руската адвокатка што во 2016 се сретна со луѓето од штабот на Трамп.

Во онаа титова Југославија, битанги кои одеа да се тепаат на фудбалски натпревари, знаеа под јакна да облечат маица со Тито на грбот. Па ако заигра пендрек, набрзина се соблекува јакната, се понудува грбот со Тито на него и на џандарот му се вика: „Ќе дигнеш ли рака на него?“ Со слчична надеж во Маркс се некои кинески студенти.

Во речиси исто време кога комплетна американска јавност (и вакви и такви) беше залепена пред каков екран и да им е достапен и го гледаше сослушувањето на кандидатот на Трамп за Врховен судија, Брет Кавано, во американскиот претставнички дома беа изгласани даночни олеснувања за најбогатите Американци во износ од 3100 милијарди долари.