Во јули 2018 едно трагично 2-минутно видео станува вирално. Африка, група војници по тоа пустелијата спроведуваат две жени и две дечиња, им ги врзуваат очите, ги клекнуваат и ладнокрвно ги убиваат, пукајќи во нив 22 пати! BBC Африка решава да дознае што може да се дознае од едно таквo видео. И дознаваат ама баш сè, вклучително и деталот дека ѕверството е направено со српска Застава М21 која ја користи камерунската војска.

5-те најголеми технолошки компании во САД, Гугл, Амазон, Епл, Микрософт и Фејсбук, на кои до сега вие им бевте еден од главните производи што го продаваа, изминатава година заедно потрошија 80 милијарди долари на физички имот, вклучително машинерија и алат, во својата трансформација во класични индустриски гиганти.

Првпат во последните четири години, цената на на нафтата на светската берза дојде на ниво од 82 долари за барел. До крајот на годината би можела да оди и преку 90. Ако дојде до фамозните 100 долари, нè чека реприза од 2008-ма. 

Кога инсистираш дека месната и млечната индустрија ја уништуваат Земјата, не можеш да прескокнеш дека идентично штетни се и полињата соја и пченица.

Годинешнава продолжена дружба со комарците која се должеше на ретко забележаната некадарност на новиот кмет на градот и поставата околу него е на добар пат повеќе да не се повтори, и не заради претходно споменатите туку затоа што сериозно спремни и кадарни луѓе се решени комплетно да ги елиминираат комарците.

После 10 годишно членство во Северноатлантската алијанса, Албанија успева да привлече само една десетина од директните странски инвестиции кои доааѓат во регионот. Помалку и од Босна и Херцеговина а неспоредливо со Србија која голта дури 55% од сите пари кои доаѓаат на западен Балкан. Проблемот со високата стапка на луѓе кои ја напуштаат Албанија, башка.

Венецуела веќе не е експрес лонец, туку темпирана бомба која секој момент може да експлодира, проценуваат познавачите. Сè заради некомпемптетното самоволие и лесно ветената галантност на нивниот број еден.

Новооткриени писма напишани од Галилеј го покажуваат обидот на научникот да ја откачи инквизицијата или ако ништо друго барем да ја одоброволи во однос на неговиот случај.

Затоа што кога други држави финансираат проекти во странство тоа се смета за „економска војна“ а кога истото го прави САД, ММФ, Светска банка тоа се „структурни реформи и проекти“, Американците одлучија да основаат агенција која ќе им помага на земји во развој да се ослободат од финансискиот долг кон Кина. Во исто време Кина поседува над 6.000 милијарди од американскиот долг.

Муабетот сите го знаеме (вие со понова година на производство веројатно не) и сите безуспешно сме се обидувале да го оспориме или во немоќ барем да го исмееме, ама телевизорите навистина се радиоактивни или барем биле на времето.

Канадски политичар нагази лошо на предизборно минско поле кога покажа дека нема абер за реалните, секојдневни трошоци на обичниот народ. А бара стегање на каишите.

„Хитлер се враќа“ и „Хитлер е со народот“ се најчестите транспаренти со кои дел од жителите на едно мало перуанско гратче го прославуваат процедуралното расчистување на патот кон вториот градоначалнички мандат на нивниот фаворит. Процедурални забелешки имал Ленин.

Ако на Американец мусе расипе трактор среде нива и среде орање, па дури и да знае што е дефектот и како се поправа, нема да смее да го пипне тракторот додека не мудојде овластено лице да му каже што понатаму.

„Фикцијата ја голта историјата“, вели во еден скорешен текст нобеловецот Марио Варгас Љоса кој зборува за опстанувањето на црните легенди против Шпанците, кои, иако создадени како пропаганда на нивните империјални непријатели, останале да живеат заради неспремноста на шпанската елита да се брани од нив и да ги раскринка.

Странски борци на ИСИС кои ја преживеале војната во Сирија и завршиле како воени заробеници ќе треба да бидат вратени во своите матични држави, затоа што луѓето што ги заробиле не планираат да ги чуваат.

Планот за вадење на основачот на Викиликс од амбасадата во Лондон за време на католичкиот Божиќ во 2017 не е исполнет затоа што се покажал како премногу ризичен, се тврди во веста објавена од Гардијан.

Додека неколкуте дена на Тереза Меј на самитот во Салцбург беа прогласени за дебакл, а по дома во игра се сите можни комбинации околу брегзит, на помалку од 6 месеци од отцепувањето од ЕУ просечниот Британец уште е збунка што точно е тоа брегзит.

По неодамнешното фатално страдање на двајца градежни работници и повторното актуелизирање на српските стандарди за заштита при работа, Александар Вучиќ проба да ја спушти тензијата со податок дека во САД на секои 10 секунди гине по еден перач на прозроци. Од надлежно место брзо му беа пребришани наочарите преку кои гледа податоци.

Парламентарец од италијанска крајно десна партија пред неколку години ја споредува италијанската политичарка Сесил Кјенге, прва црнкиња министер во италијанската влада, со орангутан. Кјенге на него и на неговата партија им порача дека се расисти. Сега истата оваа партија е на власт во Италија, и уште и памтат на Кјенге.

Наспроти тоа што ирскиот е официјален јазик на Републиката и наспроти напорите на власта да го дигнат од мртвите, овој јазик неповратно изумира. Како е можно едни од светски најпознатите фетишисти во врска со својот идентитет денес раштркани по светот да ги обединува друг јазик, англискиот?

Во 2013, Шпигел ја опишува работата во Фолксваген како „ова е Северна Кореја ама без кампови“, и тоа се однесува на начинот на кој тогашниот ЦЕО Мартин Винтеркорн управува со компанијата, никој не смее да ги критикува неговите одлуки, па дури ни највисоките директори.

Што сè не направија и колумбиските власти и странските служби и меѓународната заедница за да го зауздаат производството на кокаин, па сепак во земјата постојано се рушат рекордите во илегалното производство. Едно време и прскале за да ги уништат плантажите, за потоа да им се каже дека од прсканото луѓето добиваат рак.

Вејрон и Широн на Бугати чинат од 1 до кај 2,5 милиони евра, најновиот модел Диво имаше цена нешто под 5 милиони евра и целото производство беше распродадено за еден ден.

Бугарскиот вице-премиер смета дека не е фер младите масовно да одат на Запад по работа а да ги оставаат своите родители на грбот на Бугарија и на оние кои останале да живеат и работат во неа.