Системот е апгрејд на С-300, и без пропуст доаѓа со даунгрејд на односите со САД и НАТО и закани од санкции или влошени односи со комшиите. Сред ваква констелација Русите имаат редица од сериозни клиенти за системот.

Додека мексиканските војници и полиција секојдневно гинат по улици во крвавите пресметки со нарко-картелите, министерот за одбрана ја нафрли идејата дека со легализација на опиумот можеи би се ставил крај на повеќедецениските крвопролевања.

Тензиите меѓу Полска и Германија моментално се на неизбежното „должите уште пари од војната“ ниво.

Еден хотел ја повлече рекламата за себе објавена во еден викенд магазин откако пуританскитте крстоносци на Твитер и другите мрежи се воспалија и ја прогласија за сексистичка.

Се работи за луѓе кои се дојдени во Европа повеќе години пред бранот мигранти од 2015, и кои цело ова време работат, живеат и трошат во Европа, а притоа ниту една влада ги нема ни заведено, ни знае дека постојат.

40-годишниот претседател на Франција кој досегашниот дел од мандатот го мина во жалење те од Трамп, те од Русите, те од Марин Ле Пен, те од сè што не му е по мерак, на пензионерите на својата земја им порача малку да се стегнат и да престанат да кенкаат за тривијални работи како кратење на пензијата.

Рускиот заменик јавен обвинител Саак Карапетјан загина откако неговиот хеликоптер се срушил во шума на северо-исток од Москва. Карапетјан се смета за човекот со кого директно соработува Наталија Веселницкаја, руската адвокатка што во 2016 се сретна со луѓето од штабот на Трамп.

Во онаа титова Југославија, битанги кои одеа да се тепаат на фудбалски натпревари, знаеа под јакна да облечат маица со Тито на грбот. Па ако заигра пендрек, набрзина се соблекува јакната, се понудува грбот со Тито на него и на џандарот му се вика: „Ќе дигнеш ли рака на него?“ Со слчична надеж во Маркс се некои кинески студенти.

Во речиси исто време кога комплетна американска јавност (и вакви и такви) беше залепена пред каков екран и да им е достапен и го гледаше сослушувањето на кандидатот на Трамп за Врховен судија, Брет Кавано, во американскиот претставнички дома беа изгласани даночни олеснувања за најбогатите Американци во износ од 3100 милијарди долари.

Нешто слично на правилото што кај нас заврши со пуштање македонска музика после 1 часот по полноќ, Европскиот парламент одлучи дека ако Нетфликс и Амазон сакаат да продолжат да работат во ЕУ ќе мора 30% од содржината да им биде европска.

Уличен продавач на сладолед кој живее сред гето во Карачи, дознава дека ни крив ни должен на сметка во банка имал 15,8 милиони евра.

Илјадници фанови на Ѕвезените војни мислат дека со Последниот Џедај, продуцентите и режисерот ја упропастија нивната омилена филмска франшиза. Продуцентите и режисерот? Не бидете наивни.

За време на генералното собрание на ОН, еден Швајцарец го привлече вниманието опуштено седнувајќи на тротоар да одмори нозе. Не е кој било Швајцарец. Претседателот им е.

Целта на Данците е до 2030 да имаат над 1 милиони електрични автомобили на своите патишта, а во исто време ова е крајниот датум до кој во земјата ќе може да се продаваат автомобили со дизел и бензински мотор.

Венеција само што не прскала против туристи, Мадрид воведува посебни правила за ограничување на Ербиенби, Тајланд го затвори островот од „Плажата“, кинеските власти почнаа со апели до своите граѓани да не ја резилат земјата како туристи.

Какво време дојде, ни да умреш веќе не си раат. Докторите сега велат дека и мртов уште некое време живееш, ама свесен дека си од другата страна. Што некому може да му зазвучи и познато.

Човекот што ја извади Британија од ЕУ, па стана министер за надворешни работи на истата обезевропена Британија, пред некое време повторно е ангажиран за колумнист во Дејли Телеграф... за хонорар од 275.000 фунти годишно.

Триумфална и историска беше вчерашната објава на Амазон дека минималната плата на своите работници ја крева на 15 долари на час. По објавата почна и подетално да се разгледува целиот апгрејд на платите.

Едно утро кон крајот на септември Германците се разбудија со нова и несигурна политичка иднина. Ангела Меркел е ранета, можеби и фатално, од бунтот кој се случи онаму каде што најмалку очекуваше - во нејзината Христијанско-демократска партија.

Целата работа ќе почне со пристап до пораки и фотографиите на твојот Андроид преку десктоп / лаптоп, а потоа истото ќе се прошири и на сите Андроид апликации.

Читнете два примера за тоа како и со што паразитите манипулираат со мозокот на својот домаќин. И извлечете од тоа поука. Во врска со себе и социјалните мрежи.

Тоа што брегзит беше консултативен референдум, неговите резултати (исполнет цензус и само 3% разлика меѓу заминување и останување) на ниту момент вистински не ја поколебаа целата британска бирократска машинерија да тргне кон спроведување на крајниот исход, без разлика што тоа значеше отцепување од ЕУ. Сепак на околу 6 месеци пред заминување не се знае како тоа точно ќе изгледа.

Најбогатиот човек на светот реши да отстапи пред притисоците од активисти и од Берни Сандерс и минималната плата во Амазон (што е од посебно значење за вработените во магацините) да ја крене на 15 долари на час.

Во 2003 година Сан Франциско си зададе амбициозен план до 2020-та да стане град со „нула ѓубре“. Како се приближува тој рок, сè појасно станува дека ваквиот план ќе оди во канта.