Националниот авио-превозник и еден од најголемите телеком оператори, Туркиш ерлајнс и Турк телеком, го повлекоа целиот свој буџет за рекламирање во американските медиуми како одговор на кризата што периодов се билда меѓу двата НАТО сојузници.

Кога просечниот Американец комплетно би ја елиминирал солта што ја додава при готвење и јадење дома, тие би намалиле само 11% од вкупниот внес на сол.

За експертите прерано е да се знае што точно го предизвика рушењето на Моранди мостот во северно-западна Италија во кој загинаа најмалку 35 лица, ама имаат приближна претстава како најверојатно катастрофата се има случено.

Трамп потпиша закон со кој на американската влада и на сите компании и изведувачи што работат за владата им е забрането да користат технологија од двете кинески компании. И ова е од чисто безбедносни (шпионски) причини.

Ако мислиш дека Гугл престанал да те следи само затоа што така си му рекол и си исклучил „Location history“ на телефонот има многу да се изненадиш.

Џул е нова налик УСБ стик електронска цигара која достигна неочекувани нивоа на популарност на американскиот пазар, и, заради својот дизајн, изглед и ним разбирливи причини, има посебен успех кај малолетната публика, што е основа за Верџ да направи една ревизија на никотинот како супстанца.

Елон Маск минатата недела објави дека сака да ја тргне Тесла од берзата и да ги откупи акциите што моментално се во оптек. По една недела чудење како се приватизира компанија чија вредност се проценува на 70 милијарди долари, излезе дека Саудијците веќе некое време го контактирале Маск.

Турист прави цела драма на интернет откако за време на посетата на Венеција кафуле му наплаќа околу 50 долари за две еспреса и две газирани води од 0,25.

Потребно е посебно ниво на храброст и крајна игнорантност кон адвокати и тужби за да градиш бренд базиран на лажно Самсунг лого. Сето ова за сега го поседува Шаасуивг.

Во некој погоден дел кон крајот на летото, истрагата за исламофобијата на Борис Џонсон тивко ќе приврши со изјава како тоа неговите пишувања се неразумни и невкусни, меѓутоа дека и покрај тоа тој нема да биде избркан од партијата. Во тој момент, Борис ќе може да ја официјализира својата амбиција за главната позиција на бр. 10.

Првата година од владеењето на Трамп Портокаловиот беше подарок за комичарите, но сега полека почнува да се претвора во клетва.

„Што фина комшика имаме, само Џузепе Верди слуша“, си помислиле соседите во едно словачко маало пред 16 години. Деновиве истата комшика е во притвор затоа што сето тоа време, секој ден им го рокала Верди. По 16 часа на ден.

Научна студија рехабилитира еден од трите бели смртни непријатели на човекот (сол, шеќер, бело брашно). Ич сол исто така е штетно по кардиоваскуларниот систем па - според нас - на сила останува старата добра водилка: да посолиш толку колку што треба за да ти е слатко. 

Кога ќе почнеш со алишта со неброени иксови на нив, наплаќање две седишта во авион и кино-седишта со вонредни димензии, нормално е да завршиш со пазар кој бара поголеми ковчези. Просечниот Американец денес е 6,8 килограми потежок во споредба со пред 20 години, а просечната Американка за истиот период има качено 7,7 килограми.

Зборувајќи за падот на вредноста на лирата во однос на доларот, околу 10% во изминатите 5 дена, Ердоган се повика за финансиска стратегија која ама еднаш на никого никаде му нема помогнато: „ако тие го имаат нивниот долар, ние го имаме нашиот народ, нашата правда и нашиот Алах.“

Белата куќа официјално ја објави својата намера и план за формирање на вселенски сили, како 6-та гранка на американската војска. За почеток ова во пракса прво ќе значи тегнење на предлогот низ Конгрес во следните најмалку две години.

Зборувајќи за мантрата од добата на Обама, Мајкл Мур промовирајќи го својот анти-Трамп документарец ја опиша „hope“ идеологијата на поранешниот американски претседател како „мрзливо решение“.

Основачот на Тесла на Твитер напиша дека би ја тргнал Тесла од берзата откупувајќи го уделот на сите акционери по цена од 420 долари од акција. Не многу математика подоцна, излезе дека Маск за таков подвиг би требало да плати 50 милијарди долари.

Апелирајќи на традиционализмот и патриотизмот на Полјаците, полската црква побара 100 годишнината од независноста на државата да се прослави со 100-дневно апстинирање од алкохол. Голем дел од прозваните (трезвено) реагираат: тешко тоа.

Зукерберг, човекот кој е прилично лабав со сечија туѓа приватност, сопствената ја чува така што ги поседува сите четири куќи околу неговата куќа во Силициумската долина и купува 40 хектари земјиште околу викендицата на Хаваи притоа на сила иселувајќи ги локалците.

На секој државјанин на Австралија по закон му следува портрет од актуелната британска кралица и истиот треба да биде обезбеден на сметка на државата.

Вештачка интелигенција која скенира вести во потрага по превидени јавни личности состави список од 40.000 успешни научници за кои не постои никаков запис на бесплатната енциклопедија.

Пишувајќи дека Владата започна со официјалниот дел од убедувањето на сопствениот народ да го смени името на сопствената држава, Грикрепортер не е ни најмалку воодушевен како сето тоа уште почеток изгледа издишано.

Глобалниот феномен на „Приказната на слугинката“, романот на Маргарет Атвуд и истоимената серија снимена според него, инспирира мноштво политички, идеолошки и дистописки толкувања. Но она што притоа го забораваат оние кои го слават ова дело, особено од феминистички ракурс, е фактот дека главниот лик, оној на слугинката Офред, е аполитичен. Како нејзин пандан нашиве простори можат да понудат многу појаки примери.