Природата го прави она што не успеаја санкциите и воздушните напади. Иран ја преживува шестата година на жестока суша. Проблемот е толкав што претседателот Масуд Пезешкијан најави можна евакуација на мултимилионскиот Техеран ако не заврне дожд до крајот на ноември. Водата ем ја немаат доволно, ем ја губат по пат. На секои три години, Иран губи вода колку едно Охридско езеро.

Судот на правдата пресуди дека сите членки на Европската Унија, дури и оние во кои не е дозволен брак на лица од ист пол, се обврзани да ги почитуваат правата на геј-двојките што склопиле легален брак во друга европска држава. Иако таквите заедници се забранети со Устав, тие мора да бидат регистрирани и мора да им се почитуваат брачните привилегии на двојките.

Според официјални извори во САД, државата влегува во нова фаза во нејзините операции против Николас Мадуро, главната пречка за нивните замисли за оваа земја. Една од мерките е прогласување на Картел де лос Солес за терористичка организација, што им отвора палета нови алатки за притисок. А тоа штотуку го направија. Причини за сето ова? Професорот Џефри Сакс објасни: Просто е.

Европската Унија официјално се откажа од следење и контрола на приватни разговори на интернет, но зад затворени врати изработи нов нацрт во кој на провајдерите им се остава можност „доброволно“ да ги следат четовите на корисниците и секоја сомнителна содржина да ѝ ја пријавуваат на државата. Се очекува амбасадорите на ЕУ утре да го одобрат законот без дискусија.

По инсистирање на украинските преговарачи, Американците го скратиле мировниот план од оригиналните 28 на само 19 точки, кои наводно се прифатливи за Киев. Деветте точки што излегувале надвор од „црвените линии“ на Украинците не се целосно исфрлени, туку се оставени „во загради“. За нив лично ќе преговараат претседателите Трамп и Зеленски.

Емисиите на јаглерод диоксид во атмосферата се зголемуваат со години, но прашање на месеци е кога ќе го достигнат врвот, по кој ќе почне да се намалуваат, покажуваат нови методи на набљудување. Тоа е поради интензивните мерки на Кина, која од најголем загадувач сега стана предводник на глобалните напори за производство на енергија од чисти и обновливи извори.

Католички надбискуп во немилост на Ватикан ја обвини глобалистичка елита дека преку моќните западни влади спроведува сопствената агенда на строга контрола на луѓето, бранејќи ја со цензура, заплашувања и апсења. Наместо борецот за слобода Рајнер Филмих, зад решетки треба да бидат Ентони Фаучи, Џорџ Сорос, Бил Клинтон и Урсула фон дер Лaјен, вели надбискупот Вигано.

Сомалиската заедница во Минесота формира фиктивни добротворни организации за да цица милиони долари социјална помош за луѓе од најранлива категорија. Лажно пријавува луѓе за програмите, а парите ги користи за луксузирање или ги праќа во Сомалија, каде што терористите од Ал Шабаб собираат рекет. Трамп ја прекина заштитата на Сомалијците од депортација.

Вашингтон и Киев за еден ден преговори во Женева ги приближиле ставовите за крај на војната повеќе отколку во изминатите девет месеци. САД прифатиле измени во оригиналниот план од 28 точки, а Украинците се согласиле со основата – да ѝ отстапат територии на Русија и да заборават на НАТО. Европа објави сопствен план, кој е апсолутно неприфатлив за Москва.

Катар наводно вложил повеќе од 20 милијарди долари во американски универзитети и други врвни академски институции како дел од долгорочниот план на Муслиманското братство да се инфилтрира во САД и да ја „уништи“ демократијата одвнатре, предупредува истражувачки институт. Додаваат дека малициозното финансирање можеби е и фрапантно поголемо.

Извештај од Меѓународната агенција за енергија открива дека унгарскиот главен град Будимпешта, во октомври имал најниски цени на електрична енергија во Европската Унија. Истовремено, германскиот главен град Берлин е рангиран како главен град со најскапа цена на струја во Европа. ЕУ не е среќна со овој резултат и се правдаат дека тоа на Орбан е руска енергија.

Економијата и безбедноста на Европската Унија се потпираат на претерана зависност од трговијата и политичките односи со земјите од Третиот свет од времето на глобализацијата, кое полека завршува, предупредува шефицата на Европската централна банка. Ако сака да бележи раст, Брисел мора итно да се прилагоди кон новата глобална реалност на протекционизмот.

Јазичните модели со вештачка интелигенција може лесно и незабележано да ги корумпираат анкетите за јавни мислења. Со ефикасност од 99,8% ги поминуваат проверка и дали на прашањата одговара човек или машина. Може да се злоупотребат за билдање предизборен рејтинг, но и да генерираат лажни податоци на кои потоа се темелат економски или здравствени политики.

Уште пред да биде обелоденет скандалот со пристрасното информирање, ББЦ лани останал покус за половина милијарда фунти, бидејќи незадоволните Британци масовно одбиваат да ја платат задолжителната радио-телевизиска такса. Не помогнало тоа што биле зголемен бројот на извршителите, кои лани 2 милиони пати посетиле домови на неплаќачи. 

Американскиот претседател Доналд Трамп се обидува да ја обнови својата неуспешната граѓанска тужба против Хилари Клинтон, која ја обвинува дека му ја монтирала „руската врска“ за да му ја минира кампањата за изборите во 2016 година. Првичната тужба на Трамп беше одбиена во 2022 година како „несериозна“ и поради тоа беше казнет со 1 милион долари.

Стејт департментот прави драматичен пресврт во извештаите за почитувањата на човековите права низ светот. Амбасадите добиле упатства да посветат поголемо внимание на злоупотребите на правата „дадени од Бога“, со акцент на задушувањето на слободата на изразување. Извештаите опфаќаат 198 земји и служат како основа за судски пресуди во целиот свет.

Ако британските власти реагирале навремено со строги мерки на почетокот на пандемијата на ковид, ќе биле избегнати 23.000 човечки жртви во првиот бран и воопшто ќе немало потреба од понатамошни карантини. Мерките што ги спроведе тогашната влада на Борис Џонсон биле задоцнети и преслаби, се заклучува во темелен извештај на 1.531 страница.

Администрацијата на Трамп им дава на Украина и на Русија „агресивен“ временски рок да го прифатат предлогот од 28 точки, за да заврши војната до крајот на оваа година. Од Зеленски се очекува да го потпише мировниот договор пред Денот на благодарноста – идниот четврток, а од Москва до почетокот на декември, за да заврши војната до крајот на оваа година.

САД планираат да го комплетираат военото повлекување од Европа со предавање на командата врз силите на НАТО. Од сојузниците очекуваат да преземат уште поголема одговорност за сопствената одбрана. Никој офицер од Европа досега не ги командувал силите. За нив е резервирана политичката функција генерален секретар и бирократската – шеф на воениот комитет.

Шпански суд му нареди на технолошкиот гигант Мета да им плати отштета од над половина милијарда евра на дигитални медиуми затоа што настапил како монопол во рекламирањето и ги спречил да остварат профит. Компанијата на Закерберг незаконски преземала лични податоци од корисници на социјалните мрежи и ги користела за персонализирано рекламирање.

Американскиот Центар за контрола и превенција на болести на својата веб-страница објави предупредување дека вакцините може да предизвикаат аутизам. Досегашниот став дека вакцините немаат врска со аутизмот ги прекршувал законските стандарди. За основа било прифатено старо истражување, а новите студии што укажуваат на можна врска биле игнорирани.

Мнозинството млади француски муслимани повеќе го почитуваат шеријатот од законите на Републиката. Помасовно одат во џамии и постат на Рамазан. Мажите помалку пијат алкохол, а девојките почесто си го кријат лицето, покажува нова анкета. Историчари ова го толкуваат како последица на организиран обид на радикални групи да ја исламизираат Франција.

Трамп го искористил своето искуство од трговија со недвижнини во новиот предлог за крај на војната во Украина. Киев би ја задржал контролата врз Донбас, но само на хартија. Во реалноста, би ѝ го изнајмувал на Москва. И едните и другите ќе ги повлечат силите од Донбас. Украина ќе мора да се откаже од половина војска и долгострелното оружје, а безбедноста ќе ѝ ја гарантираат САД.

Богати и угледни Италијанци, претприемачи, адвокати, лекари... плаќале за да убиваат цивили за време на опсадата на Сараево. Заминувале за викенд и се враќале да го продолжат својот нормален живот. Новинарот Ецио Гавацени, кој го отвори случајот 30 години по војната, вели дека некои „викенд-снајперисти“ се живи и се надева дека ќе одговараат за злосторствата.