Против францускиот енергетски гигант Тотал Енерџис е поднесена тужба за соучество во воени злосторства извршени во централата за течен природен гас во Мозамбик пред четири години. Компанијата наводно знаела дека во нејзиниот објект се спроведува масакр на стотици цивили, но не презела ништо за да го спречи и ја продолжила поддршката за злосторниците.

Американските регулатори за храна и лекови по повеќе од 20 години ги укинуваат етикетите со предупредувања за ризик од рак на дојка, кардиоваскуларни заболувања и деменција од производите за хормонска терапија за менопауза. Нови истражувања покажуваат дека системската хормонска терапија со естроген е многу безбедна за повеќето жени.

Во исто време додека Макрон и Зеленски прогласија долгорочно стратегиско воено партнерство и позираа на писта со договорот за продажба на 100 француски борбени авиони на Украина, брод носеше потрошено гориво од француските нуклеарки до Русија, за да го збогати ураниумот. Париз се прикажува како голем противник на Москва, но да се ослободи и од нуклеарниот отпад.

Здравјето и благосостојбата на луѓето низ светот се загрозени од големи корпорации кои агресивно поттикнуваат потрошувачка на ултрапреработена храна за да остварат профит, покажува досега најобемна анализа на стотина научни истражувања. Од владите се бара да не подлегнуваат на притисоците од моќните компании и да ги вратат свежите производи во исхраната.

Ширењето паника околу глобалното затоплување всушност не се базира на реални податоци, тврди Ричард Линдзен, професор по метеорологија на МИТ, кој со децении ја проучувал атмосферската наука. Тој вели дека причините за глобалното затоплување остануваат нејасни за науката, а владините политики за климата повеќе се мотивирани од парите отколку од доказите.

Пред десет години светот со вознемиреност реагираше на строгите мерки на Данска за имигрантите. Тие политики денес стануваат норма во Европа. Влади бараат промена на толкувањата на застарените одредби од Европската конвенција за човекови права од 1953 година. Британија воведува слични правила, за кои се вели дека се најстрогите по Втората светска војна.

Во обид да се спречат зачестените пукања во училишта низ САД, ќе бидат тестирани дронови дизајнирани рано да откриваат напади и итно да интервенираат без употреба на огнено оружје. Летечките патроли ќе се активираат 5 секунди по тревогата. Управувани од пилоти од Тексас ќе дејствуваат со сирени или солзавец за да ја смират ситуацијата пред да интервенира полицијата.

По 232 години, американското пени го дочека својот крај. Државата пред една недела престана да ги кова најситните монети, за чие производство со години свесно трошеше три пати повеќе пари од нивната номинална вредност. Илјадници тони ќе останат скриени во џебови или по дома. Властите немаат интерес да соберат или да ги стопат, ниту побарале заокружување на цените.

Германија пред пет години ја најави големата „водородна револуција“ како основа на идната енергетска независност и симбол на „зелената транзиција“. Според извештај на Федерални ревизори, планот денес изгледа како еден од најскапите промашувања во поновата историја на земјата. Државата вложува милијарди долари за технологија за која не постои пазар.

Британска агенција за надзор на јавното здравје крие клучни податоци што може да ја поврзат вакцината за ковид со зголемување на бројот на смртни случаи. Немала проблем да им ги испрати на фармацевтските компании, но се плаши да ги сподели со граѓаните „за да не создаде отпор против безбедноста на вакцините“. Со вакво образложение создава бес и кај скептиците.

Технолошки милијардери влегуваат во (сè уште) нелегалниот бизнис за декодирање на гени на ембриони за да се раѓаат здрави, совршени бебиња. Децата, една од најсовршените творби на природата, ќе станат „производи од каталог“ со карактеристики по избор на родителите. Лесно ќе може да ги отфрлат ако не им се допаѓаат како бебиња или кога ќе почнат да стануваат свои.

СЗО користи тајни канали за финансирање за да ја пополни огромната дупка во буџетот по повлекувањето на САД. Прима милиони долари од дарежливи донатори, на кои им ја штити анонимноста, а им дозволува да ги врзат парите за специфични проекти. Тоа отвора идеална можност на приватници да ги наметнат своите интереси врз глобалната здравствена политика.

Терористичките групи Исламска држава и Ал каеда го користат хаосот во Сирија за да се вратат на позициите од кои беа протерани. Во исто време ја користат новата технологија за да привлекуваат нови регрути од Британија и да поттикнуваат терористички напади. Бројот на млади Британци заведени од пропагандата во изминатата година се зголемил за една третина.

Соочени со најкатастрофалната суша во изминатите пет децении, Иранците се обидуваат да обезбедат вода за Техеран, кој како знае и умее. Оние блиски до науката прскаат хемикалии во воздухот за да заврне. Верниците се молат по џамиите и тврдат дека сушата е божја казна за „развратот“. Претседателот бара евакуација на милиони луѓе од Техеран. Ама нема каде.

Огромен енергетски скандал ја тресе Украина на прагот на зимата, кога Русите засилено ја гаѓаат инфраструктурата. Се работи за огромни суми што дополнително го урнисува моралот во воениот и во цивилниот сектор на земјата. И сојузниците губат трпение па пробуваат да го освестат Зеленски порачувајќи му: Заради вакви работи ќе ја изгубите војната. 

Од 60-тите години на минатиот век до денес, потрошувачката на леб во Шпанија се има драстично намалено за дури 80% . Зад ваквиот пад стои голема промена во културните и кулинарските вкусови. Кога вашиот основен производ почнува директно да се обвинува за дебелеење, не чуди што четири од десет пекари во Шпанија морале да стават клуч на врата.

Сè што прави Тесла, кинеските конкуренти настојуваат да го направат помасовно, поевтино и пред сè поголемо. Што ли ќе биде кога BYD ќе ја доизгради мегафабриката во Женгжоу, која по површина ќе биде колку центарот на Сан Франциско - седум пати поголема од најголемата на Тесла? Има полигон за дрифтање, тркачка патека и базен за коли што може да се нурнат под вода.

Казната од речиси 3 милијарди евра од Брисел не го уплаши Гугл за да се откаже од контрола на алатките со кои го диктира онлајн-рекламирањето во Европа. За да остане на европскиот пазар, понуди ситни корекции во политиката со кои наводно повеќе нема да биде монопол. Но, веќе е соочен со нова истрага - дека манипулира со видливоста на извештаи што содржат реклами.

Речиси шест години по пандемијата на ковид сè уште не се знае како се проширил вирусот од Вухан. Сенаторот Ренд Пол тврди дека ЦИА со години одржувала контакти со биоинженер близок до кинескиот институт за вирусологија, кој предупредил дека вирусот најверојатно се проширил од лабораторија. ЦИА два пати си го промени ставот за вирусот и ги крие врските со вирусологот.

Новата јапонска премиерка спие по два часа на ден, најмногу четири за ѝ остане повеќе време за работа. Очекува сите во владата да работат „како коњи“. Неодамна ги шокирала најблиските соработници кога им закажала состанок во 3 часот по полноќ. Ете зошто во Јапонија се намалува наталитетот, а се зголемува бројот на смртни случаи од исцрпеност на работните места.

Администрацијата на Трамп ја проширува и во Европа својата војна против глобалната мрежа на Антифа и екстремните левичарски групи. Четири радикални организации во Германија, Италија и во Грција ќе бидат прогласени за странски терористички групи затоа што „со своите брутални напади ги поткопуваат темелите на западната цивилизација“. 

Првиот муслимански градоначалник на Њујорк, во трката не се соочуваше само со обвинувања дека е комуњара, антисемит и некој што ќе воведе шеријатско право, туку против себе ja имаше и моќната кохорта милионери и милијардери од градот кои покажаа ретка класна солидарност истурајќи десетици милиони долари за тој да изгуби. А после, тој победи. 

Откако пропаднаа предупредувањата дека глобалното затоплување ќе ги крене морињата неколку метри и ќе се поплави половина свет, загрижените климатски научници го сменија наративот. Во ново апокалиптично сценарио се предупредува дека главната струја во Атлантикот би можела да колабира до крајот на векот, со што температурите низ Европа ќе паднат за 60 степени. 

Алатките со ВИ нè посомневаа да не веруваме во она што го гледаме со своите очи, но уште помалку можеме да им веруваме на ушите. Дури 97% од илјадници луѓе во глобална студија не препознале дали некоја песна е создадена од човек или е генерирана од машина. Платформата Дизер секој ден добива по 50.000 вештачки песни, а за Спотифај не се знае, зашто не ги обележува.