Алгоритми со вештачка интелигенција помогнале да бидат дизајнирани антибиотици од сосема нова класа, различни од сите досегашни, за борба против супербактерии отпорни на лекови. Нов антибиотик не е откриен половина век. Им дале слобода на машините самите да креираат милиони разни молекули, а потоа им го проверувале дејството против инфекции на отпорните гонореја и MRSA. 

Новата приватна армија на основачот на Блеквотер ќе испрати засилувања од стотици искусни „кучиња на војната“ на Хаити за да се пресмета со моќните банди, на кои војската и полицијата не им може ништо. Цената на ангажманот приватната армија ќе ја наплати со советодавна улога и со целосна контрола на трговијата и собирањето даноци. Истото што сега го прават бандите.

Клинички испитувања потврдиле ефикасност на нова вакцина кај луѓе што страдаат од рак на панкреас и колоректален карцином, кои исклучително тешко се лекуваат поради високи стапки на враќање дури и со години по третманот. Кај 84% од пациентите развила имунитет, а на секој четврти целосно му ги исчистила туморите. Згодно е и тоа што вакцината не мора да се персонализира.

Иако беа критикувани како популистички, мерките што ги спроведе поранешниот претседател Лопез Обрадор придонеле 13,4 милиони луѓе во Мексико да бидат извлечени од сиромаштија за време на неговиот мандат. Тој тројно ја зголеми минималната плата и ја реформира распределбата на социјалната помош за најзагрозените. Проблемот не е решен, зашто секој трет Мексиканец денес е сиромашен.

Тоа што на Албанија со децении не ѝ успеа да го постигне со природната интелигенција – да ја искорени корупцијата, премиерот Рама очекува да го направи со вештачката интелигенција. Вели дека ВИ може да замени министри и премиер. Алатки со ВИ веќе проверуваат јавни набавки и откриваат дивоградби, но искуствата влеваат страв дека новата технологија само подобро ќе ја скрие корупцијата.

Откако не му успеаја дипломатијата и заканите, Трамп решил да го употреби своето омилено оружје – парите, за да го купи мирот во Украина. На Путин утре ќе му понуди укинување на санкции и пристап до украински литиум и други ретки минерали, тврдат извори на Телеграф. Донбас би бил скроен како Западниот Брег – на хартија украински, а фактички под руска контрола. 

Мексико, земја во која царуваат свирепи наркобанди што бесат луѓе по мостови, ги советуваше своите државјани да бидат внимателни кога патуваат во Британија за да не бидат жртви на улични криминалци. Слични тревоги имаат и САД, Австралија, Канада и Франција. Стравот не е случаен. Стапката на украдени телефони во Кралството се зголемила за 425%, а на насилниот криминал за 30%.

Самитот на Доналд Трамп и Владимир Путин во Алјаска веќе е историски чин. Дури ни Реган ни Горбачов немале толку моќ во себе кога договорија крај на глобалната Студена војна. Ако сакаат, никој не може да ги спречи Трамп и Путин во Енкориџ да ја скројат иднината на цела Европа, не само границите на Украина. Важно им е само да добијат нешто што може да го прогласат за „победа“.

По двегодишната непрекината канонада, блокада и масовно изгладнување, Палестинците во Газа се соочени со ново зло. Заразни болести отпорни на антибиотици брзо се шират меѓу 2,3 милиони неухранети луѓе оставени во урнатини и купишта ѓубре, без санитарен систем и пристап до чиста вода. Исцрпените лекари во преполните болници немаат ни каде ни со што да ги лекуваат болните.

Администрацијата на Доналд Трамп ги прилагодува критериумите за човековите права врз основа на економските и политичките односи со земјите низ светот. Во извештаите за сојузниците и за трговските партнери ги брише критиките, а ги заострува за довчерашните први другари. Заклучоците губат секаква смисла кога во извештајот за Израел не е спомнато страдањето во Газа.

Интеракциите на корисниците со ЧетГПТ и другите јазични модели со вештачка интелигенција го достигнало максимумот при крајот на мај, а потоа во јуни нагло се намалиле. Трендот е јасен и се поклопува со завршните испити и крајот на школската година. Ботовите ќе можат да одморат од решавање задачи и пишување есеи додека децата и студентите одмараат од препишување домашни.

Со изговор дека тоа се добротворни донации, богатите си најдоа ѓубриште за нивната стара облека. Планини од носени парталчиња на кои им поминала модата ги задушуваат депониите, ги затнуваат водните патишта и ги загадуваат заедниците низ Африка. Горењето на синтетиката испушта хемиски отрови. Организацијата Гринпис ова го нарекува „колонијализам на отпад“. 

Играта лото не е само игра на среќа – тaа е дел од семејни традиции, лични приказни, но и симболички ритуали преку коишто на датумите од родендените и позначајните семејни настани им даваме дополнителна вредност, впишувајќи ги како среќни броеви што, можеби, ќе ни донесат и добивка. Најчесто комбинациите се состојат од значајни датуми, родендени на најблиските, годишнини, броеви што носат лична и семејна симболика.

Во кратер во Луизијана се откриени нови докази што ја поткрепуваат оспорената хипотеза за исчезнувањето на древна цивилизација, која имала напредни познавања за астрономија и навигација. Била збришана од комета што пролетала покрај Земјата и со парчиња од опашката како со сачми ја прострелала во Северна Америка, Белгија, Сирија, Чиле, дури и во Антарктикот. 

Украинскиот претседател упорно бара столче на преговарачката маса во Алјаска на која ќе бидат Трамп и Путин, но знае дека нема да го примат на самитот ни како нем посматрач. Затоа Зеленски тивко ги разгледува реалните опции за мир – како да ја изведе очекуваната „размена на територии“ и да ѝ остави на Русија да преземе што е можно помалку од окупираната украинска земја.

Доналд Трамп ја испрати Националната гарда на улиците на Вашингтон за да го исчисти главниот град на САД од „малолетни дивјаци, манијаци и бездомници“. Окружната полиција првпат во историјата ќе биде под контрола од федералните власти, барем 30 дена. Предупреди дека слични мерки ги очекуваат и најголемите градови - Њујорк, Лос Анџелес и Чикаго, ако не ја средат безбедноста.

Пари што ЕУ ѝ ги испратила Полска за да го закрепне угостителскиот сектор по пандемијата за ковид завршиле во сомнителни проекти, како клуб за свингери, пицерија со солариум, вотка-барови, дури и за јахти. Брисел не ги даваше милијардите додека на власт беше партијата Право и правда, и ги чуваше за Туск кога ќе стане премиер. Сега Брисел е соучесник во скандалот.

Кинеските универзитети не штедат на пари и вијуги за да остават што е можно посилен прв впечаток кај студентите. Поканите за студирање одамна не се формално парче хартија. Тие сега се престиж. Во нив се вложени илјадници часови експериментирање и креативен труд, за да бидат симбол на високото научно ниво на Универзитетите и на технолошката доминација на Кина во 21 век.

Доналд Трамп се пазари и со националната безбедност на САД, само за да ги молзе техонолошките гиганти. Прво забрани извоз на напредни чипови на Кина, а сега на избрани компании им дозволува да ја кршат забраната и тоа дебело ќе го наплати. Пекинг ја разгледува можноста да забрани увоз на американски чипови, ако оцени дека оние на Нвидиа и АМД имаат „шпионски“ задни порти.

Израелските сили го ликвидираа најистакнатиот репортер на Ал Џезира во Газа. Шаторот во кој престојувала екипата на Анас ал Шариф бил разнесен со проектил. Го обвинуваа дека бил член на военото крило на Хамас. Ал Џезира тврди дека обвинувањата немаат врска со вистината и дека убиството е дел од кампањата за истребување на сите што известуваат за геноцидот во Газа. 

Одлуката на властите во Хумиља, гратче со околу 27.000 жители, да забрани верски свечености во спортски објекти, ја разбранува и ја подели шпанската јавност. Причината нема врска со спортот: муслиманите традиционално ги славеле своите празници во спортски сали. Владата обвинува за исламофобија. Популистичката партија Вокс ја поздравува одбраната на традиционалните вредности. 

Бетонирајќи се во градови, луѓето изгубиле 60% од поврзаноста со природата од 1800 година па наваму. За толку од секојдневниот говор и од книгите биле искоренети зборовите за природата - како река, мов или цвет. За да може човекот некако да ѝ се врати на природата, мора радикално да го врати зеленилото во урбаните средини и да ги воспитува децата од најрана возраст.

Новата „зачинета“ верзија на Грок не се колеба да генерира видеа со мека порнографска содржина од реални личности, дури и кога тоа не се бара експлицитно од него. Ги соблекува до појас Тејлор Свифт, Меланија Трамп, некои жени дури и угул голи, но не и мажите. Тоа се толкува како намерно вградена мизогинија во алатката со вештачка интелигенција на Илон Маск. 

Трамп наредил да биде активирана војската на територија на други суверени земји за да ги запре наркокартелите што товарат фентанил и други дроги во САД. Пентагон и Стејт департментот прават оперативни планови, а правниците бараат начин како без согласност од Конгресот да го претстават како „самоодбрана“ ликвидирање на шверцер на дрога во џунгла во Венецуела или Мексико.