Израелските сили од октомври 2023 година убија близу 60.000 Палестинци во Газа. Уште безброј се заробени под урнатините, умираат од глад или биле застрелани додека чекале храна. Паралелно со крвопролевањето, забранети се меѓународни медиуми и се води системска кампања за истребување на оние што останаа да го документираат и да го разоткријат геноцидот во Газа и Западниот Брег.

Од Азија преку Европа и Блискиот Исток до Америка се водат спорови, конфликти и војни за пристап до вода. Русите ја разнесоа браната Каховка во Украина. Индија ја запре реката Ченаб како притисок врз Пакистан. Се пречкаа Тексас и Мексико. Израел ја дозира водата за Западниот Брег. Новиот случај е етиопската мегабрана на Нил, која Египет ја смета за егзистенцијална закана.

За психоделичното соединение содржано во некои видови печурки, неодамна е откриено дека ветува за третман на некои невропсихијатриски нарушувања, вклучувајќи депресија, анксиозни нарушувања и посттрауматско стресно пореметување. Помага во флексибилноста на однесувањето и го поттикнува исчеснувањето на стравовите. Не џабе ги викаат магични печурки. 

Едвај нешто повеќе од половината млади во Европа се уште веруваат дека демократијата е најдобрата форма на владеење. Една петтина би прифатиле автократска власт. Мнозинството е убедено дека Европската Унија премногу се занимава со тривијални прашања, како климатската агенда, наместо да се посвети на суштинското - да обезбеди поквалитетен живот, безбедност и економски раст.

Користењето на вештачка интелигенција ја зголемува ефикасноста, но на долг рок може да ги ослаби меморијата, креативноста и оригиналната мисла. Нова студија од МИТ крева тревога дека прекумерна употреба на генеративни алатки како ChatGPT го затапува умот. Авторите потсетуваат дека и мозоците, како и телата, имаат потреба од редовни тренинзи за да останат во форма. 

На британската ресторантска сцена се најавува нешто што веќе познато од концертите. Цената да се одредува динамички,  во зависност од побарувачката. Ако ви е јаде кога на сите им се јаде, ќе платите поскапо. За поевтино, ќе дојдете во бош време. Тамошните угостители признаваат дека најголем проблем сепак им се оние кои ќе фатат маса за цело време да прават фотки за Инстаграм. 

Слично како и ивермектинот, во битката за профит настрада и диметил-сулфоксидот, кој пред половина век беше прогласен за медицинско чудо поради способноста да ја смири хроничната болка и да помага при разни болести. Но, фармацевтските компании не можеле да го патентираат, па тргнаа во војна против евтиното средство што ги загрозува нивните скапи и профитабилни лекови.

Проверувале податоци за 1,3 милиони жени од Чешка, кои пред зачнување биле невакцинирани или вакцинирани за ковид. Утврдиле дека стапката на зачнувања кои воделе до успешно родени деца била, на 1.000 лица, далеку помала кај оние кои примиле вакцина против ковид - 19.   

Австрија објави дека ќе го депортира во матичната земја првиот сириски мигрант. Тоа со огромен интерес го следат другите европски земји, кои во изминатите години примија речиси 1,7 милион Сиријци, а не можеа да ги депортираат ни криминалците меѓу нив, зашто беа заштитени како бегалци. Сега се смета дека не се под закана, бидејќи е соборен режимот на Асад од кој побегнаа.

Астрономи открија небесно тело од друг ѕвезден систем што талкајќи низ галаксијата упаднал во Сончевиот систем. Сега е на далечина до Јупитер, ќе протатни близу до Марс, но нема да ја загрози Земјата. Од далеку личи на комета. Поради брзината на „натрапникот“, нема да може да го пресретнеме и потемелно да истражиме дали содржи аминокиселини, кои се основните коцки за создавање живот.

Нашите умови ги чувствуваме како многу приватни и уникатни за секој од нас. Но, истражувачи се на трага на идејата дека нашата свест можеби е поврзана со нешто многу поголемо. За да не го викаме тоа Господ (пошто звучи многу ненаучно), рамката на оваа идеја е сместена во областа на квантните процеси, поточно феноменот познат како квантно вплеткување. 

И конзервативците и екологистите жестоко го критикуваат новиот климатски план на Европската комисија за 2040 година. Едните тврдат дека преамбициозните и неостварливи цели ќе го зголемат товарот врз економијата и граѓаните, давајќи им предност на САД и Кина. Другите се жалат дека не е доволно строг и дека е разводнета веќе прифатената цел за намалување на емисиите на CO2.

Американската администрација за храна и лекови (ФДА) одобрила стотици лекови без докази дека делуваат, дури и некои што предизвикуваат штета, покажува новинарска истрага. Соочена со политички и индустриски притисок, ФДА ги напушта стандардите за да стигнат лековите побрзо во аптеките. Несакани ефекти од лекови издадени на рецепт сега се меѓу трите главни причини за смрт во светот.

Научници од неколку универзитети открија потенцијална врска помеѓу редовното дремнување и здравјето на мозокот. Нивните наоди сугерираат дека оние човечки „само да дремнам на кратко“ помага да се одржи мозокот млад. Разликата воопшто не е за потценување. Виталноста на мозокот на оние кои сакаат да дремнат преку ден е најмалку 6 години подобра од останатите.

Џеф Безос најде начин како да ги смири протестите од вработените. Наместо да им ја олесни работата, ги заменува со машини. Не оти и досега Амазонците многу се разликуваа од роботи. Немаа право ни на пауза за тоалет, па си носеа шишенца за мочање. Машините работат неуморно, не бараат поголема плата, не губат време по одмори и боледувања, не се организираат синдикално и не се бунат. Сè уште не.

Невообичаен товар од семе од канабис, габи, алги, човечка ДНК и пепел од кремирани тела заврши во Пацификот наместо во орбита околу Земјата. Со тоа пропадна обидот за тестирање на индискиот коноп како растение со голем потенцијал да помогне во вселенски мисии, особено за да им обезбеди материјал, лекови и многу други нешта на астронаути што ќе градат колонии на Марс.

Иранската морнарица за време на судирот со Израел натоварила подводни мини на бродови за да го блокира транспортот низ Ормуз, протокот до Персискиот Залив низ кој поминува една петтина од глобалната трговија со нафта и гас. Американскиот удар врз нуклеарните капацитети на Иран ја крена цената на нафтата за 10%. Блокадата на Ормускиот теснец би предизвикала светски хаос.

Во денови кога Франција гори од топлотниот бран со температури над 40 Целзиусови степени, властите го отфрлија барањето на десничарската лидерка Марин ле Пен за масовно инсталирање клима-уреди во училиштата и јавните установи низ земјата. Аргументот на властите е дека климите ослободуваат топлина што ги загрева улиците и им го прави животот пекол на комшиите.

Наместо да биде депортиран, албански мигрант со дебело криминално досие доби право да остане во Британија. Трибунал оценил дека речиси 50 пресуди за грабеж и провали „не се доволно екстремни дела што би ја револтирале британската јавност“. Може само да се нагаѓа каде е границата за „екстремно“. 100? 200? Згрозени од вакви пресуди, и власта и опозицијата бараат итни реформи.

Четворица новинари од турското сатирично списание Леман се уапсени поради карикатура на која наводно е прикажан пророкот Мухамед. Главниот уредник попусто се извини и објаснува дека на карикатурата не е прикажан Пророкот, туку жртва на израелско бомбардирање. Полицијата едвај ја запре групата религиозни демонстранти што го нападна седиштето на Леман и повика на „одмазда“.

Ново истражување ја оспорува хипотезата на климатските активисти дека глобалното затоплување е предизвикано од јаглерод диоксид. Науката вели дека тоа е природен циклус. Нивото на морето било многу повисоко пред 6.500 години бидејќи било многу потопло и се топеле поларниот и глацијалниот мраз. Оваа природна осцилација се случувала при многу ниски нивоа на CO2.

За 1.135% бил поголем ризикот за аутизам кај бебињата во САД вакцинирани против хепатитис во споредба со оние што не биле вакцинирани, покажало истражување на Центрите за контрола и превенција на болести. На здравствените власти не им одговарале резултатите од сопствената студија, па манипулирале со податоци за да ја прикријат вистината, тврди министерот за здравство на САД.

По 40 години употреба на тешки дроги и алкохол, неколку блиски средби со смртта и општо јако нездрав живот, Ози Озборн реално требаше досега да биде мртов. Со децении има пиено по 2-3 литри вотка и Хенеси дневно, па сепак, таа брлива олупина уште е жива. Денес мажите ќе каснат едно благце и после ќе замараат дека си ја упропастиле кетозата и дека ќе мора да почнат сè одново. Ц ц...