* Види: Десет жртви во масовно пукање во училиште во Канада
*********
Од денес се прогласувам за најпаметна и најубава личност на светот. Сакам сите така да ми се обраќате, да зборувате така за мене и да ме почитувате како суперпаметен, суперзгоден маж.
Ако некој мисли поинаку, ако ми приговори дека можеби не сум толку паметен и убав колку што се мислам, тоа многу ќе ме навреди, ќе ме фрли во депресија и ќе предизвика значајни психолошки проблеми. Ќе го третирам тоа како говор на омраза и поттикнување на насилство.
А тоа е веќе кривично дело, па е многу опасно за вас да не се покорувате на моите желби и каприци. Не сакате ваљда јавно да бидете прозвани во медиумите, како екстремни десничари и ширачи на омраза кон луѓе кои се ултра паметни и ултра згодни.
Звучи блесаво? Се прашувате дали сум луд? Можеби звучи лудо, но не сум луд. Токму тоа се случува во западниот свет, вклучително и кај нас. Пред околу десет години, лудаци го презедоа кормилото во САД и Западна Европа, а она што некои го нарекуваат „воук култура“ влезе во закони. Феминистките тоа го побараа - и го добија. Бидејќи мора да им ласкаме на феминистките, нејќеме да нè прозиваат за шовинизам, патријархат, фашизам и други етикети што сакаат да ги лепат на секој што ќе предупреди дека постојат работи како општествена норма, природа, реалност, докази, факти и слични тривијалности кои се сосема неважни во денешно време.
Живееме во свет каде што општеството се покорува, а законите се прилагодуваат на таканаречените „ранливи групи“. Тоа многу често се колективи на ментално неурамнотежени поединци кои одбиваат клинички третман и стручна помош. Наместо тоа, инсистираат дека се „нормални“ и здрави, а ние мора да се покориме на нивниот свет. Ако одбиеме, ќе завршиме на столбот на срамот или дури и во затвор.
Сигурно слушнавте дека имало масовно пукање во училиште во Канада. На почеток имаше малку официјални извештаи - само дека имало многу убиени и ранети луѓе и дека сторителот извршил самоубиство.
Првата информација беше: „Сторителот е жена облечена во фустан“.
Тоа би требало да зачуди секого бидејќи не се случува често жена да земе пиштол и да убива деца во школо. Проверив некои податоци - во Канада, масовно пукање во училиште не се случило сè уште во овој век (до пред некој ден). Во соседните САД, ваквите трагедии се почести - од 2001 до 2025 година, имало вкупно 16 пукања и над 300 жртви (во основни и средни училишта и колеџи).
Знаете ли колку од тие 16 масовни пукања биле извршени од жени? Нула. Ниту едно. Додуша, имаше случај во 2023 година во Нешвил што новинарите го припишаа на жена иако се покажа дека станува збор за биолошки маж кој се идентификувал како жена.
Значи, жените едноставно не го прават тоа, па приказната беше прилично чудна од самиот почеток. Недостатокот на основни информации за овој настан мораше да покрене дополнителни прашања. Беше јасно дека властите и полицијата штитат некого затоа што даваа информации на пипета.
А потоа „десничарски медиуми“, како што ги нарекува Индекс, објавија дека се работи за трансродово лице. Всушност, живееме во свет каде што си екстремист и десничар ако ја кажуваш вистината. Тие сметаат дека е „нормално“ да ја лажат и заведуваат јавноста.
Зошто? За да не навредат некого.
Реално, на новинарите и властите, вашите чувства им се на крај памет. Тие немаат проблем да резилат луѓе кои не се љубители на политики како нивните. Ќе ве навредуваат со денови, недели, месеци. Видовме што им правеа на луѓето кои само поставуваа легитимни прашања за време на „коронафестот“. Но, многу пазат да не ги навредат членовите на таканаречените „ранливи групи“, секции кои ги создаде левицата и успеа да ги внесе во законите на речиси сите европски земји.
Во име на овие чувства, почнуваме да криеме основни информации на кои јавноста би имала право. Дури и 20 часа по настанот, канадската полиција не објавуваше ништо за јавноста - немаше никаква врска помеѓу лицето кое го извршило ужасното злосторство и тоа училиште, ништо за потенцијалниот мотив. Дали некој сериозно верува дека не знае ништо, дека не успеале да откријат ама баш ништо?
Не. Ова е класично заташкување. Целото општество се плаши од реакцијата на здруженијата, полицијата, судовите - сите се плашат дури и да помислат што би можело да биде причината, мотивот или орозот за такво злосторство. Но, мора да претпоставуваме бидејќи тоа е сè што ни преостанува.
Што сега следува? Ќе се покрене дискусија за оружјето, бидејќи оружјето е секогаш погрешно. Потоа ќе се покренат 100 нови државни програми за да им се помогне на трансродовите лица, и уште повеќе за обука на другите - да се прилагодат на нивните желби.
И така се бега од вистинскиот проблем кој со текот на времето може само да се влоши. Бидејќи само затоа што сите се преправаме дека нема слон во собата, него и тоа како го има и расте. На крајот би можел да нè прегази.
