Вести › Набрзинка

Десет жртви во масовно пукање во училиште во Канада

11 февруари 2026

Вооружен напаѓач смртно застрелал девет луѓе и ранил 25 во средно училиште и приватен дом во местото Тамблер Риџ во провинцијата Британска Колумбија, а потоа извршил самоубиство.
Во училиштето за деца на возраст од 12 до 18 години биле пронајдени телата на шест лица, а едно загинало на пат кон болница. Во куќа во близина биле откриени телата на уште две жртви – мајка и син. Полицијата не објави дали меѓу загинатите и ранетите има деца.
Не е објавен ни идентитетот на лицето осомничено за нападот, кого полицијата го опиша како „жена во фустан со кафена коса“.

ЕДИТ: Близок роднина го идентификуваше како Џеси Странг - момче што почнало да се идентификува како „жена“ во 2023 година.

Тамблер Риџ е изолирано рударско гратче со 2.400 жители оддалечено 1.150 километри северно од Ванкувер.
Ова е едно од најкрвавите масовни пукања во историјата на Канада. Во 2020 година маж уби 22 луѓе во 13-часовно дивеење во провинцијата Нова Шкотска, пред да биде убиен 90 километри подалеку од неговата прва жртва. Во декември 1989 година вооружен маж уби 14 ученички во училиште во Монтреал, а потоа изврши самоубиство.

извор

Странски криминалци ги преполнија затворите во Финска

19 септември 2026

Поради преполнетост на затворските капацитети, Финска бара правна рамка за да префрла осудени криминалци да ја отслужуваат казната во странство. Тоа подразбира и странските затвореници да бидат префрлени во ќелии во нивните матични земји.
Хелсинки ги разгледува опциите на Шведска - која од август почна да префрла свои осуденици во затвор во естонскиот град Тарту, или на Данска - која во десетогишен договор од 210 милиони со Косово изнајми 300 ќелии во затворот во Гњилане.
Според податоци на Службата за затвори и условна слобода, во Финска има околу 3.900 затвореници, од кои 950 се странски државјани.
Бројот на странски затвореници е зголемен за 76% изминатата деценија, а бројот на фински затвореници во истиот период е намален.
Најголем дел од странските затвореници отслужуваат казни за кривични дела поврзани со дрога (49%), за сексуални престапи (21%) и за убиства (10%).

извор

Трамп им забрани пристап на CNN, MSNBC и Politico во Белата куќа

19 септември 2026

Претседателот Доналд Трамп им забрани пристап во Белата куќа на новинари од CNN, MSNBC и Politico поради „објавување лажни вести“. Се закани дека ќе блокира и други медиуми за кои ќе оцени дека известуваат „неповолно“.
„Нешто не е во ред со земја што дозволува луѓе намерно да пишуваат негативни извештаи. Ако сакаат да ги пишуваат, во ред. Не морам да ги пуштам во домот на народот... Тоа е многу едноставна забрана. Не ги сакам во мојата канцеларија“, изјави Трамп.
Тој додаде дека забраната важи веднаш, но би можела да се укине ако трите медиуми „се поправат и објавуваат поповолни извештаи“.

Новинари од CNN, MS NOW и Politico сè уште беа во кругот на Белата куќа кога Трамп ја објави забраната, без никакви знаци дека ќе бидат отстранети.
„Според Уставот на САД, имаме право да известуваме без попречување или мешање од владата. Ако се спроведе забраната со која се закани претседателот, тоа би претставувало незаконски напад врз фундаментално и уставно загарантирано право“, објави CNN.

извор