Во интервју што како едвај да го чекаше, поранешниот британски премиер, и човекот кој го организираше референдумот за брегзит, меѓу другото порача дека уште еден референдум за брегзит е возможен, и дека крив за сè е сегашниот британски премиер.

Цела просторија нагло замолчува кога Трамп извикува „па, каде е мојот омилен диктатор“ барајќи го египетскиот претседател, Абдел Фатах Ал Сиси, со кого треба да има состанок.

Британските Ториевци имаат план да ја покачат старосната граница за одење во пензија, од сегашните 67 на дури 75 години. Тоа го предлага тинк-тенкот на Јан Данкан, омилениот тинк-тенк на Борис Џонсон. 

Веб-страна која се води како „муслиманска он-лајн платформа за животен стил“ излезе дека тајно е финансирана од британското министерство за внатрешни работи. Тие знаат зошто.

Во целата историја на посветено и професионално зјапање во небото, досега беше забележан само еден објект кој ни доаѓаше од надвор од нашиот Сончев систем. Сега е детектиран и вториот, од страна на аматер астроном од Крим.

„Permanent Record“ е насловот на автобиографијата на најпознатиот свиркач на светот, Едвард Сноуден чие излегување е најавено за 17-ти септември. За својата земја тој е државен непријател кој живее во егзил во Москва. Сноуден нема намера да ги брани Русите ама многу знае за тоа што прават Американците.

Државното претпријатие одговорно за одржување на улиците во Москва, Автодор, на суд бара отштета од организаторите на протестите во Москва за изгазената и уништена трева за време на неодамнешните демонстрации.

Во 2015, најголемите 6 производители на цигари прават поголем профит од Дизни, Кока-кола, Гугл, Мекдоналдс, Старбакс и Федекс, заедно. А тоа не се пари што се прават во свет што не пуши.

Една од дилемите која одамна мачи околу анти-ваксерите е: како не си го вакцинираш роденото дете, а си го вакцинираш кучето? А, кој ќе ти реши ваква дилема, ако не анти-ваксер.

Хаса бинт Салман е сестра на актуелниот престолонаследник на Саудиска Арабија, која некако сфаќа дека нејзиниот кралски статус важи и на другата страна на светот, во Париз.

1998 година, Амазон се уште е мала и нова компанија (за американски размери), ама Нетфликс е уште помала и понова. Нетфликс во тоа време речиси една година e во бизнис со видео содржини, бизнис во кој Амазон сака да влезе, па овие им изгледаат како одличен почеток.

Досегашниот биланс на мртви од ураганот Доријан на Бахамите е 30 луѓе, ама ова бројка е само од потврдени случаи кои не ги земаат предвид стотиците луѓе што се уште се водат како исчезнати и допрва треба да бидат пронајдени.

Откако возач на Порше џип ја изгуби контролата на возилото, се качи на тротоар и уби три возрасни и едно дете, политичарите и јавноста во Берлин побара забрана за возење џипови „што наликуваат на тенкови“.

Дебаклот на МИТ со Епстин е проституција на интелектуалната активност, за чие санирање е потребно затворање на МИТ Медиа лаб, укинување на ТЕД говорите и отфрлање на парите од технолошките милијардери.

Саудискиот новинар е убиен и распарчен (буквално) во саудиската амбасада во Турција. Катарска Ал Џезира, врз основа на турски извори, прави видео реконструкција на убиството на Кашоги.

Првиот човек на француската фудбалска асоцијација објави дека им дал инструкции на судиите повеќе да не ги запираат натпреварите заради хомофобно навивање од трибините, затоа што „хомофобија не е исто што и расизам.“

Не се знае од каде излегле парите, ниту се знае каде завршиле, само се знае дека во прашање се 94.504 биткоини.

Кока Кола. Најк. Мекдоналдс. Тоа се едни од светските топ брендови и тие имаат три заеднички работи: автентичност, конзистентност и емотивна поврзаност. Тоа го има и топ брендот во денешната политика, Доналд Трамп. Како тоа?

Предлогот за решавање на проблемот со финансирање на медиумите (и очајниот недостаток од истото) од група академици е секој навивачки да донира пари на медиумот што најмногу му се допаѓа. И тоа не сопствени пари, туку државни.

ЦД-то како медиум никогаш не успеа да создаде емоции кај публиката, и цената за тоа е што веројатно никогаш нема да дочека воскреснување, како она што им се случува на музичките плочи.

Иако во 2018 вкупната продажба на Амазон Европа расте за 11,6% и изнесува 28 милијарди евра, компанијата на овие пари има направено минус од 493 милиони евра, што значи дека ЕУ пак нема да види данок од Амазон.

„Доаѓај и вади ме од овде!“, избезумен му се јавил на својот менаџер Фреди Меркјури за време на една сесија во студиото на Мајкл Џексон. „Како зошто? Па овој секој ден носи лама во студио!“

Трамп реши да ја повлече регулативата која носеше стандрди за тоа како сијалиците треба да бидат штедливи и енергетско ефикасни. Сè од кое на неговите противници им паѓа мрак на очи за него е добар потег.  

Славој Жижек има добра слика за тоа што се случува со природната околина. Еден од ретките со суштинска критика, особено против индивидуалистичкиот пристап кон проблемот, со опсесивно рециклирање, веганство и слични претерувања. Сето тоа според Жижек е одраз на немоќта на индивидуата и бегање од реалноста: проблемот може да го реши само целиот свет заеднички, како обединет колектив.