Со месеци во оваа африканска земја нема кеш, гориво и струја. А сега е речиси невозможно да се дојде и до пасош. 

Астронаутската професија е рангирана меѓу последните пет професии.

Навидум банална вест - улица во Велс станала рекордер, како најстрмна на светот. Но таа е стара неколку векови, што го покренува прашањето, како тоа некоја друга до сега фигурирала како најстрмна?

Откако сите си пружија рака околу штетноста на бројката на лајкови и како таа влијае на психичкото здравје на корисниците на Инстаграм (меѓу другото), компанијата реши да тргне по нов пат и да ги збрише лајковите од апликацијата. По неколку месеци тестирање во Канада, излезе дека на народ и не му пречи да го нема бројчаникот.

Екипата е составена за потребите на американските избори 2020, и треба да им помогне на останатите новинари на медиумот да не наседнат на некој потенцијален дипфејк што би се појавил во овој период.

Примирјето околу кинескиот гигант заврши деновиве со текст од Вашингтон пост во кој се објавува дека Хуавеи последниве години работел на повеќе проекти во Северна Кореја, вклучително и изградба на нивната мобилна мрежа.

Американскиот претседател треба да пружи отпор на притисокот од неговите советници и да ги де-ескалира тензиите во Персискиот залив, порачува во колумната за Гардијан поранешниот ирански претседател Мухамед Катами.

Холандски старт-ап ја прекина својата работа откако нагло воочи дека нивниот главен производ, породување во вселената, има сериозни „етички, безбедносни и медицински проблеми“.

Со години Германците со презир и одважност гледаа на глобалната, а посебно на американската, пракса на распалување клима уреди секој пат кога малку ќе се затопли. И тоа така тераше се додека летово во Германија уште во јуни неколку денови по ред не стигнаа до 37 степени.

Во 2,000 фгодина Кина речиси немаше позајмувано пари по светот. Денес нивните кредитни линии тежат околу 700 милијарди долари. На мапата е и Македонија.

Жртвата на хакерскиот напад во случајов е руската компанија Сајтеч која работи на истражувачки проекти за ФСБ, а хакерите се од групата „0v1ru$“ кои успале да упаднат во актив-директори серверот на компанијата и од таму добиле пристап до целата нивна ИТ мрежа. Во упадот успеале да соберат 7,5 терабајти податоци.

Насловот на новиот филм (кој малку влече накај ТВ новела) е „Тор: Љубов и молња“ (Thor: Love and Thunder) и ќе биде еден од првите од 4-та фаза на Марвел филмскиот универзум.

Астронаути фрлаат светло врз одговорот на ова прашање кое ги подгрева оние сомневања дека никогаш и не сме биле таму. Причините се депресивно овоземни.

Наспроти сите очекувања поранешната германска министерка за одбрана стана првата жена претседател на Европската комисија, прв германски државјанин на оваа позиција во изминатиот половина век, а и прв човек на позицијата чија мнозинска предност може да се преброи на две раце.

Десетина илјади срцеви заболувања и илјадници случаи на рак ќе беа спречени ако британската влада своевремено не прифати производителите на храна доброволно да ја намалуваат количината на сол во нивните производи.

Ќумурот од пожарот во катедралата уште беше топол кога француските и светските милијардери почнаа да надаваат кој повеќе ќе донира за реставрација на Нотр Дам. На крај беше ветена блесава сума пари, која предизвика спорадични критики (што не ги дадете на сиромашните) и громогласни аплаузи и хвалоспеви од светската публика. И за сега е останато на ветување.

Германците изработиле интерактивна карта од која се гледа што тоа се случува со населението во Европа во последниве 6 години. Главниот тренд е дека градските предградија растат, на сметка на руралните области. Ако одите во Дебарца, нема од кого упаљач да побарате.

Како што денес стојат работите (и рускиот устав) Путин во 2024 оди во пензија. Како што денес стојат работите никој не може да замисли ова да се случи.

Претседателот на Филипини не прифаќа да одговара пред белци за наводните прекршувања на човековите права, а ако треба да одговара тоа ќе биде на Филипините, пред филипински судија и филипински обвинител.

Крајната цена на Пекинг Даксинг аеродромот е 9 милијарди фунти, што и не е некоја багатела. Крајната цена само за третата писта на лондонски Хитроу е 14 милијарди фунти, што значи дека пак се враќаме на тоа дека она кинеското е багатела.

Стар Албанец кој живее во Франција видел фотографија од неговата ампутирана нога како предупредувачка фотографија на опаковка од тутун. Ниту дал дозвола за користење на сликата ниту ногата ја изгубил од пушење.

Земјата е под секакви санкции уште од првиот ден на своето постоење, а Јонг Ун не пропушта на секое патување во странство да покаже што нова лимузина успеал да купи.

Јаглерод диоксидот веројатно е една од најомразните молекули меѓу луѓето. Ни го труе водухот, ни ја загрева климата, ни ги прави дождовите кисели... Нуачници веруваат дека молекулата може да биде ребрендирана.

Прометеј треба да биде апгрејдот на С-400 рускиот одбранбен систем, кој до сега му направи повеќе проблеми на Западот на дипломатско отколку на бојно поле. И како за нова верзија, тој ќе биде значително унапреден. Барем според Русите.