Селски доктор на Јутјуб објавува комбинација со која ги третира своите пациенти со симптоми на ковид-19. Оттука, приказната свртува цел круг. Без никаква поткрепа од науката, трамписти го дочекуваат тоа како пресвртен момент во пандемијата а овие другиве што се демек либерали ги ругаат првине како небањати и глупи. А има и капак на сето тоа.

Здравствени работници ги перат и по неколку дена по ред ги носат истите маски, вработени во супермаркети со висок ризик на заразување со месеци не добиваат маски, а згора на тоа националните резерви на САД со маски веќе на 1-ви април беа при крај.

Хрватски бизнисмен изнајмува авион во Лондон и со уште други 9 души слетуваат на аеродромот во Марсеј каде ги чекаат хеликоптери за да ги однесат директ до приватната вила што ја изнајмиле. Сосе хеликоптерите ги дочекала и тамошната полиција.

Американски граѓани во Либан, со комплет документи и без никакви проблеми со законот, одбиваат да се вратат назад затоа што им е побезбедно во Бејрут отколку во родната грутка.

Ковчези со починати од ковид-19 во градот Њујорк се редат во дупка на неколку спрата во десетина реда и се потрупуваат со земја на островот Харт во близина на Бруклин.

Масовно испитување на луѓето во германското гратче од кое тргна заразата во Германија покажа ниско ниво на општа инфицираност од 15% и уште поважно, ниска стапка на смртност од само 0,37 проценти.

Ако постоеше ситуација во која Обединетите нации можеа да го оправдаат на своето име, тоа е актуелната пандемија која ем е првенствено здравствен а не политички проблем ем е беља која навистина бара нациите да делуваат обединето. Ама, кризата ја соголи и оваа помпезна глобална институција покажувајќи дека е обична скапа шасија за нешто што во мирни времиња се претставува како моќен диригент на меѓународниот оркестар.

Да, јавно достапна информација се вестите што ги реобјавува и агрегира Гугл Њуз, ама па и таа јавно достапна информација некој се потрудил да ја напише и објави, а секој труд, па макар бил и туѓ, треба да се плати.

Како и сите низ светов, така и жителите на Нов Зеланд направија залихи на тоалет хартија и брашно. За разлика од сите низ светов, жителите на Нов Зеланд направија и залиха на секс-играчки. Веројатно против монотонија.

Руските власти уапсија разнесувач на храна низ карантирана Москва, кај кого не е најдена храна, ама затоа е најден половина килограм марихуана.

Велика Британија набргу ќе остане без овошје и зеленчук ако итно не организира чартер летови за носење аргати од источна Европа. Тоа не се сити Раша тудеј туку известува Гардијан.

Откритието кое доведе до фамозната вијагра сега експериментално се инхалира во болници на неколку краја на светот. Онаа која своевремено беше прогласена за „молекула на годината“, сега се тестира дали на ковид-19 пациентите ќе им помогне да дојдат до он кое најмногу им недостига - кислородот.

После Втората светска војна, скандинавските земји со децении педантно трупаа резерви на медицинска опрема, гориво, храна и воена опрема за во случај на кризни времиња. По завршувањето на Студената војна, проценувајќи дека главната гео-стратешка опасност поминала, Норвешка, Шведска и Данска престанаа да го прават тоа.  Не и Финска. 

Епидемијата и диктатурата имаат две заеднички особини: и едната и другата се хранат, опстојуваат и се шират преку луѓето кои не ги препознаваат симптомите. И епидемијата и диктатурата имаат период на инкубација. Кога граѓанинот на крај ќе се најде на оддел за интензивна нега или пред суд, веќе е доцна.

Првиот човек на водечката научна институција на ЕУ, професор Мауро Ферари, поднесе оставка на својата позиција во знак на протест за начинот на кој ЕУ реагираше околу ковид-19 кризата.

Јапонија ќе даде милијарди за јапонските компании да се вратат дома од Кина. Германија пак ќе даде се од себе за Кинези да не се појават пред вратите на германските компании.

„Секоја пролет е некој вирус, така и сега е некој коронавирус“, оптимистички ќе каже белорускиот асимптоматски лидер кој „лично ги анализирал податоците“ (има човекот завршено Земјоделско) и видел дека тука нема ништо страшно. Во отсуство на официјални бројки на кои им се верува, луѓето во Белорусија почнуваат меѓусебно да се информираат за состојбата со испишување графити со тоа колку жртви има во маало.  

Рускиот претседател се тестира секој ден откако пред некое време беше објавено дека еден доктор со кој имаше личен контакт е позитивен на ковид-19. Исто така рускиот претседател се уште држи состаноци во Кремљ како на времето.

Иако пуританци и разно-разни верски задрти и сега ќе ве убедуваат дека ѓаволот не се крие во деталите туку во раката, државна здравствена организација од Њујорк ги потсети луѓето на ноторниот факт дека во вакви моменти, сами себе си се најбезбедниот сексуален партнер.

Кој е Чарлс Либер, уапсениот професор од Харвард за кого на многу интернет инстанци ќе сретнете дека е тоа е злотворот кој го создал коронавирусот и потоа им го продал на Кинезите?

Требаше да се случи глобална пандемија и цел свет да застане за конечно да се освестиме за само-наметнатата важност на прилично неважниот слој од глобалното општество - ѕвезди по која било основа. И ваквото рекалибрирање на нашите приоритети треба да продолжи и кога еден ден ова другово ќе биде зауздано.

Во веројатно најпогрешниот период од постоењето на ЕУ (и не, нема правилен), Унијата одлучи дека сега е правиот момент кога треба да дозволи инсектите да бидат дел од човечката исхрана.

Коронавирусот најмногу ги погоди најразвиените земји. Една од работите кои им е заедничка е дека, заради проценка дека болеста е искоренета, го имаат укинато универзалното вакцинирање против туберкулоза, болест некогаш позната како офтика.

Секоја земја има свои специфики на пулот инфицирани од коронавирус и ќе треба уште долго време сите тие податоци да се соберат, спастрат и анализираат за да се извлечат некакви поуки. Во Русија на пример, оние преку 60 години се само 15% од вкупниот број заразени. Интересно е и зошто Русија не ги тестира веднаш оние што се враќаат со авион.