Сакај го (нај)ближниот свој

Медицинска препорака од Њујорк: Мастурбирајте

Иако пуританци и разно-разни верски задрти и сега ќе ве убедуваат дека ѓаволот не се крие во деталите туку во раката, државна здравствена организација од Њујорк ги потсети луѓето на ноторниот факт дека во вакви моменти, сами себе си се најбезбедниот сексуален партнер.

На својата официјална Твитер сметка, њујоршкиот департмент за здравје и ментална хигиена неодамна го твитна ова:

„Бакнувањето може да го рашири ковид-19, исто како и римингот (да не објаснуваме сега детали - н.з.). Мастурбирањето НЕМА да го прошири ковид 19, особено ако редовно ги миете рацете (и секс играчките) со сапун и вода“.

Претходно, истиот департмент објави подолг меморандум за тоа што е безбеден секс во време на пандемија. И таму се препорачува мастурбирањето како најбезбеден глагол на постигнување сексуално задоволство, втор по ранг е партнерот со кој се живее (во изолација), се препорачува да се избегнуваат сексуални контакти со аутсајдери а ако некој е навикнат да наоѓа партнери онлајн - малку да заборави на тоа и да се задоволи со секс четови, секстирање и слично (при што може да се користи со партнерот број еден).

Бројни се студиите за здравствените бенефити на мастурбирањето, од намалување на стресот, до јакнење, не само на раката, туку и на имунолошкиот систем.

********
Види и:

Своерачна легислатива (каде смее а каде те маваат затоа што си го мавал?)

Порнхаб, меѓу нас е свршено

Живописни изрази за мастурбација во различни јазици

Марк Твен за мастурбацијата

Самозадоволувањето како инспирација

 

 

 

7 април 2020 - 22:06