Кинеската групација за е-трговија е казнета со 2,8 милијарди долари, што берзите го протолкуваа како сигнал дека владата веќе нема да ја замара најголемата кинеска компанија.

Ефикасноста на кинеските вакцини не е висока, е најдоброто нешто што кинеските власти имаат да го кажат за своите вакцини.

Оној за кој Ердоган имаше предвидено столче кога Урсула фон дер Лејен мораше да седне на канабе и да чека дали ќе ѝ биде дадено сукало за да прави мантии, сега имал кошмари и му се вртела таа сцена по глава. 

Третиот по богатство човек во светот моментално поседува речиси 1.000 километри квадратни обработливо земјиште (сите 10 општини на Скопје се неполни 600 километри квадратни секакво земјиште).

Долгогодишната потрага по природна замена за вештачката сина боја која се користи во прехрамбената индустрија конечно завршува. Корисен син пигмент е најден во - црвената зелка.

Изложеност на сончева светлина би можело да има потенцијал на здравствена мерка за намалување на стапката нa смртност од ковид, навестува студија оид Унивeрзитетот во Единбург утврдувајќи линк меѓу посончевите делови и помалата смртност.

Администрацијата на Бајден размислува околу испраќање воени бродови во Црното море во следните неколку седмици како поддршка на Украина, откако руските воени сили станаа се почести и побројни на границата со Украина.

Од 1941 до 1945 германските нацисти заедно со своите соработници од цела Европа извршија систематски геноцид убивајќи над 6 милиони европски Евреи. Еден од сојузниците на нацистичка Германија беше и Бугарија, која во име на својата поданост кон Хитлер во Треблинка испраќа 11.400 Евреи од териториите кои ги поробува како дел од нацистичкиот сојуз. Од нив 7.000 Евреи се од Македонија, и сите до до еден се убиени во гасните комори во Треблинка.

Европскиот суд за човекови права застана на страна на задолжителното вакцинирање, одлучувајќи дека тоа не ги прекршува човековите права и дека е неопходно во демократските општества.

Аранжманот на седење беше во согласност со барањата на Унијата, е одговорот на турското министерство за надворешни работи за скандалот со седнувањето на Фон дер Лejен на страна „додека мажите разговараа“.

Поранешниот американски олимписки шампион, а по ново еден од најпрепознатливите ликови на трансродовото движење, Кејтлин Џенер, како советник го ангажираше поранешниот главен менаџер на претседателската кампања на Трамп, Бред Парскале.

Тазе студија од почетокот на април вели дека за билдање на силен имунолошки одговор битно е двапати да се дојде во контакт со непријателот - вака или онака.

Единствената жена лидер која присуствуваше на состанокот меѓу ЕУ и Турција, на кој меѓу другото требаше да се разговара за правата на жените, заврши без столче меѓу лидерите.

Заради еден од најлошите биланси во справувањето со ковид-19 на барање на премиерот на Чешка беше сменет тамошниот министер за здравство, кого го назначи во октомври минатата година.

Американска непрофитна организација која влегува во незгодни теми како што е ГМО и потеклото на коронавирусот, осети како одеднаш може да се стане невидлив, односно закопан во длабочините на интернетот. Класична кафкијанска ситуација, само што денес зад неа не стои државната бирократија туку алгоритмите.

Кај секој трет преживеан од тежок ковид е дијагностицирано психијатриско или невролошко заболување во рок од шест месеци по заразувањето.

Денеска е шести април 2021 година, точно една година откако Светската здравствена организација објави битно глобално упатство во врска со маските - дека не треба да носат здрави луѓе. Чисто да го одбележиме јубилејот на оваа сулуда година во која авторитети и инстанци на кои рационално им верувавме ни направија толку слаломи, што денес, искрено, и на најглупите антиваксери не можеш да им замераш.

Првата јавно објавена цел на Бајден околу ковид-19 беше САД да стигнат до 1 милион вакцинирања на ден. Сега се стигнати до 3 милиони. Следната цел им е 4 милиони.

Пратка од 700.000 Фајзер вакцини која во неделата требаше да стигне во Израел е одложена на неодредено време. Во случајов неодредено време е колку и да му е потребно на Израел да плати фактура.

Рускиот претседател го потпиша законот за „ресетирање“ мандати кој ќе му дозволи уште два пати да се кандидира за претседател на Русија, со што потенцијално би бил на власт до 2036.

Американската министерка за финансии, Џенет Јелен, предлага воведување на глобален минимален корпоративен данок како САД би можеле да наплатат некоја пара од своите корпорации за финансирање на претстојните огромни расходи.

Париското јавно обвинителство започна истрага околу сведоштвата објавени од медиумите на луѓе кои тврдат „дека јаделе во два или три тајни ресторани со одреден број на министри“.

Како нација позната по својата неподнослива пракса на пладневна сиеста, Шпанците размислуваат за следно ниво на душевадништво на својот работен народ - работна недела од 4 дена.

Студиото зад мобилната верзија на „Call of Duty“ и „Honor of Kings“, 2020 ја завршило со приходи од 10 милијарди долари.